قوليلي يا د. ضحي ان الدم كان صلصة والفيلم هايخلص والميتين هايصحو

قوليلي ان الدم اللي شوفته ده كان عصير طماطم
وان الجثث والاجزاء دي كانت لحمة راس من عند بحة بتاع الناصرية مش اجزاء بني ادمين
وان القصر العيني اللي مكانش فيه مكان لرجل كان كابوس ووهم
وان العملية في بطن مصاب في موقعة الجمل وكانت بتتعمل في طرقة قصر العيني عشان مفيش اوض عمليات دي كانت اوهام رغم اني صورت بموبايلي
قوليلي اني كنت مدمن بانجو عشان عشت الوهم ده
حتي البالطو بتاعك الاحمر اللي الدم كان عليه اشكال والوان قوليلي انه كان شميز احمر وانا اللي كنت عايش التهيؤات
وان المشرحة المليانة جثث ومش لاقيين يودو الجثث فين كانت مجرد ماكيتات
ده انا قعدت ايام مابشوفش النوم واقوم مفزوع من كمية الدم والضرب
وانتو بكل بساطة تقولو برائة ليهم كلهم يا قضاة مصر

كان وهم يا د. ضحي صح؟
كان بيتهيالي

حسبنا الله ونعم الوكيل
----------------------------------------------------

الكلام ده انا كتبته من شوية على وول دكتور ضحي زميلتنا
مش عارف ليه كتبته على الوول بتاعها
بس اكيد عشان الايام السودا اللي عشتها في التحرير وفي قصر العيني كانت هي طرف فيها
يمكن هي واخدة على منظر الدم
انا فرق معايا الدم
كل نقطة دم سالت من شهيد ولا مصاب ولا واحد عاش عمره بعاهه
انا مش مسامح كل واحد مسح دليل ادانة
يا قاضي مصر
يا عظيم
يا كبير
يا اللي المهنة تكليف مش تشريف
هاتقول ايه لربنا على دم الشهدا
لو اتغصب عليك ليه ما سيبتش القضية بدل ما تحكم وانت عارف انها ممسوح ادلتها
قلبي معصور على كل قتيل وجريح شوفته في ايام التحرير

مات من لا يستحق الموت ليحيى من لايستحق الحياة

هونا تقريبا كنت نسيت لحد مسمعت خبر البراءه افتكرت كل لحظة تاني
طب انسي ازاي..؟؟ مخي فيه كلاب بتجري ورا بعض..مش قادرة انسي الساعة الي كانت اشبه بالهدوء الي بيسبق العاصفة..لما انهالت الجثث علي طوارئ القصر العيني..بصراحة يومها خفت اكون ف التحرير لاني م الصبح كنت شايفة ناس غريبة ولا الزبالين جيين من كل مكان رفعين صورة مبارك وريحين التحرير...مش هنسي اللي ماتو بطعنات نافذة لما كنا بنعملهم انعاش للقلب كانو بيبقو ولا نافورة دم من اماكن الطعنات..مش هنسي اكوام الشباب االي مخهم طالع برة دماغهم واهلهم واقفين مش فاهمين في ايه؟؟ والظابط واقف عمال يكتب تقارير الوفاة سقوط من اعلي لسبب غير معلوم..طب انسي ان كان كل الي بيجي ف الاسعاف اموات؟؟ مهم اللي فيهم الروح كانو بيهربو م الاسعاف عشان بيطلعو بيهم علي امن الدولة..طب انسي شوية العيال الصيغ الي سمعاهم بيتكلمو عن ال 200 جنيه؟؟ وواحد قبل مايموت شاور عليهم وقالنا انهم كانو مسكين مطاوي ومدورين ضرب ف الشباب ف التحرير...كان سكون رهيب وريحة الدم ولونه مغطيين المكان...مش عارفة انا قلبي اسود كدا ليه ومحبكاها ومش قادرة أنسي

الازمات تتوالى والتضييق على الشعب مستمر
فكأنك يا ابو زيد ما غزيت

مهود محدش يقدر ينسي
المناظر دي ما تتنسيش
والعقل عايش على انه يشوف يوم تترد فيه المظالم
لكن برائة
ايه البجاحة دي
برائة ايه
بجد انت كنت واعي وانت بتدي برائة
كنت واعي وانت بتكتبها وتنطقها
حسبي الله ونعم الوكيل

فوتوشوب واساسا مكنش فى ثورة والبركه فى القضاء الشامخ على نفسه واحب افكركو ان اما يطلع حكم براءة مش على الكيف النائم العام بيستائنفه زى حكم العبارة

http://www.nileup.com/uploads/13499077431.jpg

من حوالي شهر كان في قاضي بيحكم في واحدة من قضايا قتل المتظاهرين وحكم بالبراءة

وعرفت بعد كده ان ابنه كان احد شهداء الثورة اللي ماتو بسبب الناس اللي كان بيحاكمهم
ما اعتقدش ان في قاضي هيقبل اي ضغط مقابل دم ابنه

ساعتها عرفت وتأكدت 100% ان كل قضايا قتل المتظارين فشنك وكله هيطلع براءة
وحسني مبارك هيطلع براءة وبكرة افكركم وكل اللي معاه في قضية قتل المتظاهرين طلعوا براءة وهو خد حكم لتهدئة الرأي العام فقط واي محام مبتدأ يقدر يخرجه براءة واسالو المحاميين هم يأكدو الكلام ده


كان لازم محاكمات ثورية واحكام رادعة فورية
مش محاكمات بقانون ساكسونيا
حسبي الله ونعم الوكيل

مش عارف الواحد ممكن يعمل ايه تانى
بس انتم ليه نسيتوا براءة كل ظباط 28 يناير
بس هناك القاضى العدل الذى لا يغفل ولا ينام

عقلي و لساني عاجزين عن التعليق علي الخبر ده
لكن كالعاده
بكره برضه ننسي

حسبى الله ونعم الوكيل
حسبى الله ونعم الوكيل
حسبى الله ونعم الوكيل

اقتباس:

---

المشاركة الأصلية كتبت بواسطة أبو صلاح

من حوالي شهر كان في قاضي بيحكم في واحدة من قضايا قتل المتظاهرين وحكم بالبراءة

وعرفت بعد كده ان ابنه كان احد شهداء الثورة اللي ماتو بسبب الناس اللي كان بيحاكمهم
ما اعتقدش ان في قاضي هيقبل اي ضغط مقابل دم ابنه

ساعتها عرفت وتأكدت 100% ان كل قضايا قتل المتظارين فشنك وكله هيطلع براءة
وحسني مبارك هيطلع براءة وبكرة افكركم وكل اللي معاه في قضية قتل المتظاهرين طلعوا براءة وهو خد حكم لتهدئة الرأي العام فقط واي محام مبتدأ يقدر يخرجه براءة واسالو المحاميين هم يأكدو الكلام ده


كان لازم محاكمات ثورية واحكام رادعة فورية
مش محاكمات بقانون ساكسونيا
حسبي الله ونعم الوكيل

---

سيدي الفاضل هناك عبارة في مداخلتك و اقتبسها [ ما اعتقدش ان في قاضي هيقبل اي ضغط مقابل دم ابنه]
هذا القول صحيح و أزيد عليه من الذي سيضغط؟؟؟؟؟
هل قوة ضغط من هلك عنهم سلطانهم و الموجودين بالسجون أقوى أم غضب الجماهير الكاسحة التي اطاحت بمبارك؟؟؟؟؟؟؟؟
إذن لو هناك ضغط على القاضي فهو ضغط للإدانة
أما و أنه عام ضد التيار فهذا يدل على المهنية حتى و ان لم ترضي جموع الشعب
المهنية!!!!! أمال مين اللي قتل المتظاهرين؟؟؟؟؟ كائنات فضائية؟؟؟؟؟
لا يا سيدي هناك شهداء ...لكن ليس بهذه البساطة يحكم القضاة...القاضي يلزمه دليل وفق المعايير القضائية في قبول الدليل
و أين ذهب الدليل ......أين النائب العام؟؟؟؟؟؟
و هل أعطت الجهات الأمنية و المخابرتية و من كانوا يقبضون قبضتهم على الميدان الأدلة للنائب العام ؟؟؟ الم تمحى الشرائط....؟؟ هل تعلمون شهادتهم في المحكمة ؟؟؟؟

المجنون عمرو مصطفى :
"انا كنت صح يا مصريين شتمتوني واستهزاتم بكلامي وجاء يوم الرد عليكم بهذا الحكم".

واضاف مصطفي عبر صفحته الرسميه علي موقع "فيس بوك": "عندما يتحكم الجهل في النخبه لا امل في الاصلاح تحيه لكل خروف صدق ان في اصلا حاجه اسمها موقعه الجمل".

المصدر :
عمرو مصطفى: أنا كنت صح يا مصريين

- قالو محاكمات عادية وادام محاكم عادية عشان يقدرو يرجعو الفلوس اهو لا فلوس ولا احكام ....

- كانت محكمة ثورية تلم كل الاشكال الضالة ده والفلوس تيجي متجيش مش مهم بقي مااحنا عايشين من غيرها اهي ...

اقتباس:

---

المشاركة الأصلية كتبت بواسطة karim_monir

مهود محدش يقدر ينسي
المناظر دي ما تتنسيش
والعقل عايش على انه يشوف يوم تترد فيه المظالم
لكن برائة
ايه البجاحة دي
برائة ايه
بجد انت كنت واعي وانت بتدي برائة
كنت واعي وانت بتكتبها وتنطقها
حسبي الله ونعم الوكيل

---

في رأيي ان القضيه قدام اي قاض بتكون اوراق فقط مجرده من المشاعر او التوازنات(لو قاض عادل طبعا)
و مش حيحكم الا لما يستقر ضميره علي شيء معين مش لمجرد يرضي اطراف وبس
ده حكم قدام ربنا عز وجل
اعتقد المشكله الاصليه في موضوع براءه المتهمين اللي احنا بنكون شبه مقتنعين انهم جناه ده سببه النيابه وتقصيرها و اتلاف الادله او اخفاءها لكن القاضي في الاخر بتوصله القضيه بايظه اصلا و مينفعش يحكم حكم مرضي للناس
ده مجرد رأيي فقط

<A href="http://www.shbab2.com/" target=_blank>http://www.shbab2.com/vb/photos/2/1349893547_499.jpg

http://www.shbab2.com/up/2012/13499166093.jpg

http://sphotos-b.xx.fbcdn.net/hphoto...42849564_n.jpg

http://www.shbab2.com/up/2012/13499168503.jpg

http://www.shbab2.com/up/2012/13499168504.jpg

http://www.shbab2.com/up/2012/13499170012.jpg

https://fbcdn-sphotos-f-a.akamaihd.n...09495081_n.jpg

http://www.shbab2.com/up/2012/13499166092.jpg


http://sphotos-a.xx.fbcdn.net/hphoto...19991698_n.jpg


فعلا....شعار القضاء فى البلد دى...
( المتهم برىء مهما تثبت ادانته )
وحسبى الله ونعم الوكيل..

ان غدا لناظره قريب
ومن يضحك اخيرا يضحك كثيرا
....
القاضي معذور
اللي جمع الادلة ورتب القضية وعمل التحريات وتعمد اختلاق الثغرات واخفاء القرائن والادلة الجدية ... كانو من اتباع العادلي
لسة فيه اعادة تحقيقات لما الادلة اللي بجد تظهر
ولسة فيه نقض ممكن يعيد المحاكمة امام دائرة اخرى
...
اللي كانو متحاميين بيه غار في داهية ولبس القلادة ... وكل القضايا دي اتعملت في عهده وتحت حماية المجلس السمكري بتاعه
....
اللي جاي اهم ..... الصبر طيب .... ومحدش له اي ذرائع تاني
ومصداقية مرسي وحكومته ع المحك في هذا الشأن بالذات
...
لكن القاضي معذور .....ازاي يحكم على واحد انه قتل بمجرد صور لناس راكبة جمل وبتضرب بعصاية ... طب اللي ح يحكم عليه بالاعدام ده ازاي ضميره يطاوعه يحكم بدون ما يتأكد من انه فعلا قتل او حرض على القتل .... دي جرائم قتل عمد مش تهريج والحكم فيها بيكون اعدام او مؤبد ... يعني دي ارواح ناس مش فيران
...
احنا بنبص للقضايا دي بنظرة مختلفة عن نظرة القاضي
القضاء له قواعد ثابته لا تتغير
مثلا : الشك يفسر لصالح المتهم
مثلا : لا بد من افتراض البراءة للمتهم كما تفترض الادانة
مثلا : خير للعدالة ان يفر الف مذنب على ان يعاقب برئ واحد
...
انا افضل المحاكمة المنصفة العادلة ولو بعد حين
وخلي بالكم ان لفاية من شهرين فاتو .... العسكر هما اللي كانو بيحكمو البلد بداخليتها بخارجيتها بقضاءها بسلاطاتها ببابا غنوجها
.....
الصبر طيب ...... لسة الموضوع ما انتهاش ... دي مجرد الجولة الاولى .... والثورة كانت بتلعب ناقصة نص الفريق وبدون حارس مرمى وبدون مدرب والحكم كان ابن عم المنافس .... الجولة التانية الامور اختلفت .....اختلفت جدا ..... وبكرة تقولو احمد ابراهيم قال

انا فاكر كويس اوى اوى .......... والمنتدى موجود و يشهد

لما كنا بنقول لازم محاكمات ثورية مش محاكمات عادية عشان امام القانون العادى .... الثورة كلها ضد القانون

كانوا يردوا علينا لازم محاكمات عادية ......... عشان نعرف نجيب الفلوس اللى برة

و للاسف كانت الناس اللى بتقول كده جزء كبير منهم من فصيل كبير اوى دلوقتى

ادى الدم راح و القصاص راح و الفلوس كمان راحت :(((

على فكرة عنان هرب على الأمارات

اقتباس:

---

المشاركة الأصلية كتبت بواسطة icehearted girl

هونا تقريبا كنت نسيت لحد مسمعت خبر البراءه افتكرت كل لحظة تاني
طب انسي ازاي..؟؟ مخي فيه كلاب بتجري ورا بعض..مش قادرة انسي الساعة الي كانت اشبه بالهدوء الي بيسبق العاصفة..لما انهالت الجثث علي طوارئ القصر العيني..بصراحة يومها خفت اكون ف التحرير لاني م الصبح كنت شايفة ناس غريبة ولا الزبالين جيين من كل مكان رفعين صورة مبارك وريحين التحرير...مش هنسي اللي ماتو بطعنات نافذة لما كنا بنعملهم انعاش للقلب كانو بيبقو ولا نافورة دم من اماكن الطعنات..مش هنسي اكوام الشباب االي مخهم طالع برة دماغهم واهلهم واقفين مش فاهمين في ايه؟؟ والظابط واقف عمال يكتب تقارير الوفاة سقوط من اعلي لسبب غير معلوم..طب انسي ان كان كل الي بيجي ف الاسعاف اموات؟؟ مهم اللي فيهم الروح كانو بيهربو م الاسعاف عشان بيطلعو بيهم علي امن الدولة..طب انسي شوية العيال الصيغ الي سمعاهم بيتكلمو عن ال 200 جنيه؟؟ وواحد قبل مايموت شاور عليهم وقالنا انهم كانو مسكين مطاوي ومدورين ضرب ف الشباب ف التحرير...كان سكون رهيب وريحة الدم ولونه مغطيين المكان...مش عارفة انا قلبي اسود كدا ليه ومحبكاها ومش قادرة أنسي

---

اهلا و سهلا
باستأذنك هانقل شهادتك

اقتباس:

---

المشاركة الأصلية كتبت بواسطة aif

ان غدا لناظره قريب
ومن يضحك اخيرا يضحك كثيرا
....
القاضي معذور
اللي جمع الادلة ورتب القضية وعمل التحريات وتعمد اختلاق الثغرات واخفاء القرائن والادلة الجدية ... كانو من اتباع العادلي
لسة فيه اعادة تحقيقات لما الادلة اللي بجد تظهر
ولسة فيه نقض ممكن يعيد المحاكمة امام دائرة اخرى
...
اللي كانو متحاميين بيه غار في داهية ولبس القلادة ... وكل القضايا دي اتعملت في عهده وتحت حماية المجلس السمكري بتاعه
....
اللي جاي اهم ..... الصبر طيب .... ومحدش له اي ذرائع تاني
ومصداقية مرسي وحكومته ع المحك في هذا الشأن بالذات
...
لكن القاضي معذور .....ازاي يحكم على واحد انه قتل بمجرد صور لناس راكبة جمل وبتضرب بعصاية ... طب اللي ح يحكم عليه بالاعدام ده ازاي ضميره يطاوعه يحكم بدون ما يتأكد من انه فعلا قتل او حرض على القتل .... دي جرائم قتل عمد مش تهريج والحكم فيها بيكون اعدام او مؤبد ... يعني دي ارواح ناس مش فيران
...
احنا بنبص للقضايا دي بنظرة مختلفة عن نظرة القاضي
القضاء له قواعد ثابته لا تتغير
مثلا : الشك يفسر لصالح المتهم
مثلا : لا بد من افتراض البراءة للمتهم كما تفترض الادانة
مثلا : خير للعدالة ان يفر الف مذنب على ان يعاقب برئ واحد
...
انا افضل المحاكمة المنصفة العادلة ولو بعد حين
وخلي بالكم ان لفاية من شهرين فاتو .... العسكر هما اللي كانو بيحكمو البلد بداخليتها بخارجيتها بقضاءها بسلاطاتها ببابا غنوجها
.....
الصبر طيب ...... لسة الموضوع ما انتهاش ... دي مجرد الجولة الاولى .... والثورة كانت بتلعب ناقصة نص الفريق وبدون حارس مرمى وبدون مدرب والحكم كان ابن عم المنافس .... الجولة التانية الامور اختلفت .....اختلفت جدا ..... وبكرة تقولو احمد ابراهيم قال

---

ربنا يسمع منك يا حاج احمد

ربنا ينتقم من كل ظالم بعدله سبحانه . قادر سبحانه على كل شىء .

بس أكيد لازم مانسكتش . أكيد فى مظاهرات قريبا فى الميدان

غياب الادلة احد اهم الاسباب
لكن ده مايمنعش ان في فساد قضائي
وفعلا حكم العكسر الفاسد كان من اهم اسباب تتابعات فساد الدولة اللي عايشينة

بندور فى نفس الحلقه المفرغه

محاكمات هزليه

براءات جماعيه

مفيش قتله متظاهرين

مفيش موقعه جمل

مفيش فساد وكلهم محترمين وشرفاء

يبقى العيب فى الشعب والجمل والشهداء

أقولكم هو غالبا العيب فى الثورة

تقريبا دة كان فيلم بس طويل وممل

الفساد إتمكن من كل شئ فى البلد

قبل ما نزعل من القرارات والمحاكمات نغير نفسنا الأول

الشعب بعد الثورة عيارة فلت

العيب فينا قبل ما يكون فى فئه ضاله أو فاسدة

لازم نتغير

نحترم نفسنا ونحترم بعض

يمكن لو رجعت لنا الأخلاق يبقى فى أمل . .......

الجنايات مش ورق
مفيهاش عقد بينى وبينك على قتل
الورق فى الادارى
فى الايجار
فى العمال
ممكن
الجنايات يبقى فيها
شهادة من واحد على واحد
طب شرعى
والقضية دى فيها شهود بالهبل
اصلاً اللى راحوا قتلوا شهدوا على كذا متهم بانهم محرضين ليهم
تيييييييييييييييييييييييي ييييييييييتتتتتتتتتتتتتتت تتتتتتتتتتتتتتتتتتتتتتتتت تت اوى

اقتباس:

---

المشاركة الأصلية كتبت بواسطة icehearted girl

هونا تقريبا كنت نسيت لحد مسمعت خبر البراءه افتكرت كل لحظة تاني
طب انسي ازاي..؟؟ مخي فيه كلاب بتجري ورا بعض..مش قادرة انسي الساعة الي كانت اشبه بالهدوء الي بيسبق العاصفة..لما انهالت الجثث علي طوارئ القصر العيني..بصراحة يومها خفت اكون ف التحرير لاني م الصبح كنت شايفة ناس غريبة ولا الزبالين جيين من كل مكان رفعين صورة مبارك وريحين التحرير...مش هنسي اللي ماتو بطعنات نافذة لما كنا بنعملهم انعاش للقلب كانو بيبقو ولا نافورة دم من اماكن الطعنات..مش هنسي اكوام الشباب االي مخهم طالع برة دماغهم واهلهم واقفين مش فاهمين في ايه؟؟ والظابط واقف عمال يكتب تقارير الوفاة سقوط من اعلي لسبب غير معلوم..طب انسي ان كان كل الي بيجي ف الاسعاف اموات؟؟ مهم اللي فيهم الروح كانو بيهربو م الاسعاف عشان بيطلعو بيهم علي امن الدولة..طب انسي شوية العيال الصيغ الي سمعاهم بيتكلمو عن ال 200 جنيه؟؟ وواحد قبل مايموت شاور عليهم وقالنا انهم كانو مسكين مطاوي ومدورين ضرب ف الشباب ف التحرير...كان سكون رهيب وريحة الدم ولونه مغطيين المكان...مش عارفة انا قلبي اسود كدا ليه ومحبكاها ومش قادرة أنسي

---

علشان يبوظ القضية زى ما شفتى

علشان التقرير ما يتقدمش فى المحكمة ولا يتاخد بيه

اقتباس:

---

المشاركة الأصلية كتبت بواسطة a.saad

الجنايات مش ورق
مفيهاش عقد بينى وبينك على قتل
الورق فى الادارى
فى الايجار
فى العمال
ممكن
الجنايات يبقى فيها
شهادة من واحد على واحد
طب شرعى
والقضية دى فيها شهود بالهبل
اصلاً اللى راحوا قتلوا شهدوا على كذا متهم بانهم محرضين ليهم
تيييييييييييييييييييييييي ييييييييييتتتتتتتتتتتتتتت تتتتتتتتتتتتتتتتتتتتتتتتت تت اوى

---

ما هو القاضي مخدش بشهادتهم علشان مسجلين خطر

أكيد اللي خد فلوس علشان يقتل هيكون مسجل خطر , كان القاضي يعني عايز مين يشهد

حسبنا الله و نعم الوكيل

سؤال بس هو مش ده القضاء الشامخ اللي لما مرسي كان عاوز يرجع البرلمان الناس مسكته سلختوه وانه بيتعدى على القضاء النزيه الشريف ؟
فياريت بقه محدش يجيب سيره مرسي في الموضوع خالص ومنكم للقضاء الشامخ النزيه (الكلام للناس اللي كانت زعلانه من مرسي وقراره بعدم حل البرلمان )

لا اله الا الله
ربنا يسترها علينا

على فكرة القضاء اللى حكم بالبراءة هو القضاء اللى كل يوم يحكم بالبراءة على تاجر مخدرات وغيره
مكنش ينفع محاكمات عادية
لان دى مش قضية عادية ولا جريمة قتل ولا سرقة
الاساس فى التعامل مع القضية خاطئ
مينفعش احكم بالقانون والادلة فى قضية زى دى
بالظبط
زى تاجر المخدرات اللى قاضى عارف ومتاكد انه بيتاجر فى المخدرات وبيديله براءة لعدم وجود الادلة
الغلط على كل واحد وافق وايد المحاكمات العادية
دى ثورة........ ثورة
وشهداء بالمئات اتقتلوا نهارا جهارا ولسة بنقول محاكمة عادلة وقانون وادلة
وبالنسبة لبراءة مبارك فكلى يقين انها هتحصل
لو عنده شك هو واولاده وكل الحاشية انهم ممكن يتحاكموا وياخدوا احكام فعلا كانوا هربوا لكنهم واثقين فى قضاء مصر النزيه
وهو نزيه فعلا وهيحكم بالادلة والبراهين براءة لعدم كفاية الادلة
او لان قلب المحكمة غير مطمئن ياعينى
لاننا ارتضينا بتحكيم القانون المصرى العادى اللى كل يوم بيخرج مجرمين براءة من ثغرات فى القانون
ده لو اتقبض على مجرم من غير اذن نيابة بيخرج حتى لو فى دليل
يبقا مستغربين ان دول اخدوا براءة
كفاية بقا احنا تعبنا
ومهما اتكلمنا الشعب راضى ومبسوط ومقتنع ان مفيش جمل من اساسه

اقتباس:

---

المشاركة الأصلية كتبت بواسطة s a m a

على فكرة القضاء اللى حكم بالبراءة هو القضاء اللى كل يوم يحكم بالبراءة على تاجر مخدرات وغيره
مكنش ينفع محاكمات عادية
لان دى مش قضية عادية ولا جريمة قتل ولا سرقة
الاساس فى التعامل مع القضية خاطئ
مينفعش احكم بالقانون والادلة فى قضية زى دى
بالظبط
زى تاجر المخدرات اللى قاضى عارف ومتاكد انه بيتاجر فى المخدرات وبيديله براءة لعدم وجود الادلة
الغلط على كل واحد وافق وايد المحاكمات العادية
دى ثورة........ ثورة
وشهداء بالمئات اتقتلوا نهارا جهارا ولسة بنقول محاكمة عادلة وقانون وادلة
وبالنسبة لبراءة مبارك فكلى يقين انها هتحصل
لو عنده شك هو واولاده وكل الحاشية انهم ممكن يتحاكموا وياخدوا احكام فعلا كانوا هربوا لكنهم واثقين فى قضاء مصر النزيه
وهو نزيه فعلا وهيحكم بالادلة والبراهين براءة لعدم كفاية الادلة
او لان قلب المحكمة غير مطمئن ياعينى
لاننا ارتضينا بتحكيم القانون المصرى العادى اللى كل يوم بيخرج مجرمين براءة من ثغرات فى القانون
ده لو اتقبض على مجرم من غير اذن نيابة بيخرج حتى لو فى دليل
يبقا مستغربين ان دول اخدوا براءة
كفاية بقا احنا تعبنا
ومهما اتكلمنا الشعب راضى ومبسوط ومقتنع ان مفيش جمل من اساسه

---

أتى أحد الولاة إلى عمر بن الخطاب وقال يا أمير المؤمنين إن من قومي أناس سلبوا أموال الرعية ولن أستطيع أن أرد منهم ما سلبوه إلا بأن أمسهم بالعذاب فهل تأذن لي ؟ فقال بن الخطاب إن أذنت لك فهل سيرفع عنك أذني معصية الله ؟ خذهم بالبينة فإن أقمت عليهم البينة خذهم بما أقمت وإن لم تُقم خذهم بالإقرار فإن أقروا خذهم بإقرارهم وإن لم يقروا حلفهم اليمين فإن حلفوا أطلق سراحهم وأيم الله لئن يلقوا الله بخيانتهم أهون علي من أن ألقى الله بدمائهم .

اقتباس:

---

المشاركة الأصلية كتبت بواسطة samyyousef

أتى أحد الولاة إلى عمر بن الخطاب وقال يا أمير المؤمنين إن من قومي أناس سلبوا أموال الرعية ولن أستطيع أن أرد منهم ما سلبوه إلا بأن أمسهم بالعذاب فهل تأذن لي ؟ فقال بن الخطاب إن أذنت لك فهل سيرفع عنك أذني معصية الله ؟ خذهم بالبينة فإن أقمت عليهم البينة خذهم بما أقمت وإن لم تُقم خذهم بالإقرار فإن أقروا خذهم بإقرارهم وإن لم يقروا حلفهم اليمين فإن حلفوا أطلق سراحهم وأيم الله لئن يلقوا الله بخيانتهم أهون علي من أن ألقى الله بدمائهم .

---

هذا هو المنهج الاسلامي في المحاكمات
هذا هو المنهج في الأمم المتحضرة
انتهى زمن المحاكمات الثورية

لكن من الذي ضيع دماء الشهداء؟؟؟
أيهما اسهل على القاضي أن يقض بأحكام مغلظة على المتهمين فيحمله جموع الشعب على الأعناق و يصفقون له ام يقضي وفق قواعد مهنته ( طبعا كل الشعب بيفهم في القانون و عندنا 100 مليون قاضي )؟؟؟؟؟؟؟؟؟؟؟؟

أظن أي منصف و لو لا يفهم أي شيئ في القانون سيهديه عقله الى أن القاضي ما كان ليختار أن يغضب جموع الناس الا لأن ضميره ( المهني ) لم يسمح له الا بذلك

و من الغرائب التي تشعر الانسان بحجم الأمية في هذا البلد........انهم حملوا المسئولية للنائب العام و القضاء..........و نسوا او تناسوا أن هؤلاء يأتي دورهم بعد عمل آخرين

من الذي كان يصور ميدان التحرير ؟؟؟؟؟؟..............و لم يقدم الأفلام لمحوها
من كان يقبض على الميدان و يحكم سيطرته عليه.........
من سمح بدخول البغال و الجمال و الحمير؟؟؟
من المكلف بجمع التحريات و الأدلة ؟؟
من الذي شهد في المحكمة و بما شهد؟؟؟؟؟

كلمة حق ( من وجهة نظري ) أردت طرحها في الفضاء الالكتروني عبر هذا المنتدى المحترم
لأني لو طرحت مثل هذا الكلام أمام فئة من متوسطي و أنصاف المتعلمين لما استطعت اكماله

و الله أعلم

طبعا انا غير مؤيد للبراءات دى كلها
بس خلينا معترفين ان كل الادله ادمرت
و ان العداله عمياء ملهاش غير الادله اللى قدامها

انا اذكر فى احدى محاكمات احد زعماء المافيا على جريمة قتل ... القاتل ماحدش شافه و هو بيقتل لكن الشهود شافوه و الجثه قدامه و الدخان طالع من المسدس بتاعه
و رغم عن كده طلع براءه لأن الشهود ماشفوش لحظه القتل نفسها !!!!
و المحامى بتاعه كان محنك لدرجه انه قال ان الجانى جهه بعد ما القتيل اتقتل و ضرب رصاصه فى الهواء علشان يجمع الناس - الف قصه اعتمادا على عدم مشاهدة لحظه القتل نفسها
طبعا ده غباء بس بقولك ان العداله ممكن تبقى عمياء لاى درجه

منذ أول لحظة وأنا أقول لا يصح محاكمة أمثال هؤلاء أمام القضاء الجنائي ... لقد كانت ثورة سياسية لذا كان يجب أن تكون المحاكمة على أوضاع البلد السياسية والإقتصادية والإجتماعية .. إذا كان يجب أن تكون المحاكمة أمام محكمة سياسية مشكلة من نواب الشعب نفسه ... ولكن من الذي كان سياحكمهم ...؟ المجلس العسكري !!! ... إنهم قادة جيشه وأولياؤه المخلصين له طوال عمرهم .. وهم ذات العصبة التي يجب محاكمتها من الأصل .. وهم من اقترح إحالة الجميع الى المحاكمات الجنائية بدعوى العدل .. وهي كلمة حق يراد بها باطل .. وهو فخ وقع فيه القضاء رغما عن أنفه لأنه لا يمكنه رفض نظر اية قضية



فالعدل أن نحاكمهم على تردي أوضاع الدولة ككل طوال ثلاثين عاما من الرجوع الى الخلق وبسرعة صاروخية ... العدل أن نحاكمهم على إفشاء الفساد الذي أصبح سمة الشعب والدولة ... العدل أن نحاكمهم على ثروات البلاد التي نهبت لثلاثين عاما كاملة دون الوقوف على أوراق وسجلات المؤسسات التي كانوا يحكمونها ... العدل أن نحاكمهم على ما وصلت اليه مصر والمصريين بين جميع دول العالم من امتهان ولا مبالاة حتى أصبحت مطيتهم في كل محفل وظرف ...

وليس العدل أن نحاكمهم على قتل المتظاهرين جنائيا وهي قضية لا يمكن بأي حال جمع أدلة إدانتها في ظل ما شهدته البلاد من فوضى .. ولكن العدل أن نحاكمهم عن الفوضى التي أدت الى ذلك .. فكل هذا ليس واردا في قانون العقوبات المصري ولن تقضي به محكمة قانونية واحدة .. ولكن تقضي به محكمة ثورية شعبية يرتضيها الشعب من بين نوابه ... كنت ولا أزال أنادي باتخاذ هذه الخطوة




وكذلك ما ذنب النيابة العامة ... النيابة العامة في حالة عدم توفر الأدلة التي تقنعها برفع الدعوى الجنائية في مواجهة المتهم في القضايا العادية يكون قرارها بألا وجه لإقامة الدعوى الجنائية .. أو بحفظ الأوراق إداريا ... ولكن لم يكن من الممكن أن تقوم النيابة بمثل هذا الإجراء في ظل هذه الظروف حتى لو لم تكن الأدلة الكافية متوافرة



وبالمناسبة ليست النيابة العامة هى من قام بتحقيق الوقائع المرتبطة بموقعة الجمل




من قام بطمس الأدلة .. إذا كانت هناك أصلا أدلة كافية لإقناع محكمة عادية بالإدانة ..هم المسئولين .. ومن قام بطمس الأدلة هو ذاته من قام بجمعها .. إنهم قيادات الداخلية ذاتها ... فما يمس العادلي يمس جميع قياداته بلا استثناء .. كم من قيادات العادلي تم حبسهم معه في حين أن الباقون كانوا أحرارا في مناصبهم يعملون في همة ونشاط لطمس أي مما يمكن أن يشير اليهم أو لقياداتهم



المجلس العسكري هو من بدأ سلسلة المحاكمات الجنائية وهو يعلم تمام العلم نتيجتها المؤدية اليها ... وهو من قام بتشكيل كل لجان تقصي الحقائق ... وهو ما علمناه جميعا منذ لحظة إحالتهم الى المحاكم الجنائية ... ولكن لم يستمع الشعب وفرح بإحالتهم الى المحاكمة ظنا منه أن القاضي سوف يقضي بالإعدام بمجرد النظر الى وجوههم التي يظهر عليها غضب الله



كان يجب وما زال يجب محاكمة هؤلاء سياسيا عن مدى الوضع المتردي الذي وصلت له البلاد خلال فترة حكمهم التي امتدت الى الثلاثين عاما والمختص بمحاكمتهم سياسيا هو مجلس الشعب فلماذا لم يقم مجلس الشعب الفائت بطلب ذلك ... لأننا لسنا دولة مؤسسات ولكننا دولة الرجل الواحد وكان هذا الرجل وقتها هو المشير ولم يكن ليوافق على هذا فلزموا الصمت جميعا .. ولكن كان أن يتم حلهم بسبب إصرارهم على محاكمة مبارك سياسيا أكرم لهم من أن يتم حلهم لأسباب أخرى تافهة كما حدث .. وفي جميع الأحوال كان سيتم حلهم

اقتباس:

---

المشاركة الأصلية كتبت بواسطة karim_monir

غياب الادلة احد اهم الاسباب
لكن ده مايمنعش ان في فساد قضائي
وفعلا حكم العكسر الفاسد كان من اهم اسباب تتابعات فساد الدولة اللي عايشينة

---

أنا معك فيما ذهبت اليه وأن هناك فسادا قضائيا بالفعل .. ولكن ليس الذي يتصوره الشعب .. وهو وجود العديد و العديد من القضاة فاسدي الذمم والضمائر والذين يحكمون بما يمليه عليهم النظام الحاكم رغبة في مال أو سلطة إضافية .. هذه الصورة من فساد القضاة تعد أقل صور الفساد وجودا بين القضاة ولا أكون مبالغا إذا ما قررت أن عدد من يتصورهم الشعب بهذه الصورة لا يزيد على النصف من العُشْرِ في المائة من عدد القضاة ... ولكن للأسف كان النظام الفاسد يعلمهم ويعلم يقينا أين يقوم بوضعهم كي يؤازروه إذا ما احتاج لخدماتهم ... والأمثلة موجودة ولا داع لذكرها ... وثورات القضاة ضد أمثال هؤلاء معروفة من الجميع ولكن للأسف لم تكن لتؤتي ثمارها في ظل نظام كان يفيض بالفساد من كل جوانبه



ولكن الفساد الموجود والذي يشعر به المتقاضي نفسه هو انعدام وبطء العمل القضائي ووجود العديد من القوانين الفاسدة والإجراءات التي عفا عنها الزمان وتقليص سلطة القاضي والنيابة العامة في التحقيقات وجمع الأدلة بالعديد من القوانين وعدم تناسب عدد القضاة مع القضايا التي ينظرونها وعدم الإستقلال الكافي الذي يحصل عليه القاضي أثناء مباشرته لعمله .. والعديد والعديد من الأسباب الأخرى التي لا يشعر بها المواطن ولكنها تؤدي في النهاية الى عدم تحقيق منظومة العدل لهدفها ... وهو ما يشعر به المواطن في النهاية .. ولكن ليس من بين تلك الأسباب وجود العديد والعديد من القضاة فاسدي الذمم والضمائر كما يتصور العامة من الشعب ... فالقضاة حين ينظرون قاضاياهم .. -وما قابلت أحدا منهم غير ذلك حتى لحظة كتابة السطور- .. قد يسهرون عليها ليل نهار سواء في بيوتهم أو في محال أعمالهم مبتغين في ذلك عدل الله وخائفين مرتعدين من ظلم إنسان



قد يكون منهم الكثير الذين يسيئون المعاملة مع المواطنين ومن يتعامل بشيء من الصلف ومن لا تعجبك طريقته في التعامل في أمور حياته الشخصية وهذا طبيعي لإنهم في النهاية بشر .. وقد قابلت شخصيا العديد والعديد من هؤلاء .. ولكنهم والشهادة أحسبها حق سوف يحاسبني الله عليها أنهم هم بذاتهم حين نظرهم لقضاياهم لا يبتغون إلا رضوان الله




وفي النهاية لا يسعني سوى تقديم مثال بسيط ... هل تتذكرون قاضي الدقهلية الذي قبل أن ينطق حكمه بالبراءة لمدير الأمن وثلاثة من مساعديه إذ قال بنبرة حزينة أنه يُعزّي أهالي الشهداء وفي موقف مؤثر أدمى القلب .. عزّى نفسه على موت ابنه الذي استشهد في أحداث الثورة !! ولكنه حكم بما أمامه من أوراق وأدلة وليس بما لديه من قناعات ورغبة إنسانية في الثأر من قتلة ابنه؟

والله من وراء القصد ... سبحانك اللهم لا إله إلا أنت أستغفرك ربي وأتوب إليك

يا جماعة انتوا تاعبين نفسكوا ليه؟ هوا انتوا فاكرين ان الاحكام دى هيا اللى هتحقق العدالة وهتشفى غليل المكلومين؟ اصبروا شوية واستنوا يوم نجمع جميعا امام القاضى العادل الله رب العالمين من لاتخفى عليه خافية ولا يرد قضاؤه اصبروا وانتوا تشوفوا المحاكمات اللى بجد والاحكام اللى بجد .