العربيات اللي بتيجي مصر كلها صيني 100%
بس فيه عربيات mg بتتصنع في انجلترا زي mg6
بس دي مبتنزلش مصر
عرض للطباعة
أنا رأيي أحسن عربيات
MG
Brilliance
BYD
[ السلام عليكم ورحمة الله وبركاته
تميز اية يا استاذ
الفكرة كلها انك مش هتغلب فى قطع غيارها
واكتر من نوع يعنى فية الصينى والكورى والتايوانى واليابانى
يعنى عربية قوية قطع غيار فى متناول الجميع باسعار مختلفة
ودى فى حد ذاتها تسوا فلوس
لكن اى عربية تانية لازم تجيب حاجتها من التوكيل ولو برة التوكيل هيكون التوفيقية وطبعا مش كل اصحاب السيارات الصينى ساكنين جنب التوفيقية
احسن عربيه صينى تريحك فى قطع غيارها لو كنت خارج القاهرة والاسكندريه هى البى واى دى لان معظمها يابانى من ميسوبيشى وتويوتا.
البريليانس و انا مغمض و مش تحيز والله بس هى احسن الصينى و من كلام الناس ان بعدها علطول ال byd الاسبرانزا اكيد برضه مش وحشه بس فى ناس زمتلى فيها كتير للاسف مع ان برضه يمكن الناس دول صدفه يعنى و هى تكون عربيه محترمه
بحكم التجارب
البرليالنس الافضل وكفاءه الحقيقه من ناس كتير
اما ال mg معنى ان الشركه اتباعت لشركه صيني يعني الشركه الصيني دي الان امتلكت كل التكنولوجي الي موجود في الشركه سابقا بالكامل
ف ليهم حق التعامل باي اتجاه
ينتجوها في انجلترا
او ينتجوها في الصين
يفضلوا بنفس الجوده والتكنولوجي او يخرفوا الي هما عايزينه يعملوه
بس ان شركه تشتري شركه تانيه خصوصا زي ام جي ف ده ربح استراتيجي ليها ومخرون جميل جدا من الامكانيات الي مش متوفره واصبحت موجوده من تصميمات ومواتير وشاسيهات وعفشات والكترونيات وعيش بقى براحتك يامعلم
إم جى مش منتشرة لسة
ومش معنى إن شركة صينية إشترتها هتتحكم فى الجودة تقلل منها مثلا زى ماالعضو الكريم قال
لأن دا من شأنه إنه يقلل من إم جى ويوقع سوقها وهما عايزين يكسبوا
معنى كلام حضرتك إن جيلى بتتحكم فى جودة ومواصفات عربيات فولفو ؟؟
جريت وول
أقولك على الخلاصه
أحسن عربيات فى مصر إلى التوكيل بتاعها متواجد بأستمرار (قطع غيار - دعاية و أعلان - مراكز صيانه - إلخ)
مش الأقوى فى الميكانيكا و التصميم و قطع الغيار المعمره
بمعنى أصح
أحنا شعب عاش على الفيات 128 و اللادا 2107 سنين و سنين و سنين
دة بسبب أية ؟
التوكيل موفر كل حاجة ليها
لكن كان فى الوقت دة عندنا عربيات كتيرة جدا أتظلمت بل و أصبحت نادره جدا من فتره التمانينات و التسعينيات
بالرغم من أن سعرها كان قريب جدا من الفيات 128 و اللادا 2107 و أفضل منهم ملايين المرات
عشان كدة
أفضل سيارة فى مصر = أفضل توكيل
يعنى من فتره كدة قريت أن الشيرى أعلى مبيعات فى الصين بالنسبه للسيارات الصينيه , يعنى الواضح أن شيرى أفضل سيارة صينيه و عشان كدة الصينيين نفسهم بيشتروها , طيب تعالى فى مصر هنا و قولى أية رأيك فى شيرى لونج مثلا هتقولى عربيه فاشلة جدا و لأبعد الحدود و دة لأن التوكيل بتاعها أهمل فيها
خلاصة الموضوع
شوف أكتر أعلانات فى الجرايد و التليفزيون و بناءا عليه أشترى من ضمن الحاجات دى
أسبرانزا - بى واى دى - أميجراند - بريليانس
و قريبا جدا mg لأنهم عاملين دعاية كتيرة