تم نقل الموضوع للمنتدى الإجتماعى لعدم ارتباطه بالسيارات-الإدارة 4

الجمعه الماضيه لقيت اتصال من الاحد الاصدقاء بيقولي انه عاوز يروح سوق الجمعه فقلت اروح معاه من باب الفضول
كنت عاوز اعرف ايه سر الشهره بتاعته
المهم رحت بالعربيه مبدأيا اول ماركنت مش عارف ليه مسرحيه سيدتي الجميله و حسيت ان العربيه هيفككوها بعد ربع ساعه المهم
المكان مزدحم جدا و طبعا لو مش واخد بالك هترجع من غير ولا مليم
اللذيذ جدا انه السوق ده مليان بالمفارقات الرهيبه

فيه منطقه اسمها سوق الحاجات المسروقه " كده عيني عينك " و تلاقي هنا حاجات غريبه جدا وقيمه و تباع برخص التراب اذكر منها ساعه رولكس نضيفه جدا " العبد لله عنده خبره كويسه بالساعات " بس الاوستيك مقطوع " دليل علي ان حد نتشها فبقوله بكام بيقولي 100 جنيه وصلت معاه ل 50 و اللذيذ بيقولي ده حق "عرقنا ياباشا "
بجد بيتعبو جامد L
و الغريب ان المنطقه دي مليانه ناس من الشرطه في لبس مدني علشان يمسكو النشالين
وفعلا مسكو 2 ادامي كان معاهم ماخف وزنه و ما كثر ثمنه
يعني بيدور علي النشالين و مش واخدين بالهم انه ده سوق المسروق

و بنظره اخري لسوق العمله وجدت من النوادر ما جعلني اموت من الضحك
واحد فارش "شوال " عملات لهواه جمع العملات فمسكت عمله من فئه الدولار و هي اصليه مش مزوره و ببص عليها الاقيه بيقوله
الدولار ده ب 75 قرش ياباشا
و انتابتني هستيريا الضحك

ناهيك طبعا عمله الاسكندر و ابطليموس و نفرتيتي و غيرها مم كان يقنع الناس بشرائه

المهم بعد جوله قصيره خفت اكمل لف و قررت العوده سريعا للسياره و الحمد لله ملحقوش يفكوها و مشيت
بس بجد المكان ده ظاهره تستحق الدراسه فعلا