ما هو يا زعيم قولي انت ايه العمل
بنحاول نفهم الناس كده محدش مستوعب
كل واحد بيفكر في نفسه و بس
يعني هي جت عليا انا
و للاسف صوره معبره جدا عن واقعنا الاليم
بصو بقى الموصوع ده بقى موضوع الساعة
بدل ميفكرو فى الغاء الدعم يفكرو ازاى يحطو كنترول عليه
هو موظف الدرجة الخامسة فى الحكومة بياخد كام
مش هنقول الثالثة يعنى الموهل العالى
يجيبو موظفين درجة خامسة يطلعو مع عربيات البنزين و يوصلوها المحطات و يقفو على بعها
تباع للمواطنين مش لسوق السوداء ده اقتراح
بس الخوف بقى للموظف يقسم مع صاحب المحطة و يبعوها سوق سوداء
على فكرة واضح ان الشعب المصرى بقى عالة على مصر
عوزين نفكر كل واحد فينا لما يبقى عالة على اسرته هيعمل اية
حسبي الله ونعم الوكيل وشكرا للمشاركات الايجابية يارجالة وفعلا يلاااااا نفسي وبننسي وبنتناسي "لن يؤمن احدكم حتي يحب لاخيه مايحب لنفسه" صدق رسول الله صلي الله عليه وسلم
يا جماعة أيه اللي جاب أحمد عز في الموضوع .
الموضوع ببساطة أن اللي معاه عربية بيأخد دعم مليارات سنويا ......... و الفقير الغلبان مش بيطول تعريفة من الدعم و يقف يتحايل علينا في الاشارات نديله حاجة علشان يأكل .
أو يطفح الدم علشان يطلع 30 أو 40 جنيه في شغل مقرف و متعب .
فمش عارف أيه اللي دخل أحمد عز في الموضوع و أيه الجدال ده كله .
قاعدين تجادلوا في الغلط و أنا بصراحة
الحكومة كانت بتعمل حاجة غلط و عايزة تصلحها ................ و أنتوا بقى شايفين أنه شئ غلط أنها تصلح غلطها .
الدعم خارب الميزانية .
و الأفضل الدعم ده يروح للتعليم و الصحة .......... أحسن مليون مرة من البترول .
آليات التنفيذ لها طرق مختلفة بدون ما تضر الناس .... و أنا بتكلم عن المبدء .
وعلى فكرة أنا مواطن عادي ........ و لا جزء من حكومة .... و كمان عندي عربية و مستفيد من الدعم و لكن أنا شايف أني مستفيد من دم الغلابة .
نهاية القصة .
أنا موافق بس بشروط
1- يكون فيه وسائل مواصلات أدمية أقدر أستخدمها علشان أوفر العربية و البنزين
2- يكون فيه طرق محترمة متبوظليش العربية و أبقى بدفع بنزين و تصليح بسبب الطرق العظيمة.
3- يوصل الدعم لمستحقيه بقى.......مش أحنا اللى كنا بناكله ؟؟؟؟ بطلنا..........يبقى يوصل لمستحقيه.
4- يكون فيه تأمين صحي و مستشفيات محترمة للناس
5- يكون فيه إعانة بطالة للناس اللى مش لاقية شغل
6- يكون فيه تعليم كويس و مدارس محترمة للناس و يكون التعليم إجباري لحد ثانوي و اللى يهرب أبنه من التعليم يستجن.
7- يلغو جمارك العربيات..........أو بمعنى أصح يقللوها لنسبة لا تتعدى ال 10% بالكتير.
و مستعد أستنى 5 سنين و أنا بدفع البنزين لحد ما الآقى النتايج دى............مش عاوزها فى يوم و ليلة.
مش ده اللى بيحصل برة فى أى دولة البنزين فيها مش مدعوم ؟؟؟
فيه تأمين صحي و مستشفيات محترمة......فيه تعليم مجاني محترم........فيه طرق محترمة........فيه إعانة بطالة....فيه وسائل مواصلات أدمية ؟؟؟
لكن ياخدو جمارك و يشيلو الدعم من على البنزين و ميبقاش فيه الحاجات دى...........يبقى أحنا بيضحك علينا.....و عاوزين طريقة يسدوا بيها القرض الجديد.