سؤال عن النيو فوكاس لاصحاب العربية

**mr_hide** · 11-10-2012 11:36 AM

بالنسبة للفتيس يا جماعة اخباره ايه ؟؟ في ريفيوهات من امريكا بتقول ان في مشاكل في الفتيس و كده و كمان بيقارنو بينه و بيت ال DSG و بيقولو ال DSG احسن من ال power shift يا ريت جماعة الناس اللي معاها العربية تفدني عشان انا ناوي اشتري ان شاء الله

**yehiaseg** · 11-10-2012 08:55 PM

انا عن نفسي شايف انه ممتاز وبيحسسني اني سايق عربيه سباق بجد انا معايا الهاتش باك خارجه من المانيا بتاريخ ١٩ يوليو وانا مستلمها ١٩ سبتمبر

**Mohamed Fawzy** · 11-10-2012 10:39 PM

انا الفتيس عندي في نتشة بسيطة على السرعات القليلة كانت واضحة معايا اول ما جيبت العربية في التوكيل قالولي العربية بتتعود على سواقتك وبعد كده هاتروح النتشة دي و هي فعلا قلت كتير عن الاول انما لسة موجوده والتوكيل قاللي لو فضلت معاك ممكن تيجي مرة تانية نعملك تحديث للسوفتوير

**mr_hide** · 12-10-2012 09:56 AM

المشاركة الأصلية كتبت بواسطة mohamed fawzy

انا الفتيس عندي في نتشة بسيطة على السرعات القليلة كانت واضحة معايا اول ما جيبت العربية في التوكيل قالولي العربية بتتعود على سواقتك وبعد كده هاتروح النتشة دي و هي فعلا قلت كتير عن الاول انما لسة موجوده والتوكيل قاللي لو فضلت معاك ممكن تيجي مرة تانية نعملك تحديث للسوفتوير

هوا فعلا في الريفيوهات الناس بتتكلم عن ان فورد عملت ابديت للسوفت لكل العربيات المتصنعه قبل شهر 8 2012 عشان يحل المشكلة . بالنسبة للعربية و استهلاكها عاملة ايه معاك انا معظم طريقي دائري و بعدين شيراتون يعني شوية طريق مفتوح و شوية زحمة