الموضوع: حادث بشع في الساعات الأولى من صباح اليوم بمنطقة الشاطبي بالإسكندرية بسبب جنون السرعة

انا كنت فى اسكندرية شهر 9 اللى فات (و بجد من احب المدن على قلبى) و بجد يا جماعه انا كنت مرعوووووووب و انا ماشى على الكورنيش لأنى مشيته من المكتبة لميامى للقلعه لقدورة للمكتبه فى اليوم اللى نزلته هناك
يعنى رايح جاى عليه طول اليوم
و بجد شفت كمية جرى و غرز مشوفتهاش فى حياتى (عربية عمالة تعمل غرز فى منحنى خطير على الكورنيش على سرعه !!!)

بس فعلا فيه 2 حقيقة علمية :)
1- ان الموضوع مش شعب اكسندرية لكن مشكلة شعبنا ككل ان قليل مننا اللى عنده ثقافة مرورية و حتى اللى عنده مش بيبقى عارف يعمل ايه مع اللى ماشين حواليه على الطريق و عمالين يلطشوا

2- ان الموضوع بيختلف كليا لما الواحد يكون من اسكندرية و حافظ الطريق لأن الدراية هتزيد و الرعب هيقل

يعنى قيس على كدا الدائرى عندنا انا ناااااااااااادرا لما بطلع علي الدائرى بل بالعكس بكرهه على الرغم انى من القاهرة لكن بكره الدائرى جدا لأن فيه نفس العوامل اللى موجودة فى طريق كورنيش اسكندرية (طريق وااااااسع - ثقافة مرورية معدومة - غرز على الفاضى و المليان - لا مجال للمشى الهادئ بالسيارة)

اللهم احفظنا و اهدنا امين

على فكره انا اسكندراني بس شغلي في القاهره و بقولك الحقيقه اني لما بنزل اسكندريه بستغرب من سواقة الناس و في واحد صاحبي عمل كومنت و هوا معايا و قالي هيا الناس دي مبتعترفش بالمرايات ولا ايه كله بيروح حادف يمين و شمال من غير ميبص في المرايه و اللي بيجري على الكورنيش كأنه في سباق