الموضوع: سؤال فى رشة النضافة لعربيه

المشاركة الأصلية كتبت بواسطة beshomilan

اشكركم للمساعده اخوتى
لكن هو المفروض التكلفة تكون فى حدود كام لرشة النضافة؟؟
ومعقول الراجل ده بيضحك عليا مع انه جاى تبع معرفة فريبه جدا منه والكلام كله قدامى والراجل قريبى انا اضمنه برقبتى ودايما بيشد عربيات عند الراجل ده وشكرلى فيه جدا..ازاى كده؟؟

معنى كده انه مش هيرش العربيه كده وهيرش بس الحتت اللى عايزه رش؟؟ازاى ده اكدلى انه هيرش العربيه كلها

معقول كل ده خم فى خم

بص هو لو قريبك بيتاجر فى العربيات وبيشد عنده عربيات فأكيد طبعا عامل معاه واجب بس انا ليا صاحبى بيشد عربيات برضه ورحت معاه مره عند بتاع الدوكو اللى بيرش عنده واقل سعر سمعته عنده كان 700 جنيه ودوكو عادى مش ميتاليك ومصرى طبعا بس الشهاده لله الراجل شغله نضيف فعلا
وسيبته ورحت عند واحد اعرفه كان ارخص منه عملهالى ب 600 وكان عكاك بس انا كنت واقف على ايده لدرجه انه اتخانق معايا عشان كان عاوز يكلكع العربيه وانا مش عطيله الفرصه حتى جاب بويه اقل من اللى المفروض تاخودها العربيه وانا كملت عليها من معايا عشان اخلص الموضوع وساعتها عربيتى اصلا مكانتش عاوزه شغل جامد ده حتته معجون متشققين وخبطه صغيره فى الرفرف واتبطنت واخدت وش نضافه عشان كده استغليت ال 700 بس بعد كده قولت يارتنى روحت لابو 700 لانى كده كده دفعتهم عند التانى غير حرقه الدم اللى شوفتها


فعشان كده بقولك صعب يعملك كل اللى هو قال عليه بالمبلغ ده هو فى الغالب حيرش حتت ويلمعلك باقى العربيه وطبعا بعد اللمعه كله بيتوه فى بعضه ومش حتعرف غير بعد شهر ولا حاجه
او حيرش وش فيلر وفوقيه وش دوكو واحد وخلص الموضوع عشان كده هو قالك يوم واحد وتانى يوم تكون خلصت وطبعا العربيه لو متخدمتش صح البويه حتقشر بعد شهر ولا 2
فطالما انت عاوز تنضف العربيه بس خلاص وميهمكش حاجه تانيه مفيش مشكله ممكن تروحله بس متسيبش العربيه واقف على ايده ومتسيبهوش يعكها ويرشها وهى منشفتش او يرش جزء ويسيب جزء والكلام ده
لكن لو عاوز شغل نضيف وصح يبقى دور على واحد تانى بس عشان تترش العربيه صح حتدخل فى 1000 جنيه مفيش شغل بضمير بيبقى اقل من كده لان اللى بيشتغل بضمير انهارده لازم ياخد حقه فعشان كده بتلاقى الاماكن النضيفه غاليه ده غير ان العربيه حتاخد شغل من 4 ايام لاسبوع عشان تتعمل صح وتنشف صح وتترش فى فرن مش فى الشارع