-
أكسنت ولا صني ؟!
السلام عليكم ..
أول موضوع ليا معاكم هنا ..
في البداية حابب أسجل إعجابي بالمنتدى وأقدم شكر لكل واحد بياخد من وقته علشان يرد على استفسار حد تاني ويساعده ...
تانيا ..
أنا قدامي فرصة دلوقتي بين الأكسنت الجديدة أو الصني الجديدة ..
تنصحوني بإيه ..
أنا لسه شباب طبعا .. بس مشاويري قليلة إن شاء الله و السفر هيبقى نادرا ..
وأخبار قطع الغيار والتوكيل للاتنين
وشكرا مقدما
-
بص الاكسنت بتاعت جري موتورها قوي جدا وشكلها احسن من الصني مش معني كدة ان الصني وحشة لا الصني بتفكرني بالياريس
الاكسنت تقفيل كوري الصني تقفيل مصري و التقفيل المصري مش وحش اوي ده غير انه تقفيل نيسان
الاكسنت الهاي لين هيا اللي فيها الاير باج و ال abs ومافيهاش ايموبلايزر ومفيش EBD / الصني اللي ب 100 الف فيها 2 ايرباج و abs و EBD و ايموبلايزر دي اساسيات مش كماليات عشان لسة غبور مقتنع ان دي كماليات
الاكسنت الهاي لين فيها تارة مالتي و بلوتوث و شوية همبكة هاتنزل ان شاء الله في الصني السوبر صالون و بجنوط
جنوط الاكسنت 14 / جنوط الصني 15 و تقدر تركب كاوتش اعرض من اللي فيها
الاكسنت ضيقة / الصني واسعة جدا جدا
توكيل غبور مش محتاج حد يتكلم عليه عشان مفيش غير القليل اللي ما اشتكوش منهم
شوف توكيل نيسان و معاملتهم
عن نفسي اجيب الصني الاوتوماتيك ولا اجيب الاكسنت الهاي لاين و اوفر 20 الف و انا الكسبان و المستفيد كمان
-
شوف حضرتك هذا الموضوع قتل بحثا روح قسم المقارنات هتلاقى موضوع معمول عن المقارنة بين الصنى الجديدة والأكسنت rb وفيه الرد الشافى على كل أسئلتك ونورت قسم نيسان أهلا وسهلا
-
الصنى و بالذات لو كانت الهاي لاين علشان شويه الكماليات اللى ممكن تحسن شكلها شويه. الاكسنت احسن فى الشكل لكن اى حاجه تانيه بدون مبالغه فى صالح الصنى
Content Relevant URLs by
vBSEO 3.6.0 PL2