New Citroen DS3 -تقرير متكامل

الموتور 1600cc


HP : 120 @ 6000 rpm



Torque : 160 nm @ 4250 rpm



السرعة القصوى 190 كم



التسارع : 0-100 10.8 ثانية



استهلاك البنزين المتوسط : 6.6 ل/100 كم (9.5 داخل البلد و 5 على الطريق السريع )



مساحة الشنطة : 285 لتر



العفشة الأماميه : Pseudo Macpherson



العفشة الخلفيه : Deformable Beam

وزن السيارة : 1222 كجم

العربية بتنزل مصر فئة واحدة استبترونيك 4 سرعات



اوبشنز :



1 - تكييف اوتوماتيكى مزود بخاصية الـ dual zone climatic control

2- فتيس ستبترونيك مع خاصية sport/snow mode

3 - 6 ايرباج

4- abs/ebd/epa/ ESP with traction control

5-عجلة قيادة من الجلد بها مالتى فنكشن للتحكم فى وظائف الكاسيت و مثبت السرعة مع حليات من الالمونيوم

6- مثبت و محدد سرعة

7 - بلوتوث

8- daytime running light مع خاصية guide me home

9 - نور ضباب امامى مع خاصية الـ cornering و نور ضباب خلفى

10 - زجاج ملون بعزل حراري

11- سنتر لوك مع ريموت كنترول

12- مسند يد امامى منزلق

13- حليات من الالمونيوم و الكاربون فيبر فى جسم السيارة الخارجى

14- اماكن للتخزين تحت الكراسى الامامية

15- راديو سى دى mp3 مزود بخاصية الـ aux/usb

16- مساحة زجاج خلفية تعمل اوتوماتيكيا مع وضع الـreverse

17 - مخرج كهرباء 12 فولت

18- 2 زجاج كهرباء مع خاصية الـ One touch

19 - خاصية الـ child safety

20 - امكانية تعديل ارتفاع كرسى السائق

21- مرايات ضم كهربائية مع اشارات بالمرايات

22- عداد ديجيتال مع كمبيوتر رحلات مدمج

23 - نظام تعليق خدمة شاقة للطرق المصرية

24- حساس خلفى للركن

25 - حامل اكواب

26 - بارات حماية للابواب فى حالة التصادم

27 - درج التخزين مكيف ( ثلاجة صغيرة )

28 - امكانية طى المقاعد الخلفية 1/3 او 2/3

29- جنوط سبور مقاس 205/45 R17

ملاحظات لمالك السيارة Hossam_hassan4

1. العربيه ثابته جدا في الغرز خاصه مع حجمها الصغير و الجنط ال 17 و الهاندليج ممتاز و ال esp تاثيره واضح و ال ba برضه اشتغل معايا اكتر من مره و الحمد لله انقذني :D

2. العفشه ناشفه شويه بس انا زودت ضغط العجل من 28 ل 30 علشان طلعت بالونه :S بس هروح التوكيل ان شاء الله اعمل الصيانه الدوريه و اشوف موضوع الكاوتش ده

3.العربيه القعدده فيها مريحه جدا مقارنه بجولف 6 و اوبل استرا و تصميمها ذكي جدا يعني الكابوت صغير جددا و نص الموتور تحت التابلوه علشان يدي مساحه واسعه ف الصالون و درج التابلوه و الدركسيون داخلين لجوه علشان تقدر تحرك الكرسي لقدام مسافه يعني الملخص اللي قدام و اللي ورا يعقدوا مرتاحين جدا بالرغم من ان العربيه صغيره و موضوع البابين ده التعامل معاه سهل

4. مساحه التخزين الخلفيه مرضيه جدا 280 لتر اعتقد

5. التكييف كان مفاجاه بالنسبالي من اللي سمعته عن تكييف الاوربي و الفرنساوي خاصه التكييف كويس جداا الحمد لله و بيوصل لدرجه حراره 14 و افضل من تكييف الالنترا و كيا كارينز

5. السماعات تقريبا نازله من غير نظام hifi مش مكتوب علي السماعات بس الصوت كويس و نقي

6. العربيه علشان نازله سبور صوت الموتور عالي شويه و العزل مش علي المستوي اوي يعني نفس مستوي الكارينز تقريبا و صوت الموتور بيعلي مع القرص و الاحساس بالنقلات و الكيك داون عالي جدا ماشوفتوش في عربيه قبل كده

7. التسارع كنت متوقع يكون اكتر من كده لان موتور 1600 علي حجم صغير جداا بس انا مجربتش من غير تكييف اعتقد احسن من الكارينز بفارق بسيط

8.الاضاءه مريحه في الصالون للعين بس نور الصالون في النص و ضعيف لما بحتاج ادور علي حاجه الموضوع بيبقي صعب :D و الاضاءه. الخارجيه مفيش زينون بس مناسبه

9. لازم اللي سايق و اللي جنبه يلبسوا الحزام :D. :D

10. الباركينج سنزور بيخليني ماستخدمش المرايا و انا بركن و بيوضح الرصيف موجود فين بسهوله

11. خامات الصناعه ممتازه و الزراير اللي تحت الدركسيون تلغبط شويتين بس هتتعود عليها بعد كده لانها كتيير اوي و المالتي فانكشن تحت الدركسيون.

12. الشكل ملفت و تصميم خارجي فوق الممتاز اكتر من مره حد يوقفني يسالني عن العربيه

13. صوت الكاوتش مع الطريق عالي جدا و مش مريح حتي لو الاسفلت مش كويس مش مع المطبات بس و عامل مشكله كبيره للاسف :/

14. درج التخزين فيه تكييف و الكرسي بيتعدل ارتفاعه و الدركسيون برضه بيتعدل في كل الاتجاهات

15. الازاز بيعزل الحراره بنسبه كبيره مع خامات الصناعه الجيده مهما بركن العربيه في الشمس مش بتتاثر اوي

و دي شوية صور ليها

نبدأ بالابعاد

http://i1161.photobucket.com/albums/...psde498db3.jpg

ده الشكل من الامام

http://i1161.photobucket.com/albums/...pse21a7b93.jpg
http://i1161.photobucket.com/albums/...ps14db0f40.jpg


من الجانب

http://i1161.photobucket.com/albums/...psed91b4a2.jpg

من الخلف

http://i1161.photobucket.com/albums/...psa2ad3fa0.jpg

الليدات

http://i1161.photobucket.com/albums/...psabd20adb.jpg

التابلوه

http://i1161.photobucket.com/albums/...ps80e5c2be.jpg

http://i1161.photobucket.com/albums/...psb3af4492.jpg


العدادات

http://i1161.photobucket.com/albums/...ps0933c240.jpg

و دي شوية ألوان للعربية

http://i1161.photobucket.com/albums/...ps69acdb7c.jpghttp://i1161.photobucket.com/albums/...ps0f289634.jpghttp://i1161.photobucket.com/albums/...ps44a92b08.jpghttp://i1161.photobucket.com/albums/...psb92e0aba.jpghttp://i1161.photobucket.com/albums/...ps52f622a6.jpg

و ده video للعربية

0-100 Citroën DS3 Vti 120cv - YouTube

سعرها 184800

تم التعديل .
28/11/2012
18:58
مشرف 2 ب

تسلم يا باشا
والعربية دي علي الحقيقة اجمل واجمل ..

العربية حلوة بس سعرها عالي اوي.

تقرير كامل :)

بس مسند اليد مش منزلق هو بيترفع
و مفيش حامل اكواب :( غلطه كبيره جدا في العربيه دي مش هيخسروا حاجه لو عملوه يعني :d
و المالتي فانكشون تحت الطاره ليه دراع زي الكرويز كونترول

اقتباس:

---

المشاركة الأصلية كتبت بواسطة nav man

العربية حلوة بس سعرها عالي اوي.

---

هي في فئة ال mini cooper
الفئة دي عموما غالية بس ده ميمنعش إنها كان ممكن ترخص شوية

اقتباس:

---

المشاركة الأصلية كتبت بواسطة hossam_hassan4

تقرير كامل :)

بس مسند اليد مش منزلق هو بيترفع
و مفيش حامل اكواب :( غلطه كبيره جدا في العربيه دي مش هيخسروا حاجه لو عملوه يعني :d
و المالتي فانكشون تحت الطاره ليه دراع زي الكرويز كونترول

---

شكرا على الاضافة :)

وإنت مسئول بقى ترد على استفسارات الناس معايا ;)

http://www.nilemotors.net/Nile/3873829498-post4.html

اقتباس:

---

المشاركة الأصلية كتبت بواسطة mazagngi2010

http://www.nilemotors.net/Nile/3873829498-post4.html

---

لو ينفع تعملنا موضوع يجمع كل صور citroen في المعرض ده يبقى كتر خيرك

اقتباس:

---

المشاركة الأصلية كتبت بواسطة ahmed-adel

لو ينفع تعملنا موضوع يجمع كل صور citroen في المعرض ده يبقى كتر خيرك

---

http://www.nilemotors.net/Nile/247877-mazagngi2010-650-2011-bmw-citroen.html#post3873829498

اقتباس:

---

المشاركة الأصلية كتبت بواسطة mazagngi2010

http://www.nilemotors.net/nile/247877-mazagngi2010-650-2011-bmw-citroen.html#post3873829498

---

انا شفت الموضوع قبل كده , موضوع ممتاز بس فيه صور كتير اتشالت

أنا أقصد حضرتك تعمل موضوع في قسم سيتروين فيه صور سيتروين بس
زي البوم كده يعني

ده لو تقدر طبعا :)

عربية رهيبة جدا

و تقرير متميز كالعادة يا احمد

و كان فيه موضوع تجربة لحسام و رأيه عن العربية ممكن تنقل التجربة ديه فى الموضوع و تطلب من الادارة انها تحطها فى اخر التقرير

الف شكر على التقرير

تسلم ايديك

سلام عليكم ..

ازيك يا أحمد باشا، ومهاب باشا صديقي .. تقرير ممتاز كعادتك :)

بس فيه ملحوظة:

- انا شوفت العربية في عز العرب ومفيش مصفحة تحت الموتور ( يا ريت تأكدلي النقطة دي ) فمش عارف كانت ناقصة فيها ولا أنت مش متأكد من النقة دي !! ، يا ريت برضو حسام يبص عندو ويقولي .

- كمان متهيألي الموتور مش 163 حصان ، اعتقد 120 او 125 تقريبا !!

كلام في سرك ( غالبا هستلم العربية اخر الأسبوع :) )

اقتباس:

---

المشاركة الأصلية كتبت بواسطة Eng.Sameh

سلام عليكم ..

ازيك يا أحمد باشا، ومهاب باشا صديقي .. تقرير ممتاز كعادتك :)

بس فيه ملحوظة:

- انا شوفت العربية في عز العرب ومفيش مصفحة تحت الموتور ( يا ريت تأكدلي النقطة دي ) فمش عارف كانت ناقصة فيها ولا أنت مش متأكد من النقة دي !! ، يا ريت برضو حسام يبص عندو ويقولي .

- كمان متهيألي الموتور مش 163 حصان ، اعتقد 120 او 125 تقريبا !!

كلام في سرك ( غالبا هستلم العربية اخر الأسبوع :) )

---

و عليكم السلام

سامح باشا نورت القسم تانى و الف مبروك العربية ان شاء الله تبقى وش السعد عليك

الموتور 120 حصان فعلا ديه غلطة فى التقرير كده بس هى العربية مش تربو عكس الـ ds4 و الـ ds5

موتورها 120 حصان ، 160 نيوتن عند 4250 rpm

المصفحة اظن فعلا انها مش موجودة بس مش متأكد بصراحة حسام هو الوحيد اللى يقدر يحسم الحكاية ديه

الف مبروك مرة تانية يا باشا و نشوف حضرتك ان شاء الله فى مقابلة ستروين الجاية و القسم نور برجوعك

اقتباس:

---

المشاركة الأصلية كتبت بواسطة Eng.Sameh

سلام عليكم ..

ازيك يا أحمد باشا، ومهاب باشا صديقي .. تقرير ممتاز كعادتك :)

بس فيه ملحوظة:

- انا شوفت العربية في عز العرب ومفيش مصفحة تحت الموتور ( يا ريت تأكدلي النقطة دي ) فمش عارف كانت ناقصة فيها ولا أنت مش متأكد من النقة دي !! ، يا ريت برضو حسام يبص عندو ويقولي .

- كمان متهيألي الموتور مش 163 حصان ، اعتقد 120 او 125 تقريبا !!

كلام في سرك ( غالبا هستلم العربية اخر الأسبوع :) )

---

بالنسبة للتصفيح : ممكن نخلي hossam يبص عنده
بس غالبا هتبقى مش مصفحة زي ما حضرتك شفت
أكيد مش هيشيلوا التصفيح :)

بالنسبة للموتور: فعلا 120 أو 125 (حسب التوكيل ) و 163 دي لخبطة مني
شكرا على الملحوظة :)


أعذرني بقى ,أنا بجمع المعلومات من كذا مكان ,فـفيه حاجات أكيد اتلخبط فيها

يا ريت يا مهاب تبقى تعدلها في قسم المنسقين

مهاب باشا .. تسلم يا غالي وربنا يبارك فيك يا رب ، اعمل ايه بقه واضح اني خلاص ادمنت سيتروين ومش قادر ابطلها ، وبصراحة ال ds3 لوحتني وحاولت اقاوم بس مقدرتش :) ، ادعيلي استلم على خير .. وان شاء الله اكون معاكم في المقابلة الجاية ..

أحمد باشا .. ولا يهمك يا كبير اللخبطة واردة ، عموما الحمد لله انها مش تيربو عشان موضوع ال 95 ده خلاص وقف حال التيربو ابو 95 ، 120 فل قوي ...

يا ريت حسام ياكدلنا موضوع التصفيح ده .

وان شاء الله انتظروا مني تقرير مفصل بعد الستلام والتليين ... دعواتكم

بصيت دلوقتي :d. و الحمدلله اتبهدلت لاني اضريت انزل تحتها :d العربيه مش مصفحه بس لاحظت ان فيه اجزاء كتير متغطيه يعني اللي ظاهر بعض اجزاء الحديد اللي بتربط العفشه

1. العربيه ثابته جدا في الغرز خاصه مع حجمها الصغير و الجنط ال 17 و الهاندليج ممتاز و ال esp تاثيره واضح و ال ba برضه اشتغل معايا اكتر من مره و الحمد لله انقذني :D

2. العفشه ناشفه شويه بس انا زودت ضغط العجل من 28 ل 30 علشان طلعت بالونه :S بس هروح التوكيل ان شاء الله اعمل الصيانه الدوريه و اشوف موضوع الكاوتش ده

3.العربيه القعدده فيها مريحه جدا مقارنه بجولف 6 و اوبل استرا و تصميمها ذكي جدا يعني الكابوت صغير جددا و نص الموتور تحت التابلوه علشان يدي مساحه واسعه ف الصالون و درج التابلوه و الدركسيون داخلين لجوه علشان تقدر تحرك الكرسي لقدام مسافه يعني الملخص اللي قدام و اللي ورا يعقدوا مرتاحين جدا بالرغم من ان العربيه صغيره و موضوع البابين ده التعامل معاه سهل

4. مساحه التخزين الخلفيه مرضيه جدا 280 لتر اعتقد

5. التكييف كان مفاجاه بالنسبالي من اللي سمعته عن تكييف الاوربي و الفرنساوي خاصه التكييف كويس جداا الحمد لله و بيوصل لدرجه حراره 14 و افضل من تكييف الالنترا و كيا كارينز

5. السماعات تقريبا نازله من غير نظام hifi مش مكتوب علي السماعات بس الصوت كويس و نقي

6. العربيه علشان نازله سبور صوت الموتور عالي شويه و العزل مش علي المستوي اوي يعني نفس مستوي الكارينز تقريبا و صوت الموتور بيعلي مع القرص و الاحساس بالنقلات و الكيك داون عالي جدا ماشوفتوش في عربيه قبل كده

7. التسارع كنت متوقع يكون اكتر من كده لان موتور 1600 علي حجم صغير جداا بس انا مجربتش من غير تكييف اعتقد احسن من الكارينز بفارق بسيط

8.الاضاءه مريحه في الصالون للعين بس نور الصالون في النص و ضعيف لما بحتاج ادور علي حاجه الموضوع بيبقي صعب :D و الاضاءه. الخارجيه مفيش زينون بس مناسبه

9. لازم اللي سايق و اللي جنبه يلبسوا الحزام :D. :D

10. الباركينج سنزور بيخليني ماستخدمش المرايا و انا بركن و بيوضح الرصيف موجود فين بسهوله

11. خامات الصناعه ممتازه و الزراير اللي تحت الدركسيون تلغبط شويتين بس هتتعود عليها بعد كده لانها كتيير اوي و المالتي فانكشن تحت الدركسيون.

12. الشكل ملفت و تصميم خارجي فوق الممتاز اكتر من مره حد يوقفني يسالني عن العربيه

13. صوت الكاوتش مع الطريق عالي جدا و مش مريح حتي لو الاسفلت مش كويس مش مع المطبات بس و عامل مشكله كبيره للاسف :/

14. درج التخزين فيه تكييف و الكرسي بيتعدل ارتفاعه و الدركسيون برضه بيتعدل في كل الاتجاهات

15. الازاز بيعزل الحراره بنسبه كبيره مع خامات الصناعه الجيده مهما بركن العربيه في الشمس مش بتتاثر اوي

دي اهم الملاحظات و لو حد عايز يسال عن اي حاجه انا في الخدمه :)

و لو حد يقدر ينسق الرد و يحطه في موضوع يكون احسن :)

اقتباس:

---

المشاركة الأصلية كتبت بواسطة hossam_hassan4

بصيت دلوقتي :d. و الحمدلله اتبهدلت لاني اضريت انزل تحتها :d العربيه مش مصفحه بس لاحظت ان فيه اجزاء كتير متغطيه يعني اللي ظاهر بعض اجزاء الحديد اللي بتربط العفشه

---

معلش يا غالي تعبتك معايا .. بس هتتعب لمين اغلى مني :) احنا ملناش الا بعض بعد كده :)

ان شاء الله وانا بستلم هسأل اذا كان ممكن نركبها وهل ليها لازمة اصلا ولا لأ ...

ابقى شيل بقه نقطة المصفحة من التقرير يا مهاب .. ان شاء الله اخر تعديل :)

صحيح يا حسام . مقولتليش انت جبت لون ايه ؟

دي كانت تجربتي مع العربيه بس كانت بعد ما جبتها باسبوع تقريبا
في ملاحظه تانيه صوت الهوا مزعج لو فاتح الازاز بعد 130 تقريبا مش عارف بسبب انها كوبيه ولا ايه بس الموضوع ده كان في الاوكتافيا برضه

و موضوع الثبات ده فعلا مهما جبت مابتبقاش خايف العربيه تخونك :)

و حاجتين لاحظتهم لما ركبت عربيات تانيه خامات الصناعه في كل حاجه ممتازه و الاستيرنج كمان بيخليك متحكم في العربيه جدااا

هظبط التقرير دلوقتى ان شاء الله

يا حسام مش عارف عندكوا بتبان من الموتور ولا لا بس انا عندى اول ما تفتح بتبص تحت تلاقى الشارع تحتك :d

انا عربيتى خليجى مفهاش المصفحة و الحمد لله مواجهتش مشاكل .. هى كل لزمتها انها تحمى لو فيه خبطة جامدة من تحت بس و ربنا يستر علينا كلنا ان شاء الله

جبتها احمر في اسود بس انا جايبها كسر زيرو اعتقد فيه الوان تانيه كتتير افضل :)

اقتباس:

---

المشاركة الأصلية كتبت بواسطة hossam_hassan4

جبتها احمر في اسود بس انا جايبها كسر زيرو اعتقد فيه الوان تانيه كتتير افضل :)

---

يا راجل .. هي لحقت تتباع كسر زيرو ، يا ترى بتتباع بكام بقه في كسر الزيرو وكانت عامله كام الف، اوجع قلبي وقولي ( مع اني ان شاء الله ناوي اورسها لعيالي : ) ، بس اهو برضو الواحد يعرف بتتباع بكام !!

العربيه مش بتحك نهائي :) ماحكتش الا لما كنا خمسه و فيهم 2 وزن شويه

@eng.sameh

ربنا يباركلك فيها
و مستنيين التقرير :)

@hossam.hassan

متشكرين يا حسام باشا :)

اقتباس:

---

المشاركة الأصلية كتبت بواسطة hossam_hassan4

جبتها احمر في اسود بس انا جايبها كسر زيرو اعتقد فيه الوان تانيه كتتير افضل :)

---

على فكرة اللون بتاعك من احلى الالوان اللى فيها و الله

اقتباس:

---

المشاركة الأصلية كتبت بواسطة mohab.nabil

على فكرة اللون بتاعك من احلى الالوان اللى فيها و الله

---

على فكره نفس اللون اللي حاجزه واكتر لون عجبني فيها ، والأبيض كمان جميل جدا فيها ( دول احسن لونين في رايي فيها ) :) بس بيقولو عليه نبيتي وهو فعلا يعتبر نبيتي ودرجة بصراحة تحفة مع الأزاز الفيميه والسقف الاسود والجنوط السوده .. يديلك حالة من الرعب من العين وعمايلها :)

برضو يا حسام موجعتش قلبي وقلتلي جبتها بكام ( ابعتلي حتى على الخاص لو مش عاوز تقول هنا ) :)

اقتباس:

---

المشاركة الأصلية كتبت بواسطة eng.sameh

على فكره نفس اللون اللي حاجزه واكتر لون عجبني فيها ، والأبيض كمان جميل جدا فيها ( دول احسن لونين في رايي فيها ) :) بس بيقولو عليه نبيتي وهو فعلا يعتبر نبيتي ودرجة بصراحة تحفة مع الأزاز الفيميه والسقف الاسود والجنوط السوده .. يديلك حالة من الرعب من العين وعمايلها :)

برضو يا حسام موجعتش قلبي وقلتلي جبتها بكام ( ابعتلي حتى على الخاص لو مش عاوز تقول هنا ) :)

---

معلش علي التاخير فصل شحن :)
جبتها ب 142 ماشيه 13 الف بس المفروض اني جايبها من معرض اسعاره اصلا غاليه :d
لو عايز اقبل ما تجبها نتقابل و تشوف العربيه براحتك ماعنديش اي مانع

اقتباس:

---

المشاركة الأصلية كتبت بواسطة mohab.nabil

هظبط التقرير دلوقتى ان شاء الله

يا حسام مش عارف عندكوا بتبان من الموتور ولا لا بس انا عندى اول ما تفتح بتبص تحت تلاقى الشارع تحتك :d

انا عربيتى خليجى مفهاش المصفحة و الحمد لله مواجهتش مشاكل .. هى كل لزمتها انها تحمى لو فيه خبطة جامدة من تحت بس و ربنا يستر علينا كلنا ان شاء الله

---

لا مش بيبان :d :d بس كان بيبان في البلونيز ربنا ما يعدها ايام :d

اقتباس:

---

المشاركة الأصلية كتبت بواسطة hossam_hassan4

معلش علي التاخير فصل شحن :)
جبتها ب 142 ماشيه 13 الف بس المفروض اني جايبها من معرض اسعاره اصلا غاليه :d
لو عايز اقبل ما تجبها نتقابل و تشوف العربيه براحتك ماعنديش اي مانع

---

تسلم يا باشا متحرمش منك ... خلاص انا هستلم بكره او بعده ، الفلوس ادفعت وجواب المرور طلع النهارده ...

بس 142000 من 185000 وهي ماشية 13000 ، ما شاء الله ، مش غالية خالص ، ده انت وجعت قلبي يا راجل ، ربنا يباركلك فيها يا باشا ،

انا بصراحة بصرف النظر عن ال ds3 اخر عربية اشتريتها كانت برافو كسر زيرو عاملة 20000 ، وكشفت عليها في بنزينة كشف كامل وقالي تمام ، وبعدين اكتشفت انها راشة جنب شمال ، وواخده خبطة من قدام كسره حته في السدر الفيبر بس متبانش غير لو شيلت الأكصدام ( وانا شيلته عشان كان خد خبطة ورحت لسمكري يظبطها فاكتشفت حتت السدر دي ) ، المهم بعد ما بعتها قلت مش هجيب غير زيرو من الوكيل ، واعد ادور عشان اجيب عربية تكون عجباني قوي عشان نفكرش اغيرها قبل 5 سنين او اكتر ومملش منها ،

فالحمد لله ربنا هداني لل ds3 وربنا بس يحفظها ويرزقنا نحوش تمنها تاني :)

اقتباس:

---

المشاركة الأصلية كتبت بواسطة Eng.Sameh

تسلم يا باشا متحرمش منك ... خلاص انا هستلم بكره او بعده ، الفلوس ادفعت وجواب المرور طلع النهارده ...

بس 142000 من 185000 وهي ماشية 13000 ، ما شاء الله ، مش غالية خالص ، ده انت وجعت قلبي يا راجل ، ربنا يباركلك فيها يا باشا ،

انا بصراحة بصرف النظر عن ال ds3 اخر عربية اشتريتها كانت برافو كسر زيرو عاملة 20000 ، وكشفت عليها في بنزينة كشف كامل وقالي تمام ، وبعدين اكتشفت انها راشة جنب شمال ، وواخده خبطة من قدام كسره حته في السدر الفيبر بس متبانش غير لو شيلت الأكصدام ( وانا شيلته عشان كان خد خبطة ورحت لسمكري يظبطها فاكتشفت حتت السدر دي ) ، المهم بعد ما بعتها قلت مش هجيب غير زيرو من الوكيل ، واعد ادور عشان اجيب عربية تكون عجباني قوي عشان نفكرش اغيرها قبل 5 سنين او اكتر ومملش منها ،

فالحمد لله ربنا هداني لل ds3 وربنا بس يحفظها ويرزقنا نحوش تمنها تاني :)

---

فعلا 142 دول يجبولي النترا :D و الحمدلله عمريما حسيت انها مستعمله و شوفت ds3 علي كونتاكت كارز بس كان طالب 170

يجبو النترا بس مش هاي لاين كما :) او كيا ريو اعلى حاجة جميع الكماليات والشخاليل ، حتى لو هتجيب ستروين برضو هتحط 6000 وتجيب اول فئة في ال c4 وطبعا مفيش مقارنة بال ds3 ، مش تقولي معرض سعره غالي ، انت لو واخدها مفيهاش خبطات ولا متروقة خدوش وبحالة الزيرو ، يبقى تبوس ايدك شعر ودقن وصوابع، وتقول بسم الله ما شاء الله قبل ما تقول السعر ده لحد :)

ربنا يا رب يحفظهالك ويحفظنا كلنا ان شاء الله ...

مافيش حد قدامة ds3 مستعملة للبيع

اقتباس:

---

المشاركة الأصلية كتبت بواسطة medo_sirion

مافيش حد قدامة ds3 مستعملة للبيع

---

كان فبه واحده معروضه علي كونتاكت كارز بس كان طالب فيها 170 ماشيه 13000

و انا مؤخرا بقيت بشوفها كتير :) ممكن تلاقي و شوف في قسم المستعمل في عز العرب

الف مبروك وربنا يبارك عامل ايه في موضوع البابين

عربيه جامده جداااااااااااااا عربيه رائعه و السعر معقول