الموضوع: ايفون 5 نزل فى بى تك ب 7500 جنيه للنسخة ال 16 جيجا

انا عايز بس اوضح حاجة بسيطة اوى بخصوص السعر بتاع الموبيل وكدة
كون ان فى اى حد ممكن يدفع المبلغ دة فى موبيل فدة مش عيب (انا بتكلم على سعرة الاصلى اللى فى حدود 5000)
كون ان فى اى حد ممكن ميدفعش فى موبيل اكتر من 1000 جنية بردة مش عيب
لكن العيب ان احنا منبقاش عرفين الموبيلات دى غالية لية واية الجديد اللى تم فيها
واية الطفرة التكنولوجية اللى اتعملت علشان وزن موبيل يقل بمقدار معين
وحجمة يتقلص حتى 1 مللى متر ونقول هوة اية الجديد اللى فية يعنى
لاء اكيد فية جديد
لاء اكيد هوة احسن من اللى قبلة
لاء اكيد اللى عملة تعب جدااااااااااااااااااااااا اااا علشان يخلية يخس 1 مللى
لاء احنا مش عارفين ولا فاهمين ولا عمرنا لا حنعرف ولا حنفهم طول ما بنفكر بالعقلية بتاعة يعنى هوة اية اللى فية يعنى علشان يبقى كدة ؟هههههههه انت تعرف حاجة اصلا عن المعالج المستخدم فية ؟؟؟ تعرف اى حاجة عن مدى الصعوبة اللى واجهوها وهما بيصمموا القطع الدقيقة الداخلية علشان يخرج بالمنظر دة وبالسمك دة ؟؟
تعرف هما لية اصلا كبروا حجم الشاشة طولى ومكبروهاش عرضى ؟؟؟؟ ماهو مش فتاكة اكيد دة دراسة وتانى وتطوير كبير جدا بيتعمل
اخيرا وليس اخرا
كل موبيل يسوى 1000 جنية يستاهل تمنة
وكل موبيل يسوى 5000 جنية اكيد يستاهل تمنة
فى نقطة مهمة بتبقى غايبة عننا
ان فى حاجة اسمها law & mid& high end فى الموبيلات وفى كل الاجهزة التكنولوجية وقيس عليهم الموبايل والابات والتابات والدى فى ديها وكل قطع الكميوتر الهاردوير
فالايفون يعتبر هوة والجالكسى زى البى ام والمرسيدس بالظبط
كون ان فى تجار حاليا بيبيعوة باسعار فلكية فدة علشان الاستغلال والجشع للاسف
لكن هوة لما ينزل سعرة حيكون فى حدود ال 5000 جنية ودة سعر اى جهاز هاى ايند فى مصر على فكرة :)

المشاركة الأصلية كتبت بواسطة patrick.561

طب أنا عندى سؤال هايجننى !!
هو الايفون 5 بيستقبل شريحه من نوع نانو .. و الشريحه فى مصر نوعها ميكرو ... هايشتغل إزاى بقى علشان أنا هاتجنن :d
أقصد بالشريحه خط التليفون مش الميمورى كارد للتوضيح :)

الشريحة النانو هى الشريحة العادية اللى اتقصت وبقت ميكرو بتتقص عادى خالص وبتبقى نانو
النانو مسمى لصغر الحجم مش اكتر لكن لا يوجد اختلاف فى الية تشغيل الشريحة العادية
ودلوقتى موجود فى مصر حتى لو روحت تريد لاين حتلاقى عندهم القصافة بتاعة النانو لو معرفتش انت تقصها بايدك

المشاركة الأصلية كتبت بواسطة mido_soliman

انا عايز بس اوضح حاجة بسيطة اوى بخصوص السعر بتاع الموبيل وكدة
كون ان فى اى حد ممكن يدفع المبلغ دة فى موبيل فدة مش عيب (انا بتكلم على سعرة الاصلى اللى فى حدود 5000)
كون ان فى اى حد ممكن ميدفعش فى موبيل اكتر من 1000 جنية بردة مش عيب
لكن العيب ان احنا منبقاش عرفين الموبيلات دى غالية لية واية الجديد اللى تم فيها
واية الطفرة التكنولوجية اللى اتعملت علشان وزن موبيل يقل بمقدار معين
وحجمة يتقلص حتى 1 مللى متر ونقول هوة اية الجديد اللى فية يعنى
لاء اكيد فية جديد
لاء اكيد هوة احسن من اللى قبلة
لاء اكيد اللى عملة تعب جدااااااااااااااااااااااا اااا علشان يخلية يخس 1 مللى
لاء احنا مش عارفين ولا فاهمين ولا عمرنا لا حنعرف ولا حنفهم طول ما بنفكر بالعقلية بتاعة يعنى هوة اية اللى فية يعنى علشان يبقى كدة ؟هههههههه انت تعرف حاجة اصلا عن المعالج المستخدم فية ؟؟؟ تعرف اى حاجة عن مدى الصعوبة اللى واجهوها وهما بيصمموا القطع الدقيقة الداخلية علشان يخرج بالمنظر دة وبالسمك دة ؟؟
تعرف هما لية اصلا كبروا حجم الشاشة طولى ومكبروهاش عرضى ؟؟؟؟ ماهو مش فتاكة اكيد دة دراسة وتانى وتطوير كبير جدا بيتعمل
اخيرا وليس اخرا
كل موبيل يسوى 1000 جنية يستاهل تمنة
وكل موبيل يسوى 5000 جنية اكيد يستاهل تمنة
فى نقطة مهمة بتبقى غايبة عننا
ان فى حاجة اسمها law & mid& high end فى الموبيلات وفى كل الاجهزة التكنولوجية وقيس عليهم الموبايل والابات والتابات والدى فى ديها وكل قطع الكميوتر الهاردوير
فالايفون يعتبر هوة والجالكسى زى البى ام والمرسيدس بالظبط
كون ان فى تجار حاليا بيبيعوة باسعار فلكية فدة علشان الاستغلال والجشع للاسف
لكن هوة لما ينزل سعرة حيكون فى حدود ال 5000 جنية ودة سعر اى جهاز هاى ايند فى مصر على فكرة :)

مش عارف ليه حضرتك افترضت الجهل في اللي قالوا ان سعر ايفون غالي .. ايوه .. سعره غالي .. بدون اي داعي .. و على فكرة مش ايفون بس .. دا اي منتج من آبل .. ابل شركة مبتكرة .. نعم .. و لكن منتجاتها .. اغلى من اللازم .. علشان كده .. جننتها IBM زمان .. و ذلتها مايكروسوفت .. و مدوخاها سامسونج و الاندرويد .. اي فون لحد دلوقتي ماهواش fully multitasking .. و لا ينافس S III من سامسونج .. يبقى ايه مبرر سعره .. على اية حال دي عيوب الاختراع العظيم ايفون 5 على حسب موقع gsmarena المفترض انه بيفهم شوية في عالم الموبايل .

• Aluminum body looks cool but is easy to scratch
• Proprietary connector, incompatible with previous-gen accessories (needs adapter)
• The new display is not proportionally bigger, but only taller
• Unadapted apps run letterboxed due to the unusual resolution
• nano-SIM support only
• Apple Maps app not up to scratch
• No USB Mass Storage mode
• No FM radio
• No stereo speakers
• No microSD card slot
• No NFC connectivity (though that may be nitpicking)
• Stuck with iTunes for loading content
• Mono audio recording in videos

المشاركة الأصلية كتبت بواسطة forever.leo

مش عارف ليه حضرتك افترضت الجهل في اللي قالوا ان سعر ايفون غالي .. ايوه .. سعره غالي .. بدون اي داعي .. و على فكرة مش ايفون بس .. دا اي منتج من آبل .. ابل شركة مبتكرة .. نعم .. و لكن منتجاتها .. اغلى من اللازم .. علشان كده .. جننتها ibm زمان .. و ذلتها مايكروسوفت .. و مدوخاها سامسونج و الاندرويد .. اي فون لحد دلوقتي ماهواش fully multitasking .. و لا ينافس s iii من سامسونج .. يبقى ايه مبرر سعره .. على اية حال دي عيوب الاختراع العظيم ايفون 5 على حسب موقع gsmarena المفترض انه بيفهم شوية في عالم الموبايل .

حضرتك انا لم افترض الجهل لا سمح الله انا حبيت اوضح حقيقة قد تكون غائبة ولو قريت الكومنت بتاعى تانى بتانى شوية وبدون ترصد حتفهم انا اقصد اية
غير كدة وكدة انا مقارنتوش بالاندرويد لان المقارنة لا تصح على الاطلاق دة سوفتوير وهاردوير مختلف تماما عن سوفتوير وهاردوير الاندرويد وبالتالى المقارنة لا تصح
الشىء الوحيد اللى بيحسم الاقتناء اى من تلك الانظمة هو المستخدم عايز من الموبيل اية
عايز جهاز بسيط فى استخدامة وسهل وسلس ونظام مستقر الى ابعد حد مع خامة قيمة وشكل راقى يبقى الايفون هوة اختيارك
عايز جهاز حجم شاشتة كبير ونظامة يمكنك التعامل وكانك تتعامل مع لابتوب و نظامة جيد جدا ولكن غير مستقر ويعيبة احيانا عدم السلاسة واستهلاكة العالى لموارد الجهاز مثل الرامات يبقى الاندرويد بمختلف ماركاتة هوة اختيارك
على فكرة
انا اقتنيت الاتى : الاس1 والاس2 والنوت1 والاس3 اخيرا ولم اقتنى الايفون وان كنت افكر فية مستقبلا
حتى لا يشعر البعض انى منحاز لشركة او لموبيل بعينة :)
نقطة اخيرة . حضرتك بتقول ان الايفون مبيحققش المالتى تاسكينج وانا متفق معاك فى دة تماما
بس هوة اية الموبيل اللى موجود حاليا بيحقق ال fully multitasking ؟؟؟ باستثناء النوت2 ومش فى كل البرامج كمان ؟؟؟؟؟ لا يوجد جهاز يحقق المالتى تاسكينج الكامل لا فى الاندرويد ولا فى الاى او اس على فكرة وكل المالتى تاسكينج بيبقى شكل بس والبرامج فى الخلفية غير مفعلة وعن تجربة لما سبق زكرة من امتلاكى للهواتف السابق زكرها فى نظام الاندرويد
اما بالنسبة للعيوب تعالى ناخدها واحدة واحدة

• aluminum body looks cool but is easy to scratch
  
  يكفينى انة المونيوم مش بلاستيك وشتااااااااان الفارق بينهما فى كل شىء اقل حاجة فى تكلفة التصنيع والخدوش السابق زكرها كانت فى الدفعات الاولى وحالات فردية نتيجة لان الطبقة الالومنيوم فى اللون الاسود مرشوشة بلون رصاصى مط واللون دة هوة اللى سهل التقشير مش الالومنيوم نفسة :)
  
  
• proprietary connector, incompatible with previous-gen accessories (needs adapter)
  هوة اية العيب فى كدة ؟؟؟ هوة مش معاة الشاحن بتاعة والكابل بتاعة ححتاج انا لية اجيبلة شاحن ايفون سابق مش عارف ولا هوة مجرد فكرة انهم لغوا الكابل ال30 بين الكبير وحولوة للكبل النانو دة وخلوة بيركب فى الاتجاهين دة بقى عيب مش ميزة ؟؟؟ كم انت عجيب يا جى اس ام ارينا :)))
• the new display is not proportionally bigger, but only taller
  لية عملوها اطول مش اعرض
  علشان هما عندهم اعتقاد ما مبنى على دراسة بردة ان عرض الشاشة 3.5 انش هوة انسب عرض لشاشة محمول تقدر تتعامل معاها بيد واحدة وفى كل الاتجاهات (فوق يمين شمال تحت يمين شمال) بدون الحاجة لليد الاخرى ودة على فكرة كان اعتقاد ومبدا ستيف جوبز نفسة ولولا انة مات كان ممكن جدا ان الايفون 5 يكون بردة حجمة 3.5 زى اللى قبلة لان دة بمثابة مبدا زى بالظبط بى ام دبليو لية مبتعملش عربيات جر امامى ؟؟؟؟؟؟؟ بيتهيالى دة مش عيب بردة ولا اية ؟؟؟؟؟؟وبالتالى هما طولوا الشاشة علشان تشمل مساحة اكبر فى القراءة فقط لا غير وبردة لضغط الشركات المنافسة فى صنع شاشات باحجام كبيرة ولا اخفى عليك سرا الاس3 معايا وبالنسبالى تعاملة صعب جدا اثناء القيادة لان فى حتت كتير اوى فى الشاشة مبعرفش اجيبها بايد واحد (دة بالنسبالى بردة )
  ابل بتقول عايز موبيل يبقى ايفون عايز اكتر من كدة يبقى ايباد وحينزلوا الايباد مينى 23 الشهر دة يعنى مفيش حجة :)
  
• unadapted apps run letterboxed due to the unusual resolution
  بيتهيالى دى مسالة وقت مش اكتر لحد ما المبرمجين يعملوا ابديت (بصراحة عيب جامد اوى )
  امال مبرمجين الاندرويد يعملوا اية باة لما كل جهاز لية ريزوليوشن شكل وصنف ونوع وحجم شاشة
  عرفت لية ان المطورين بيروحوا لابل اسهل من الاندرويد لان سهل اوى تعمل برنامج لنوعين تلاتة من الرزيوليوشن الشاشات لكن صعب جدا ورخم جدا انك تعملة لمليون رزيلوشن شاشة (على فكرة الكلام دة مش من عندى والله دى حقائق) انا اندرويدى فى المقام الاول لكن بحب ادى كل واحد حقة ومبخسش بية الارض وبحب اوى التقنية والتفكير فى صناعة التقنية مش اكتر
• nano-sim support only
  رخمة اة جدا وعيب انا معاك بس ماهى الميكرو فى الاس3 عيب وفى النوت2 عيب هى كمان دة انا بتعذب علشان احط شريحة اليو اس بى مودم فى الاس3 ومش عارف علشان لازم اقصها
  يعنى حلال للاس3 وحرام لابل ؟؟؟ اة عيب وملهاش لازمة خالص ومكدرة بس الاتنين باة الميكرو والنانو لان فى الحالتين متقدرش تشيل الشريحة من هنا تحطها فى اى موبيل تانى مبيدعمهاش والا الشريحة حتتشفط ومش حتعرف تخرجها ......... يا جى اس ام لية متكلمتيش عليها فى الاس3 ؟؟؟؟
• apple maps app not up to scratch
  
  اغبى خطوة عملتها ابل انها تنفرد وتستقل عن جوجل وكانت الصفعة فعلا فى حق تيم كوك الغبى جداااا .......ولكن ...... نسينا مين اول حد خلى جوجل تنزل السيرش بتاعها ؟؟ مش siri بردة ؟؟؟ يعنى باختصار الموضوع مسالة وقت وتظبط الخرائط وان كنت اتصور ان جوجل مابس حتنزل فى الماركت فى القريب بالاضافة الى مئات برامج الملاحة المتخصصة اللى موجودة وببلاش والناس مبتستخدمش غيرها
• no usb mass storage mode
  من زماااااااااااااااااااااان والايفون عارفين انة اناااااااااانى ولازم ايتونز ايوة اشمعنى دلوقتى تم زكرها فى العيوب ماهى موجودة من اول ال 2جى ؟؟؟ وايوة دة عيب فى النظام نفسة مش فى الموبيل كايفون5 دة سوفتويييييييييييييير الاى او اس
• no fm radio
  هوة بزمتك حد بيستخدمة اصلا ؟؟؟ موجود عندى وعمرى ما فكرت اشغلة ولا مرة بس ماشى عيب :)
• no stereo speakers
  هما ردوا على النقطة دى وكان ردهم منطقى الى حد بعيد وان كنت مقتنعتش اوى نظرا لسياستهم فى تنقيط هما قالوا ان نظرا للديزاين بتاع الجهاز والوزن والسمك كان من المفترض ان كل القطع الموجودة جواة يعاد تصنيعها وتصغيرها قدر الامكان (ودة سبب الشريحة النانو وجاك الشحن بالمناسبة ) ممكن تقتنع وممكن لاء بس انا بالنسبالى لانى عارف سياستهم فى التنقيط قلت امال لو نزلوها حينزلوا الايفون 5 اس فية اية ؟؟؟ :) عموما السماعات صوتها اعلى من الايفون 4 اس ومن كل الاجيال السابقة وفى اختبار على اليوتيوب بياكد دة وممكن ابقى اجيبهولك هوة اختبار لخرج ال db لكل سماعة وكان خرج الايفون 5 اعلاهم
• no microsd card slot
  دى باة بالزات انا مش معاك فيها لسبب بسيط جدا ان الميكرو اس دى تحديدا من اهم عيوب نظام الاندريود لانها بتبطىء النظام جداااا وبتعمل لة مشاكل كتير اوى وعلشان كدة لو لاحظت جهاز جوجل الرئيسى كل سنة (نكسس) بيبقى من غير ميكرو اس دى :) يا سيدى الفاضل الناس دى مبتبخلش والله هما عارفين هما بيعملوا اية اكتر منى ومنك ومن جى اس ام ارينا :)
• no nfc connectivity (though that may be nitpicking)
  عيب سخيف ملوش داعى انة ميبقاش موجود فعلا ... بس تفتكر لو موجود .. احنا كشرق اوسط وخليج عربى حنستفيد منة فى اية ؟؟؟؟ يعنى معندهمش بلوتوث حيفعلوا ال beam مثلا ؟؟؟؟؟؟ولو فعلوا البيم مثلا وجدلا يبقى لازم لما احب انقل حاجة من حد او العكس يبقى معاة يا اس3 يا نوت2 يا وان اكس .... بس كدة يعنى الموضوع محصور جدا ولم يعمم بعد يا سيدى وبردة ارجع اقولك نقطة مهمة امال لو حطوة حيعملوا اية فى ال 5 اس ؟؟؟ حيلبسوة اديداس :)))
• stuck with itunes for loading content
• mono audio recording in videos

تعبت من التعليق على جى اس ام ارينا بصراحة :)
بصراحة ارى التحيز واضح فى مقالهم
كل جهاز لية مزاقة الخاص
وكل جهاز لية ميزة وعيب
ولو حبيت افصصلك عيوب الاس3 مرورا بجميع الاجهزة اللى امتلكتها القائمة تطول وتطول
مفيش جهاز كامل ولن يكون هناك لان الكمال لله
صعب الرد دة من واحد اندرويدى حتى النخاع صح ؟:)
بس انا والله لا متعصب ولا احب التعصب خصوصا انى لا ابن عمى سامسونج ولا خالى ستيف جوب وتيم كوك
انا بدفعلهم دم قلبى ومش مطالب انى ادافع عنهم خالص بالعكس :)