بدور علي تقييم للرانجلر مفيش حد ممكن يساعدني لو سمحتو
عرض للطباعة
بدور علي تقييم للرانجلر مفيش حد ممكن يساعدني لو سمحتو
المعلومات اللي موجوده كلها نظريه وملقيتش هنا تجربه قياده من ملاكها (يمكن عددهم مش كتير) بس شوف الموضوع ده
http://www.nilemotors.net/Nile/270968-2012.html
وشوف الملخص السريع ده من النوت بوك بتاعي :d
http://img1.uploadscreenshot.com/ima...61878-orig.png
العربيه انا تابعتها فتره واللي زعلني منها ان مساحه الرجل فى الكراسي اللي ورا ضيقه جدا وكمان الزجاج الخلفي معظمه مش باين عشان الكاوتش الاسبير متعلق عليه وكمان الستوب لايت وكمان مساند الكراسي اللي ورا كبيره ومغطيه جزء كبير من الازاز وطبعا مفيش سنسور رجوع ففيه احتماليه كبيره للحكات فى الركن.
لو الملاحظات دي متفرقش معاك يبقى اتكل على الله العربيه زي الفل بس المهم تكون محتاج قوتها (يعني تكون هتنزل بيها صحرا أو كده) لأن لو مش هتحتاج القوه دي ممكن تجيب SUV بسعر أقل وفيها اوبشن أعلى وطبعا القوه هتكون أقل.
اولا الف شكر علي رد حضرتك. ثانيا انا بسافر كتير و بدخل صحرا احيانا و كمان بنزل الارياف كتير و دي في الشتا اصعب من اي صحرا.
يبقى الرانجلر بدون كلام.اقتباس:
المشاركة الأصلية كتبت بواسطة ahmedkoko
حضرتك تحب معلومات عن الرانجلر الحديثة ولا القديمة ؟
و المقصود بالحديثة اللي هي 4 أبواب اللي نزلت مصر من أول موديل 2010
القديمة اللي هي الحديد في حديد....
و ديه لو عايز أي معلومات عنها أنا تحت أمرك و هحاول أفيدك قدر المستطاع ....
شكرا يا باشا علي ردك. انا كنت عاوز اعرف العربيه دي لو لعيله تكون كويسه و لا تبقي عاليه اوي؟ الحاجه التانيه اخبارها ايه في السفر الطويل؟ و العزل بتاعها في السفر كويس و لا دوشه اوي؟اقتباس:
المشاركة الأصلية كتبت بواسطة m!na
انا بتكلم علي الموديلات الحديثه اللي من اول ٢٠١٠ كده. الف شكر لرد حضرتك
اتفضل يا باشا
http://www.nilemotors.net/Nile/292207-a.html
اقتباس:
المشاركة الأصلية كتبت بواسطة horas3000
الف شكر و تسلم ايدك علي المساعده
تحت امرك ياباشا لو فى حاجة معينة
هو مفيش حاجه معينه اوي. انا كنت عاوز اعرف مثلا العزل بتاعها في السفر و لو مريحه و لا لأ في المسافات الطويله. يعني تقييم عام كده من حد من ملاكها. و الف شكر لرد حضرتكاقتباس:
المشاركة الأصلية كتبت بواسطة hussein_ramdan
بص يا صديقى هى عربية عفاية جداااا الى ابعد الحدوداقتباس:
المشاركة الأصلية كتبت بواسطة ahmedkoko
لكن قبل ما تقرر لازم تعرف انت عايز اية
هل على الرفاهية والهدوء والسرعات العالية والثبات والعزل الكويس
فى الحالة دى رنجلر مش هتنفعك ممكن تبوص على بى ام او مرسيديس
اما بئا لو عايز عربية حمارة شغل وقوة ومش من اقل حاجة ممكن تتخبط
وارتفاع عالى على الارض وتخوش فى اى حتة متخفش يبقا رنجلر بدون تفكير
بس تخلى بالك من البنزين تقريبا الصفيحة بتعمل من 100 الى 140 كيلو
مش اكتر
غير كدة هى عربية جميلة جداااا وشياكة وبرستيج جامد جدااااا
واحد صاحبى كان حيشتريها و غير رأيه
واحد صاحبى كان حيشتريها غير رأيه لما وجد ان الكنبة الخلفية ضيقة و عرض الكرسى صغير و هو عنده عيلة كبيرة فحتكون غير مريحة فأشترى الشيروكى
انا من رأيى ان الرانجلر و الشيروكى مصممة للطرق الجبلية فى امريكا و غير مناسبة للصحراء فى مصر و البلاد العربية و لذلك فالسيارات اليابانية هى الافضل و المناسبة للصحراء
لو عايز عربية مريحة فى السفر و عالية مش محتاج عربية قوية قوى و رباعية الدفع و محتاجة بنزينة وراها و خاصة ان شكلك بتسافر كتير و فكر فى الاسبورتاج او القشقاى
شكرا يا باشا علي ردك. هو انا ببص دلوقتي علي الاكس ترايل و الشيروكي. الرانجلر عربيه محترمه اوي بس مراتي اول ماشافتها خافت و قالتلي دي عربيه جيش.اقتباس:
المشاركة الأصلية كتبت بواسطة hussein_ramdan
ما علينا المهم اناببص دلوقتي علي الاكس ترايل و الشيروكي ان شاء الله
هو انا عاوز فعلا عربيه مريحه في السفر و في نفس الوقت تكون جامده كده عشان متقلش اصلها معايا في اي مشواراقتباس:
المشاركة الأصلية كتبت بواسطة seso100100