بدور علي تقييم للرانجلر مفيش حد ممكن يساعدني لو سمحتو
عرض للطباعة
بدور علي تقييم للرانجلر مفيش حد ممكن يساعدني لو سمحتو
المعلومات اللي موجوده كلها نظريه وملقيتش هنا تجربه قياده من ملاكها (يمكن عددهم مش كتير) بس شوف الموضوع ده
http://www.nilemotors.net/Nile/270968-2012.html
وشوف الملخص السريع ده من النوت بوك بتاعي :d
http://img1.uploadscreenshot.com/ima...61878-orig.png
العربيه انا تابعتها فتره واللي زعلني منها ان مساحه الرجل فى الكراسي اللي ورا ضيقه جدا وكمان الزجاج الخلفي معظمه مش باين عشان الكاوتش الاسبير متعلق عليه وكمان الستوب لايت وكمان مساند الكراسي اللي ورا كبيره ومغطيه جزء كبير من الازاز وطبعا مفيش سنسور رجوع ففيه احتماليه كبيره للحكات فى الركن.
لو الملاحظات دي متفرقش معاك يبقى اتكل على الله العربيه زي الفل بس المهم تكون محتاج قوتها (يعني تكون هتنزل بيها صحرا أو كده) لأن لو مش هتحتاج القوه دي ممكن تجيب SUV بسعر أقل وفيها اوبشن أعلى وطبعا القوه هتكون أقل.
اولا الف شكر علي رد حضرتك. ثانيا انا بسافر كتير و بدخل صحرا احيانا و كمان بنزل الارياف كتير و دي في الشتا اصعب من اي صحرا.
حضرتك تحب معلومات عن الرانجلر الحديثة ولا القديمة ؟
و المقصود بالحديثة اللي هي 4 أبواب اللي نزلت مصر من أول موديل 2010
القديمة اللي هي الحديد في حديد....
و ديه لو عايز أي معلومات عنها أنا تحت أمرك و هحاول أفيدك قدر المستطاع ....
اتفضل يا باشا
http://www.nilemotors.net/Nile/292207-a.html
تحت امرك ياباشا لو فى حاجة معينة
بص يا صديقى هى عربية عفاية جداااا الى ابعد الحدود
لكن قبل ما تقرر لازم تعرف انت عايز اية
هل على الرفاهية والهدوء والسرعات العالية والثبات والعزل الكويس
فى الحالة دى رنجلر مش هتنفعك ممكن تبوص على بى ام او مرسيديس
اما بئا لو عايز عربية حمارة شغل وقوة ومش من اقل حاجة ممكن تتخبط
وارتفاع عالى على الارض وتخوش فى اى حتة متخفش يبقا رنجلر بدون تفكير
بس تخلى بالك من البنزين تقريبا الصفيحة بتعمل من 100 الى 140 كيلو
مش اكتر
غير كدة هى عربية جميلة جداااا وشياكة وبرستيج جامد جدااااا
واحد صاحبى كان حيشتريها و غير رأيه
واحد صاحبى كان حيشتريها غير رأيه لما وجد ان الكنبة الخلفية ضيقة و عرض الكرسى صغير و هو عنده عيلة كبيرة فحتكون غير مريحة فأشترى الشيروكى
انا من رأيى ان الرانجلر و الشيروكى مصممة للطرق الجبلية فى امريكا و غير مناسبة للصحراء فى مصر و البلاد العربية و لذلك فالسيارات اليابانية هى الافضل و المناسبة للصحراء
لو عايز عربية مريحة فى السفر و عالية مش محتاج عربية قوية قوى و رباعية الدفع و محتاجة بنزينة وراها و خاصة ان شكلك بتسافر كتير و فكر فى الاسبورتاج او القشقاى