استشارة بخصوص الجى ام مع الصب والسماعات

**bam8572** · 12-10-2012 03:24 AM

السلام عليكم

عندى جى ام سيمفونى 400 وات موصله على صب بايونير 1400 وات

المشكلة ان بعد مدة كدا الاقى الصب فصل خالص شوية كدا ويرجع تانى

وبيفضل ان اطفى الكاسيت والعدة كلها عشان يرتاح بسرعة

ياترى دى سخونية ؟؟ ولا حمل تقيل على الجى ام ؟؟

لان بتاع عدة الصوت قالى الجى ام مش مستحمل ,, الجى ام دا تجيب له سماعات توصله عليها احسن وتجيب جى ام اكبر للصب وعمر ما العدة هتفصل منك ولا ثانية

وواحد تانى قالى لأ ,, كدا الجى ام بيخلص وتعبان وشوية حجات كدا

انتم ايه رأيكم ؟

الجى ام كويس بس الحمل تقيل عليه ؟؟

ولا فعلاً الجى ام تعبان وخلاص بيطلع فى الروح ؟؟

ومن رأيكم كدا , جى ام سيمفونى 400 وات 2 تشانل , اتعمله صيانة واحدة بس بالسلوك بتاعه , يعمله كام ؟؟

**Clever Joe** · 12-10-2012 04:16 AM

هو إللي بيفصل الصب نفسه ولاّ الجي إم ؟؟؟

و الناس كلها إللي ليهم في الصوتيات
بتقول أن السيمفوني أفضل للصبات مش للسمعات

**eldell** · 12-10-2012 05:26 PM

الجى ام ده كويس بس قليل للصب الى عندك هات جى ام سيمفونى 600 2 تشانيل هيفورلك الصب ده واستحاله يفصل بس برضه توطى الجين على الصب علشان تحافظ عليه
والجى ام بيفصل من كتر الحمل عليه فعلا علشان الصب تقيل عليه

**bam8572** · 12-10-2012 06:22 PM

تسلموا ياشباب بس اوطي الجين يعني يه ؟؟؟

**eldell** · 13-10-2012 02:19 AM

المشاركة الأصلية كتبت بواسطة bam8572

تسلموا ياشباب بس اوطي الجين يعني يه ؟؟؟

هتلاقى عندك فى الجى ام بكرتين زى المسمار العادى كده باى حاجه رفيعه وتلفها ناحيه السالب

**bam8572** · 14-10-2012 02:01 AM

تسلم يابوب

الناس بتقولى البوكس صغير لو عملت بوكس كبير هيعمل معاك اداء احلى بكتير انت ايه رأيك ياغالى ؟

**eldell** · 14-10-2012 03:23 AM

المشاركة الأصلية كتبت بواسطة bam8572

تسلم يابوب

الناس بتقولى البوكس صغير لو عملت بوكس كبير هيعمل معاك اداء احلى بكتير انت ايه رأيك ياغالى ؟

بص ياحبى انا عندى البوكس صغير وبجد الصوت بتاعه تحفه ولو فعلا عملت واحد اكبر هيبقى احلى وياسلام لو فيه فينت بس مش تعمله كبييير وخلاص لا انت عندك على ظهر العلبه بتاعت الصب مكتوب المقاسات بتاعت البوكسات الاوريجينال بتاعت الصب بس انا شايف انك تخليك بالبوكس ده لسه هتعمل واحد تانى وياترا هيطلع بالظبط والا لا فخليك فى الى انت ضمنه احسن وانت وراحتك بس زى مابقولك التزم بمقاسات الاصلى

**bam8572** · 14-10-2012 12:24 PM

هى دى مقاسات الاصلى وكويس انك قولت لى كدا عشان بصراحة معييش تمن بوكس تانى كمان دلوقتى :d

**eldell** · 14-10-2012 04:12 PM

المشاركة الأصلية كتبت بواسطة bam8572

هى دى مقاسات الاصلى وكويس انك قولت لى كدا عشان بصراحة معييش تمن بوكس تانى كمان دلوقتى :d

مدام مقاسات الاصلى خلاص يبقى خليك زى ماهو مدام الاداء عاجبك خلاص فكك خااااالص

**bam8572** · 15-10-2012 02:09 AM

تسلم ياباشا

الموضوع: استشارة بخصوص الجى ام مع الصب والسماعات

LinkBack

أدوات الموضوع

عرض

-

-

-

-

-

المواضيع المتشابهه

بخصوص الجى ام والسماعات الصينى

برجاء اسعار الجى ام والسماعات المتوافقة

حد يعرف أسعار الجى إم و الصب الكينيود دول؟

الفرق بين الجى ام و الصب و jbl

الكلمات الدلالية لهذا الموضوع

المفضلات

المفضلات

ضوابط المشاركة