لو معاك في حدود 40 - 45
تركب ياباني قديم ( هوندا - تيوتا - متسوبيشي) ولا تركب كوري حديث ( فيرنا - لانوس )
واكيد عارفين انك علشان تلاقي ياباني تسعينات مش متهان قليل اوي
ماذا تفعل لو كنت مكاني , انا زهقت :majd(4):
عرض للطباعة
لو معاك في حدود 40 - 45
تركب ياباني قديم ( هوندا - تيوتا - متسوبيشي) ولا تركب كوري حديث ( فيرنا - لانوس )
واكيد عارفين انك علشان تلاقي ياباني تسعينات مش متهان قليل اوي
ماذا تفعل لو كنت مكاني , انا زهقت :majd(4):
أنا زيك و قررت اجيب لانوس او فيرنا جديد
الجديد جديد و لو لادا
الفيرنا مش وحشه
اصبر في ناس بتقعد بالسنين في الموضوع ده بس زي مابيقولو اصبر عشان تاخد حاجه نظيفه ( اللانوس والفيرنا حلوين ) بس لو بتحكي في هوندا وهتبقي في حدود ال 45 يبقي هوندا طبعا حتي لو تصبر سنه
أهم من نوع السيارة هو الحالة العامة للسيارة يعنى هناك سيارت حديثة وتكون شقيانة شقى السنين والعكس للقديم ممكن يكون كويس المهم حالة السيارة وعن تجربة فى مصر والشوارع واستعمال المصريين للسيارات كلما كانت السيارة موديل جديد بشرط الحالة يكون أحسن حتى تقدر تبيع لو مش عاجباك أنما القديم ممكن يكون كويس ولو لقدر اللة حصلت حادثة أو تعب فأنت هنا هتبيع أية لا حالة ولا موديل أهم حاجة (الشاسية والحوض ميكونوش أتمسو - الحالة العامة كويسة - العداد علشان الموتور ) وربنا يوفقك
شكرا اراكم جميعا , الموضوع محير جدا بصراحه
لو مكانك هختار حاجة كورى فيرنا او لانوس و تكو موديل حديث و بالتالى اعطال الى حد ما اقل و و اضحة و سهلة و قطع غيار ارخص
طبعا ركوبة الهوندا احسن منهم بس انت دلوقتى خليك فى الحاجة العملية و الاسهل و حضرتك ممكن تدور على المتعة فى الركوب و الرفاهية و الكلام ده لما ربنا يكرمك بمبلغ اكبر و تدور على فئات اعلى
اعتقد كورى حديث افضل لانوس و فيرنا مصاريف تشغيلهم قليلة و قطع غيلرهم رخيصة
اليابنى ركوبة محترمة بس هتتعب مع الميكانيكية و قطع غيار نار. الكورى الجديد كويس وتكلفة صيانة اقل من اى نوعيات اخرى وراحة بال ومشاكل شبه منعدمة
اهم حاجة الحالة بتاعة العربيه
وشوف انت متطلباتك ايه فى العربيه
يعنى ممكن كعربيه من ناحية الوسع وقوه الماتور ترجح عربيه عن التانية
العربيه حاله سواء قديم او جديد وطبعاً اليابانى افضل من الفيرنا والانوس لو حاله جيده ودور هتلاقى
أنت عندك معادله صعبه جدااا و الأهم من دة كله الحاله ثم الحاله ثم الحاله
بص من النهايه الهوندا و الميتسوبيشى و التويوتا من أقوى 3 أنواع سيارات دخلت مصر
فى المقابل أستحاله تلاقى شاب يمتلك هذه الأنواع و ميكونش مبهدلها و مطلع .............. طبعا أنت عارف الباقى
و كل ما الموديل بيقدم كل ما قطع الغيار سعرها بيزيد و فى نفس الوقت بيدوخ شوية
لكن برضة الجديد بيكون أسهل فى الكشف عليها و أكتشاف العيوب بسرعة و قطع الغيار المنتشرة أكتر و إعادة بيع كويسة و هتلاقى حاجات كتيرة أستعمالها نضيف
فأنت يا أما بالحظ تقع فى حاجة يابانى محترمة , يا أما تعمل زى باقى الشعب و تشترى دماغك بالجديد
كوري جديد افضل من ياباني قديم
اركب بيجو 605 موديلات أخر التسعينات برقبة الحاجات دى
شكرا ليكم كلكم , ردودكم كلها جميله , انا فعلا هدي لنفسي مده شهر لو لاقيت ياباني (سيفيك) بحاله كويسه هيبقي علي البركه , لو مالقيتش في الفتره دي هروح للفيرنا , انا بس كنت قلقان من الكوري لان هسافر بالعربيه من القاهره للاسكندريه كل اسبوع فاكنت محتاج حاجه تستحمل و ثابته علي الطريق
مانوله (شكلك مش سهله) :)
نصيحة لو عايز حاجة محترمة و تنساها تويتا كرولا 1995 و انسي حاجة اسمها اعطال معانا فوق السنتين عمرها ماوقفت علي اي حاجة غير انها لازقة في الارض علي السفر تحس انها فرشة كدة علي الارض وواسعة و مريحة وقطع غيارها موجودة و سعرها مناسب و ابعد عن الهوندا قطع غيارة ناااااااااااااااااااااااا اااااار ولو عايز حاجة من الاخر اركب مازدا 323 موديل 1997 هتلاقيها نضيفة في حدود 42 و انسي اي عربية تانية اليباني لا يعلي علية و اسال مجرب
انا زيك فى نفس الموقف بس انا شايف ان الهوندا احسن من الكورى و ممكن تشوف عربيه سيفيك من 92 ل 95 اهم حاجه دواخل فبريكه و مش مهم الموتور لو تعبا ن نزل من ثمن العربيه قيمه الموتور و اشترى موتور استيراد ال V-Tec ال 1500 cc هيعمل بالفتيس حوالى من 3000 الى 3500 و لو بالتغذيه هيبقى ب 4000 تقريبا