الموضوع: مشكلة فى فتيس السيراتو

المشاركة الأصلية كتبت بواسطة moha4tec

ربنا معاك و يصلح حال التوكيلات عندك
لازم تغير زيت فتيس كامل ضرورى جدا . دا على الاقل
و كمان فى ناس كتير بتشتكى من توكيل كيا الجبر اللى فى السعوديه .
معلش ابقى روح اى توكيل تانى غيره و احجز قبل ما تروح بالتليفون و ربنا معاك و يصبرك
500 كم سواقه كل يوم .دا غير الشغل ؟؟؟؟؟؟؟؟؟؟؟؟؟ مجهود جبار ربنا يقويك بصراحه فيها تعب جامد اوى .
نصيحه لازم تلعب اى رياضه 5 او 10 دقايق يوميا تجنبا لبعض الامراض من كتر الجلوس و حفاظا على ظهرك .

جزاك الله خيرا اخى الكريم
وانا بدور فعلا على ورشة تكون محترمه فى جده وربنا يسهل
اشكرك جدا وبالتوفيق ...

المشاركة الأصلية كتبت بواسطة sa7fe

جزاك الله خيرا اخى الكريم
وانا بدور فعلا على ورشة تكون محترمه فى جده وربنا يسهل
اشكرك جدا وبالتوفيق ...

غالبا انشاء الله المشكلة هتتحل مع تغيير زيت الجير بوكس و على فكره ده اثبات ان السيراتو عربية اعتماديه و تتحمل الخدمة الشاقه انا شخصيا متعجب ان فى سنه واحده تعمل 120 الف كيلو من غير صيانات انا بخاف اعدى بيها ال 20 الف كيلو فى السنه عشان متتبهدلش من فى خمس سنين لحد ما بيعها لكن كده شكلى هدوس ولا يهمنى

ربنا معاك و تلاقى توكيل محترم و تعمل فى الصيانة و ياريت تبقى تطمنا ضرورى اوى علشلن فعلا زى ما الاعضاء الكرام بيقولو بجد فعلا دى كدة عربية اعتمادية من الدرجة الاولى يعنى لو المانى و الله كانت وقفت بيك و الله و انا عارف انا بقولك اية فا كده ربنا يباركلك فيها و يكفيك شرها بس اهم حاجة الصيانة فورا و شكرا بالتوفيق يا مان

انا سعيد بمشاركتكم جدا وبشكركم وربنا يوفقكم ويوفق المنتدى

بخصوص المنتدى انا طبعا مشترك فى منتدى عربى تانى ودا من قبل ما اشترى السيراتو ، استفدت هناك كتير بخصوص الاسعار
لكن بخصوص الصيانه وقطع الغيار هنا افضل بكتير ،، ماشاء الله عليكم خبرتكم اعلى بكتير...

بخصوص زيت الجير بوكس ، انا اشتريت زيت من الوكاله اربع علب ودورت على ميكانيكى مصرى
وفعلا المشكله طلعت من الزيت القديم
بس وقتها وقعت فى مشكله تانيه
الزيت اللى خدتو من الوكاله طلع للاوتوماتيك
فضطريت اشترى من محل عادى جنب الميكانيكى زيت مكتوب عليه جير بوكس 90 علبه اربعه ليتر شكلها شوارع مش زى علب الوكاله
معرفش بقا دا كويس ولا لا
المهم الجير نعم اكتر من الاول ومقفش تانى.. والحمد لله..

ان شاء الله يومين وهروح اغير رومان بلى امامى وبوجيهات والسير
والله المستعان...

المشاركة الأصلية كتبت بواسطة temo85

غالبا إن شاء الله المشكلة هتتحل مع تغيير زيت الجير بوكس و على فكره ده اثبات ان السيراتو عربية اعتماديه و تتحمل الخدمة الشاقه انا شخصيا متعجب ان فى سنه واحده تعمل 120 الف كيلو من غير صيانات انا بخاف اعدى بيها ال 20 الف كيلو فى السنه عشان متتبهدلش من فى خمس سنين لحد ما بيعها لكن كده شكلى هدوس ولا يهمنى

طبعا دوس ولا يهمك طالما انت بتحافظ عليها وبتعمل الصيانه فى وقتها دوس
بس على فكره السيراتو عملت 102 الف كيلو متر مش 120

بس اوعدك انها قبل العيد هتكون عملتهم هههههههههه ان شاء الله..

وطبعا انا شايف ان السيراتو كويسه جدا وفضلتها عن الالنترا واليارس

وللعلم لما اشتريتها اتفاجات بموزع كيا بيسألنى ليه المصريين معجبين اوى كدا بالسيراتو
المفاجاه مش فى سؤاله
المفاجاه انى مكنتش اعرف ان السيراتو منتشره فى مصر ومحبوبه جدا..

وانا شايف ان نقظة ضعف السيراتو فى المساعدين الامامى والعزل ضعيف شويه ..

المشاركة الأصلية كتبت بواسطة timtim77

الموضوع ممكن يساعدك يا باشا
http://www.nilemotors.net/nile/287446-a.html

شكرا ليك واكيد الموضوع دا احسن موضوع شوفتو عن السيراتو