الوالد عمل عملية تغيير مفصل الحوض و محتاج الاتي
كرسي عالي (مخروم) للتواليت ....... عشان ممنوع يبقى قاعد على كرسي واطي و محمل على الورك
مبولة
الخ
فيه محل قريب مدينة نصر ؟
عرض للطباعة
الوالد عمل عملية تغيير مفصل الحوض و محتاج الاتي
كرسي عالي (مخروم) للتواليت ....... عشان ممنوع يبقى قاعد على كرسي واطي و محمل على الورك
مبولة
الخ
فيه محل قريب مدينة نصر ؟
شفاه الله وعافاه
المحلات الكبيرة فى شارع الساحه فى باب اللوق
امام ملابس الاهرام والبنك الاهلى
فى حوالى 20 محل واغلبهم مصانع
فى المصرى والمستورد
وجميع المقاسات علشان تختار المناسب لحجمه
وان شاء الله ربنا يتم شفاه
لو مش عارف المكان ممكن تكلمنى اوصفلك
01001154220
الف سلامه علي الحاج .. وان شاء الله يقوم بالسلامه
حضرتك ممكن تنزل ناحيه القصر العيني هتلاقي محلات وشركات كتير جدا
خاصه بالادوات الطبيه والاجهزه وهتلاقي كذا نوع من الكرسي اللي حضرتك طالبه
في نوع به فتحه في قاعده الكرسي بتتشال وبيكون تحتها مكان مخصص للتواليت
وده افضل لانه بيستعمل كرسي متحرك عادي ووقت التواليت يركب له الجزء الخاص بيه ويتشال مكان الفتحه من قاعده الكرسي
وفي نوع اخر ممكن يتحرك بيه ويروح بيه التواليت وبيدخل فوق منه ويستعمل التواليت العادي
حضرتك ممكن تنزل تاخد فكره وتجيب الافضل ليه ان شاء الله
وان شاء الله يقوم بالسلامه ..
المحلات اغلبها فى شارع الساحه فى وسط البلد .... عند بتوع البدل وانت جاى من شارع شريف بعد ما تعدى قصر النيل هتلاقى ملابس الاهرام على اليمين و صيدلية دلمار على الشمال تخش شمال ( الصيدليه تكون على يمينك بعد ما تلف) و هتلاقى المحلات فى كل حته هناك و لو هتيجى بالمترو انزل محطة نجيب و امشى فى اتجاه ميدان مصطفى كامل شارع الساحه اول تقاطع و اغلب المحلات هتلاقيها فى الشمال
المكان القريب من مدينة نصر مصنع الاجهزه التعويضيه بتاع الجيش فى الوفاء و الامل ... هتروح و تشوف الموجود ولو اللى عايزه مش موجود ممكن تطلبهوبالمقاسات اللى انت عايزها ... كان نفسى اخدمك بحد معرفه هناك بس الله يرحمه من كام شهر و الف سلامه على الوالد
ان شاء الله يقوم بالسلامه
انا اشتريت الكرسى دا قبل كدا من شارع القصر العينى تقريبا كام ب 180 او 280 مش فاكر وهو كرسى متحرك وبيستخدمه فى الحمام برضوا
انا الكرسى لسه موجود عندى لو عايزه انا تحت امرك هو حالته كويسه لحد ما بس ظهره فى جزء مقطوع لو انت عايزه تحت امرك ومش مطلوب غير الدعاء
الف سلامة على الوالد، فى محل كنت بشوفه فى مدينة نصر فى الحى السادس قبل جامع يوسف مال الله ومجمع مدارس الملك فهد قصاد سور المدينة الجامعية بتاعة الازهر، هيبقى على يمينك وانت رايح شارع مصطفى النحاس عنده كل الاجهزة التعويضية وان شاء الله تجد ما تبحث عنه، وربنا يشفى السيد الوالد شفاء لا يغادر سقما
شارع الطيران مدينة نصر ، شركه الجمهورية
فيه مصري و فيه مستورد
الف سلامة على الوالد
شفاه الله وعفاه ياحج احمد
والدي لما عمل عمليه الغضروف وكان مركب شرايح ومسامير كان في نجار قريبنا قام مظبطله كرسي في الأنجاز عايش حياته بيه دلوقتي :)