أشحن التكييف فين

**nour** · 06-07-2008 07:02 PM

أنا عربيتي هيونداي اكسيل
يا ريت حد يدلني على واحد كويس أشحن عنده التكييف علما بأني زودت فريون من شهر بس ضعف التبريد بعد فترة

**WalidAdel** · 07-07-2008 01:56 AM

اولا اذكر حضرتك اقرب مكان ليك فين او ساكن فين و منها حتلاقي اللي ساكن في نفس المنطقه او يعرف حد قريب منك حيقولك علطول

**eldeplomasy** · 12-07-2008 03:40 AM

طيب عندي في الشاهين التكييف بيبقى فووووووووووووووووووق الممتاز مليون مرة بالليل مهما كان في رطوبة بالليل ومهما كان العدد داخل العربية لكن بالنهار بيبقى كويس شغال

اقدر اعرف ليه مع العلم انيه كان فضي ورحت عند واحد حيوان زودلي الشحن من غير ما يعمل فاكيوم وبالتالي الضغوط مضبوطة لكن في العين السحرية بتاعة الثلاجة في رغاوي كتير؟؟؟

وساكن فيصل

**sab3aawy** · 12-07-2008 12:10 PM

المشاركة الأصلية كتبت بواسطة eldeplomasy

طيب عندي في الشاهين التكييف بيبقى فووووووووووووووووووق الممتاز مليون مرة بالليل مهما كان في رطوبة بالليل ومهما كان العدد داخل العربية لكن بالنهار بيبقى كويس شغال

اقدر اعرف ليه مع العلم انيه كان فضي ورحت عند واحد حيوان زودلي الشحن من غير ما يعمل فاكيوم وبالتالي الضغوط مضبوطة لكن في العين السحرية بتاعة الثلاجة في رغاوي كتير؟؟؟

وساكن فيصل

اولا انت محتاج اعادة شحن

اما بالنسبة للنهار والشمس فاقترح عيك تستعمل الستاير اللى بتلزق بشفاكة مطاط على الازاز، انا كنت حاططهم فى الشاهين طول الوقت فى الصيف، علشان زجاج الشاهين 1400 ابيض مش واخد سنة اخضر زى باقى العربيات فبينفذ اشعة الشمس كلها

**sab3aawy** · 12-07-2008 12:11 PM

المشاركة الأصلية كتبت بواسطة nour

أنا عربيتي هيونداي اكسيل
يا ريت حد يدلني على واحد كويس أشحن عنده التكييف علما بأني زودت فريون من شهر بس ضعف التبريد بعد فترة

طالما شحنت وفضى يبقى اكشف على التسرب من الخارطين او الوصلات الأول

انا اللى عارفه فى مصر الجيدية لو المشوار مش بعيد عليك قول لى وانا اقول لك مكانه

**eldeplomasy** · 12-07-2008 02:54 PM

قول مكانه طبعا وهروحله حتى لو بعيد وبالنسبة للزجاج فعندي العربية موديل 2006 والزجاج ملون وبالنسبة لمشكلة الهواء انه مش بيبقى ساقع الصبح فالهوا نفسه بيبقى طالع عادي مش متلج واعتقد ان دي مشكلة تكييف مش مشكلة زجاج

**MMamdouh** · 13-07-2008 11:04 AM

المراكبى: جسر السويس اما بوابة 5 لنادى الشمس
كار كوندشن: خلف السوق الحرة - جامعة الدول

MMamdouh

**Adham** · 13-07-2008 12:09 PM

المشاركة الأصلية كتبت بواسطة MMamdouh

المراكبى: جسر السويس اما بوابة 5 لنادى الشمس
كار كوندشن: خلف السوق الحرة - جامعة الدول

MMamdouh

المراكب دة اكبر حرامي و نصاب

مرة رحت لة من سنة و نص تقريبا او سنتين علشان عربيتي الهوندا و مشيت من عندة لأنة مغلواني جدا و بتاع اشتغالات و عاوز يعمل اي مصلحه و اي شغل و السلام

انا دلوقتي باتعامل مع واحد في مدينة نصر اسمة أيمن (أيركار) و دة قدام باب مدرسة رفاعه الطهطاوي اللي قدام المنهل على مصطفى النحاس الناحية التانية
بصراحه أمين جدا و شغلة نضيف قوي و فاهم قوي قوي و عندة جهاز مخصوص لتنضيف دورة الفريون و سحب الرطوبة منها

و فية واحد تاني كويس اسمة مؤمن و المحل اسة السحار دة وراء مصر و السودان اللي في شارع الطيران برضة كويسين وفاهمين و محترمين و مش بتوع اشغالات بس اغلى من أيمن شوية