الموضوع: التكييف عطل فجاءة

السلام عليكم و رحمه الله و بركاته

النهاردة الصبح كنت مشغل التكييف عادي و زي الفل , جيت بعد الظهر رايح مشوار وبشغل التكييف لقيته لا حس ولا خبر مفيش كهرباء وصلاله , اللمبه الصغيرة اللي على زرار ac مش منورة والمفتاح اللي بيغير درجة التكييف من 1 الى 4 مش شغاله والتكيف واقف خالص , بصيت على الفيوزات لقيتها شغاله تمام , رحت وديت العربية على كهربائي بس بجد باين عليه شاطر اوي في كهربة اللانوس , كشف على العربية وقالي المشكلة من مفتاح التكييف نفسه اللي بيغير درجات المروحة , بعدها فك التكييف وفك الوايرات اللي راكبه عليه بمنتهى السهولة والبساطة وطلع وش التكييف كله وفضل ينظف فيه لقيت كيمه اتربه وراه مهولة , وبالمرة غيرت اللمض بتاعته وخليتها باللون البرتقالي وركب تاني التكييف لقيته بقى زي الفل والاضاءة اتغيرت بقت اجمل من اللون الاخضر .

وفي الاخر اخد مني 30 جنيه .

الكهربائي ده فيييييييييييييييييييييييي ين؟؟؟