الموضوع: تجديد الرخصة والفحص الفني للماروتي

طبعا زى ما قال الاستاذ عمرو يفضل الحل الاول - و لكن غالبا لا يفلح الا لو فى تفاهم بين الطرفين - التوكيل لا يلغى المخالفات و انما البيع بالشهر العقارى يمكن تلافى المخالفات السابقة للماك الاول و ذلك باحضار شهادة بيانات تثبت تاريخ نقل الملكية للمالك الجديد و ما يسبقة من مخالفات تكون للماك الاصلى - بخصوص الرخصة و التجديد و البيع لو ناوية تبيعى العربية يبقى تبيعى قبل انتهاء الرخصة بموجب التوكيل اللى معاكى طبعا بعد حل موضوع المخالفات لان الشارى عاوز شهادة براءة ذمة من النيابة - لو مش هتبيعى و واضح من كلامك انك ماشية بالرخصة لان كان فيها مدة لسة على ما تنتهى - عموما موضوع الرخصة و النمر دا بيمشى طبقا للعنوان المكتوب فى البطاقة لو انتى تبع فيصل هتعملى فحص عادى هناك و تغير النمر مش متاكد بس اللى اعرفة ان كل مرور لة احرف معينة فيمكن تغيرى نمر عادى و تامين اللوحات 70ج بس دا فى حالة انك هتبيعى لنفسك العربية هتروحى فيصل اما لو برضوا هتخللى الرخصة باسم المالك الاول يبقى هتروحى مرور بين السرايات و تجددى الرخصة من هناك بموجب التوكيل ما لم يكون مكتوب فى التوكيل لا تجدد الرخصة يبقى لازم تبيعى لنفسك الاول فى الشهر العقارى و هتروحى على فيصل - لو اى حاجة مش واضحة اسالى

المشاركة الأصلية كتبت بواسطة axel

هدي لحضرتك مثل
لو رخصة حضرتك رخصة القيادة مثلا طالعة ع عنوان البطاقة و البطاقة عين شمس لكن حضرتك غيرت سكنك و غيرت العنوان في البطاقة و خليته م.نصر لكن مغيرتش في الرخصة اذن الرخصة لاغية لازم تروح تعلم المرور بانك غيرت و تطلع رخصة من المكان اللي بقيت تابع ليه اخدت بالك ؟ لأن الرخصة لما بتقدم عليها بتقدم عليها طبقا لعنوانك و المكتوب في البطاقة اكيد مش هتكون ساكن في المطرية و تقول اروح اطلع الرخصة من مرور م.نصر :)

غير صحيح اقولك لية - اى لجنة بتشوف رخصة القيادة و رخصة العربية مش البطاقة دى حاجة المهم تطابق الاسماء و صورة رخصة القيادة و ارقام و لون و و ماركة العربية - تانى حاجة لو لقدر الله كان فى مشكلة و هتروح القسم بياخدوا بيانات البطاقة و ليس بيانات الرخص العنوان يعنى - فى التجديد طبيعى لازم هتروح على المرور التابع لية العنوان الجديد

المشاركة الأصلية كتبت بواسطة amrspeed

لو معاك شهاده بيانات متقلقش
بتقدمها وبيحولو المخالفات على اللى انت شارى منه
لكن لو مكنش عاملك شهاده المخالفات دى كنت انت اللى هتشيل الفلوس دى

مينفعش الحل دا لان شهادة البيانات هتصلع برضوا باسم المالك الاصلى و ليس الشارية لان البيع تم بتوكيل و ليس شهر عقارى