بخصوص المخالفات ديه تقريبا مخالفات المالك السابق لأن احيانا المخالفات بتتأخر لما تنزل و بتيجي فوق دماغ المالك الجديد فالحل ياما تروحي المرور و تشوفي المسئول او نيابة المرور و تثبتي بالاوراق ان المخالفات ديه للمالك السابق و لو معاكي صورة بطاقته المالك السابق او بيانات يجيبوه و يدفع اما لو الحل ده منفعش اذن مفيش غير انك تدفعي و ممكن تعملي تظلم و يقللوها و يبقي فيه رأفة لكن المفروض الحل الأول ينجح ان شاء الله
بخصوص ان العربية توكيل فقط ده اكبر غلط انك محولتهاش باسمك اعتقد دلوقتي في الشهر العقاري لو جيتي تبيعي و الشخص هينقلها تقريبا بيطلبوا حضور الموكل للتأكد من انه ع قيد الحياة لأن زي ما احنا عارفيين التوكيل بيكون لاغي بمجرد وفاة احد الطرفيين معرفش لسه شغالين ع النظام ده و لا لأ
بخصوص رخصتك و رخصة العربية قانونا لو عنوانك في البطاقة و مكان اقامتك غير مكان اللي مكتوب في الرخصة او طالع في الرخصة تابعة لادارة مختلفة اذن الرخصة ديه غير صالحة ديه نقطة ناس كتيير ميعرفوهاش
و التجديد و الفحص كل اللي فيها نفس خطوات تجديد الرخصة السنوية لكن زيادة عليهم الفحص و هو ان المهندس بيشوف العربية و يتأكد انها سليمة و الانوار شغالة كلها من الاخر امن و متانة للعربية و وجود طفاية صالحة للاستخدام و المثلث العاكس و شنطة الاسعافات الأولية
المفضلات