العربية وطيت 2 سم فية مشكلة !

السلام عليكم ..


جبت 2 كاوتش جداد من برا مصر تويو ..

وطلعوا



195/55/r15 المفروض يبقوا 195/60 r 15



دلوقتي العربية وطيت 2 سم فية مشاكل ولا اية ..


ومشيت بيهم 8 كيلوا احاول ابيعهم ولا اية ؟

ولو جبت 2 جداد اجيب نفس المقاس علشان اوحد مقاس العربية ولا اية !

http://imageshack.us/scaled/landing/254/41622407.jpg

2 سم؟ انا عارف انها هتبقى اقل من كدة بكتير ياباشا

على فكره العربيه عندك وطيت -0.975 بس مش اكتر يعنى حوالى واحد سنتى بس مش 2 واعتقد الموضوع بسيط بس المشكله ان ال 4 عجلات مش ذى بعض ومعرفش هل عادى ولا فيها مشكله

انا كنت في بريدجستون .. والراجل عقدني في حياتي والله


بيقولي استني اشوف علي الكمبيوتر شاف لقاها وطيت 2 سم ومسموح 1ونص بس .. والعفشة وهاتخبط ومش عارف اية !

وبعدها قالي الجنط عايز يستعدل .. والاربع فرد مش زي بعد .. وكنت ناوي ارصص واظبط زوايا واظبط الاداء احبطني وماعملتش اي حاجة :((

روح عند حد تانى او فرع تانى من بريدجستون و ما تفتحش سيره اللى التانى قالهولك نهائى و شوف ايه رأيه و كويس انك ما عملتش حاجه عند اللى قالك الكلام المريب ده. واضح انه عايزك تندم على قرارك و خلاص و بعدين ببساطه تقدر تركب حد معاك ورا و تشوف العربيه هتحك و لا لأ مع الوزن و لو أنى اعتقد ان الموضوع آخره ا سم مش اتنين و لا حاجه و لو عايز تريح دماغك حاول تبادلهم عند بتاع الكاوتش بالمقاس بتاعك و تدفع فرق و المفروض انه مش هيبقى كبير علشان ال ٤ فرد يبقوا زى بعض و ده الافضل بس اسأل قبل ما تقوله على حكايه البدل على سعر الجديد و سعر المستعمل استعمال خفيف جدا كام علشان ما يفطس السعر بتاع الكاوتش بتاعك او يعلى سعر الجديد عليك

المشكلة اني مستحرم اجيب مستعمل وابيع الفرد برخص التراب الفردتيين عند غطاطي عاملين 1080 ج :(

------


كنت ناوي اجيب 2 كمان نفس النقشة .. وكدا بس محتار اجيبهم نفس المقاس ولا المقاس الاصلي للعربية ..

معلش بس المفروض يكون الكاوتش مقاسه موحد وده في عربيتي ايبيزا 99 في عربيات تانية بيديك مقاسين مختلفين للي وراء واللي قدام.....ربنا ييسرلك

ماهو انا ان شاء الله هاجيب نفس المقاس ونفس النقشة بس اشوف حل المشكلة دي :)

الفرق 2 سم فى طول الفرده الاجمالى , لكن ارتفاع العربيه بيتأثر بنص المسافه , يعنى حوالى 1 سم

المشكله مش فى ال 1 سم لو العربيه كلها ارتفاع واحد , لكن فى حالتك مش عارف الضرر هايبقى فين

نصيحه انزل هات فردتين زيهم نفس المقاس عشان العربيه كلها تبقى ارتفاع واحد

وخلى بالك وانت ماشى من المطبات والحفر لان ال 1 سم مش قليل وممكن يضايقك

يعني حضرتك شايف ان مافيش مشكلة لو جبت نفس المقاس الي عندي والاربعة يبقوا واحد ..

اقتباس:

---

المشاركة الأصلية كتبت بواسطة nistelrooy

يعني حضرتك شايف ان مافيش مشكلة لو جبت نفس المقاس الي عندي والاربعة يبقوا واحد ..

---

اصل انت خلاص اشتريت , حرام اقولك بيعهم واشترى 4 جداد نفس المقاس الاصلى بتاعك 195/60

فدلوقتى مفيش حل غير انك تجيب اتنين كمان 195/55 عشان يبقى كله زى بعضه

العيوب ان العربيه هاتبقى اوطى فلو انت متعود تعدى مطبات معينه لازم تاخد بالك ان العربيه بقت اوطى واصلا الجين مش عاليه ف ال 1 سم هايأثر , غير ان العربيه هاتبقى انشفه شويه عشان الكاوتش بقى ارفع من 60 ل 55 , وهايبقى فى فرق فى قراية العداد يعنى وانت ماشى 100 العداد هايبقى 103

الحسنه الوحيده ان العربيه هاتبقى اثبت

هيبقى في فرق بتاع 3 km ,في قرايات عداد السرعة

مش كتير ,بس خد بالك

شكرا جزيلا :)

طمنتني ...

---

بس في حاجة كمان كنت حاسس لما ادوس فرامل اول ما ركبت الكاوتش ان بحس بالعجلة يعني بحس ان البدال بيطلع وينزل حاجة بسيطة كنت حاسس بالكاوتش ...


مع العلم ان الفرديتين الجداد مركبهم قدام ..

اقتباس:

---

المشاركة الأصلية كتبت بواسطة nistelrooy

شكرا جزيلا :)

طمنتني ...

---

بس في حاجة كمان كنت حاسس لما ادوس فرامل اول ما ركبت الكاوتش ان بحس بالعجلة يعني بحس ان البدال بيطلع وينزل حاجة بسيطة كنت حاسس بالكاوتش ...


مع العلم ان الفرديتين الجداد مركبهم قدام ..

---

بصراحه معرفش دا ليه علاقه باختلاف مقاس الكاوتش ولا لأ

عموما بدام القرايات بتطلع أعلى من الحقيقي دي حاجة كويسة عشان الرادارات ,المشكلة لو فرق كبير

ممكن على فكرة تتظبط فالتوكيل أو بره بس محتاجة حد فاهم ;)

اقتباس:

---

المشاركة الأصلية كتبت بواسطة ahmed-adel

العكس بقى يا حسام بيه :)

when your speedo reads 60 mph,you are actually travelling at 58.1 mph
يعني لو العداد 100 km/hr إنت ماشي 97

speedometer is faster by 3.2%
دي معناها إن قرايات العداد في حالة الكاوتش الجديد بتبقى اسرع من الحقيقي

هي تلخبط شوية :)

عموما بدام القرايات بتطلع أعلى من الحقيقي دي حاجة كويسة عشان الرادارات

---

ماهو دا نفس اللى انا قولته بس بطريقه تانيه :)

انت بتقول وانا ماشى 97 العداد يقرا 100 , وانا قولت وانت ماشى 100 العداد هايقرا 103 :)

الفرق 3 كم اسرع , وال 3 كم مش رقم ثابت على كل السرعات لانها نسبه , يعنى مثلا وانت ماشى 50 العداد هايكتب 51.5

عموما الفرق بسيط

طيب حاول تبدلهم بحاجة جديدة نفس المقاس الاصلي وادفع فرق ولو بسيط
يااما هات ورا مقاس 205-55 بس انا مبرجحش الفكرة دي

انا هجيب الي ورا نفس المقاس وخلاص بقي :)

اقتباس:

---

المشاركة الأصلية كتبت بواسطة nistelrooy

انا هجيب الي ورا نفس المقاس وخلاص بقي :)

---

طيب ما قبل ما تشترى اسأل لو عملت قصه البدل بالمقاس الاصلى هتدفع كام فرق خاصه و العجل لسه زيرو و بناء عليه قرر. يعنى لو مبلغ قليل يبقى ادفعه و هات المقاس الأصلى و ما تدخلش فى قصه انخفاض العربيه و الحك فى المطبات من الأساس و بكده تبقى اشتريت راحه بالك بالفرق ده و ممكن تفاصل مع الراجل لما تجيب اخره لتقليل الفارق اقل ما يمكن و لو الفرق كان لسه كبير أبقى ساعتها نزل المقاس كله ٥٥ و خلاص. يعنى بس اعرف من الاخر الفرق هيبقى كام و ده علشان لو بعد ما غيرت الاربع فرد و لقيت مشكله لا قدر الله ساعتها هتضطر تغير ال ٤ فرد المره دى مش اتنين بس و ممكن تعمل اعلان عن بيع الفردتين فى المنتدى هنا و فى مواقع تانيه و تكتب حالتهم و تشوف يجيبوا كام للى محتاجهم و تاخد الفلوس تجيب بيها المقاس بتاعك يعنى فى حلول كتير و ما تتسرعش

خلا بفكر ابيعهم علي المنتدي هنا وانا وحظي :)

هاعمل موضوع ..

اقتباس:

---

المشاركة الأصلية كتبت بواسطة nistelrooy

خلا بفكر ابيعهم علي المنتدي هنا وانا وحظي :)

هاعمل موضوع ..

---

تمام كده. لو جابوا لحضرتك سعر حلو يبقى توكل على الله و بيعهم و هات المقاس بتاعك و بالتوفيق لما فيه الخير

اقتباس:

---

المشاركة الأصلية كتبت بواسطة hosam_optrawy

ماهو دا نفس اللى انا قولته بس بطريقه تانيه :)

انت بتقول وانا ماشى 97 العداد يقرا 100 , وانا قولت وانت ماشى 100 العداد هايقرا 103 :)

الفرق 3 كم اسرع , وال 3 كم مش رقم ثابت على كل السرعات لانها نسبه , يعنى مثلا وانت ماشى 50 العداد هايكتب 51.5

عموما الفرق بسيط

---

حصل خير يا باشا :)

دي مشاركة ممسوحة أصلا ,أنا مسحتها لما اخدت بالي
جبتها منين :)

اقتباس:

---

المشاركة الأصلية كتبت بواسطة ahmed-adel

حصل خير يا باشا :)

دي مشاركة ممسوحة أصلا ,أنا مسحتها لما اخدت بالي
جبتها منين :)

---

انا شوفت المشاركه اول ما انت كتبتها ودوست اقتباس قبل ما انت تعدلها تقريبا

حصل خير ياكبير :)