مفاجاة من العيار الثقيل عفشة السيراتو 2013 اتغيرت

**temo85** · 15-10-2012 01:26 AM

الله ينور عليك يا محمد

**Formulator** · 15-10-2012 01:58 AM

المشاركة الأصلية كتبت بواسطة yasserelsayad

اتركب فيها فعلا دمبرات اطول بحاجة بسيطة فى الخلف زى بتوع الالنترا
فرق النعومة باين بين العربيات السيراتو اللى سوقتها من 2012 وبين عربيتى
وباردوا فرق الجنط .. كله دلوقتى 16 بس مفيش 17
بس فيه drawback بقى
ان ضهر العربية دلوقتى بقى عامل زى الالنترا كدا لما تاخد مطب هوا
الضهر بيقعد ينزل ويطلع كذا مرا .. عكس الـ 2010 و2011

أساسى الإلنترا أنعم بكتييييييييييير لما سوقتها،
ههههههههههههههه
بس فعلا بتتنطط والضهر بيلعب

لو اتعاملت معاها hard فـ السواقة؟!!
(فكرتنى بالنيو-أكسنت بالضبط وشنطتها بتنط فـ مطبات الهواء)!! ههههههههههههههه

شوف يا ياسر
هو قد يكون حل مشكلة.. طلعتله مشكلة تانى!!

دلوقتى الدامبرات بقى الـCompression/Re-bound بتاعها بقى بـrate سريع (المساعد بينطر-بيفك من الضغطة بسرعة)

دى تغيير السوست ممكن يقللها شوية؟!!

- لو ماضبطتش معاهم.. يبقى هو الـSetup يامعلم - تصميم التورشن ككل- زى ماتقال من الأول خالص
(لأن المفروض انك -كـ صانع- بتتحكم فـ النشوفية والنعومة والحاجات دى بالسوست والدامبرات)!!

المشاركة الأصلية كتبت بواسطة ابو ليلى

اهلا بيك يا مصطفى وليك وحشة كبيرة
طب حد يفهمنى البار اللى موجود بالعرض ده لزمته ايه ؟

ربنا يخليك يابوليلى يا كبير الكياوية -واحشنى جدا

هو مفيش بار يابوليلى؟؟؟!!
القنطرة-الدنجل اللى راكب عليه المساعدين والسوست ده هو الـTorsion-beam
(بتبقى زى ماسورة بالعرض كده.. بس مش مقفولة- مش كاملة الإسطوانية/ مفتوحة كده).

بص
جواها فيه بار -بار حديد بقى، ماشى بالعرض (بطول التورشن)
- ده Stabilizer-bar خلفى، بيبقى built-in فـ السيراتو والإلنترا الجديدة: ملحوم فـ القنطرة/الدنجل من النص بالضبط!
(أعتقد عشان كده الـsetup الغريب ده بيقولوا عليه Coupled Torsion-beam Axle)

الصراحة فـ العربيات التانية (الأوروبى تحديدا) البار دى بيبقى Free-Link كده!!!
يعنى ليه جزء من حرية-الحركة بعرض العربية (مش ملحوم فـ التورشن، لكن متثبت من الطرفين)؟؟!!
ودا فرق واضح أوى- معرفش ليـــــــــــه؟؟
وأعتقد انهم بيقولوا عليها -فـ الأوروبى- Semi-independent صريحة كده؟!!

والله أعلم،

**moha4tec** · 15-10-2012 10:39 PM

المشاركة الأصلية كتبت بواسطة temo85

الله ينور عليك يا محمد

الله يكرمك يا كبير .
و بعض مما عندكم يا معلم
انت مدرسه خصوصا فى الميكانيكا

**moha4tec** · 17-10-2012 01:16 AM

المشاركة الأصلية كتبت بواسطة formulator

أساسى الإلنترا أنعم بكتييييييييييير لما سوقتها،
ههههههههههههههه

تمام مظبوط يا استاذ مصطفى .

بس فعلا بتتنطط والضهر بيلعب

لو اتعاملت معاها hard فـ السواقة؟!!
+11111111111111

(فكرتنى بالنيو-أكسنت بالضبط وشنطتها بتنط فـ مطبات الهواء)!! ههههههههههههههه

بالنسبه للاكسنت ال RB مشكلتها اتحلت مجانا و تم استبدال مساعدينها الخلفيين باخرين اقوى و انشف حاجه بسيه و مساعدى خدمه شاقه .و كبار و محملين فى الخامه عن اللى كان فى الفبريكه .
و الدليل الموضوع ده . و مشكلة التنطيط انتهت منها بسبب المساعدين الجداد .الحمد لله
http://www.nilemotors.net/Nile/30951...mation-rb.html
و الثبات زاد و العربيه نشفت حاجه لا تذكر

شوف يا ياسر
هو قد يكون حل مشكلة.. طلعتله مشكلة تانى!!

معاك حق فعلا .بس ممكن المشكله دى تتحل زى موضوع الاكسنت ال RB و نركب مساعدين معدلين خلفيين للالنترا و السيراتو .لانهم نفس ال SETUP فتقريبا هيبا نفس التاثير و النتيجه بعد التغيير .
و الله اعلم

دلوقتى الدامبرات بقى الـCompression/Re-bound بتاعها بقى بـrate سريع (المساعد بينطر-بيفك من الضغطة بسرعة)

دى تغيير السوست ممكن يقللها شوية؟!!

تغيير سوست و مساعدين .
مساعدين نشفين و خامتهم محمله و كبار شويه .زى مثلا ال KYB اليابانى بدل ال MONDO الكورى التعبان اللى فيها زى ما انت فهمتنى قبل كده .و معاك حق فعلا .
و السوست هتبقى قدام LINEAR وورا PROGRESSIVE .
و الله اعلم
و دى مقارنه بين السوست الاستوك و سوست اسبور معمولين ب RATE معين افضل من الاصلى , و فرق الطول و التخانات و عدد اللفات
على اليمين سوسته اسبور ماركة ايباخ و على اليمين السوست الاستوك و الاتنين للعفشه الاماميه للسيراتو .

و دى السوست الخلفيه للسيراتو اليمين ايباخ و الشامال بتوع الفبريكه

و دى بين سوستتين اسبور

و دى سوست TEIN موجوده فى التوفيقيه
و فى منها نوعين نوع سبور و نوع تانى للاستخدام ال COMFORTE داخل المدينه .
الاسبور

و ال RATES بتاعتها :

Manufacturer: TEIN
Spring Rate (F): 213lbs/in (3.8kgf/mm)
Spring Rate (R): 179lbs/in (3.2kgf/mm)
Ride Height (F): -1.2in (-31mm)
Ride Height (R): -1.6in (-41mm)

و مواصفاتها و تهبيطها

TEIN S-TECH SPRINGS
Easy suspension tuning is in your hands.
S-Tech was made so that everyone can enjoy sports driving.
Based on original specification so that the installation is easy.
High Quality Produced by TEIN As a manufacturer specialized in suspensions, TEIN does not allow room for any compromise.
Our products have achieved both low - down form and sport specification, and are loaded with technology from the sports field of N1 endurance Racing and WRC Racing.
De......ion:
TEIN S.Tech Springs are an excellent step towards suspension tuning.
They offer approximately a 1.5 inch drop for a more aggressive appearance and increased road holding capability.
Designed to be used with OEM or OEM replacement shocks.
Comes with a 1 year limited warranty, spring length is guaranteed not to sag more than 5mm, and be clear of any manufacturer defects.
Notes: STech Springs

و دى العاديه للمشى داخل المدينه و لاحظت ان عدد لفاتها اقل من الاسبور و مكتوب انها ناعمه و مريحه

- لو ماضبطتش معاهم.. يبقى هو الـSetup يامعلم - تصميم التورشن ككل- زى ماتقال من الأول خالص

هتظبط شويه بس مش نهائى .عشان تظبط نهائى و تديك ثبات جامد جدا .لازم تتعمل شدادات فى العربيه كلها .و يتم تدعيم التورشن بيم زى الصور بتاعة التورشن بيم ده

.ركز كويس على الكفة بتاعة السوسته هتلاقيها كبير و مدعمه من تحت و عامله زى كاسه فوق كاسه تانيه .مش زى اللى بتنزل فى العربيات السيراتو العاديه .
و بص هنا كمان حطين سوسته عدد لفاتها كتير جدا و قطرها صغير جدا جدا جدا . عاوز رايك بجد .عشان عاوز استفاد و مطولين القعده بتاعة السوسته و مغييرن مقاس السوسته خالص .
هههههههههه
عشان كده يا ولاد اللذينه .طيب دى مش هعرف اعملها خالص .يعنى زودوا طول السوسته و صغروا قعدتها و سقفها .........
الحته دى قفشتها بالصدفه بعد ما مققت عنيا فى كميه صور مهوله للكوبيه ال RACE لان مفيش اى صورة ليها بتوضح التعديلات بتاعة العفشه خالص.

(لأن المفروض انك -كـ صانع- بتتحكم فـ النشوفية والنعومة والحاجات دى بالسوست والدامبرات)!!

+111111111111

ربنا يخليك يابوليلى يا كبير الكياوية -واحشنى جدا

هو مفيش بار يابوليلى؟؟؟!!
القنطرة-الدنجل اللى راكب عليه المساعدين والسوست ده هو الـTorsion-beam
(بتبقى زى ماسورة بالعرض كده.. بس مش مقفولة- مش كاملة الإسطوانية/ مفتوحة كده).

بص

+111111111111111

جواها فيه بار -بار حديد بقى، ماشى بالعرض (بطول التورشن)
- ده Stabilizer-bar خلفى، بيبقى built-in فـ السيراتو والإلنترا الجديدة: ملحوم فـ القنطرة/الدنجل من النص بالضبط!

مش ملحوم بس مدعم و مسنود من النصف فقط . و دى صوره بتوضح الكلام

و دى صور من عربيتى مصورها بنفسى و بالموبايل . و الحته اللى فى النصف دى حته كوتش بتسند الاستبليزر بار فقط عشان ميروحش قدام وورا و لكن يلف عادى جدا . و بص كويس هتلاقيها كوتش و ممسوكه فى البار نفسه مش فى التورشن بيم .وواخده شكل التورشن من جوا عشان تسنده فقط .يعنى هى عمله زى الحلقه او الدبله فقط و ليست لحام نحائى .

الصوره دى توضح اكتر من اللى فاتت و فيها زوم

(أعتقد عشان كده الـsetup الغريب ده بيقولوا عليه Coupled Torsion-beam Axle)

الصراحة فـ العربيات التانية (الأوروبى تحديدا) البار دى بيبقى Free-Link كده!!!
يعنى ليه جزء من حرية-الحركة بعرض العربية (مش ملحوم فـ التورشن، لكن متثبت من الطرفين)؟؟!!
ودا فرق واضح أوى- معرفش ليـــــــــــه؟؟
وأعتقد انهم بيقولوا عليها -فـ الأوروبى- Semi-independent صريحة كده؟!!

+11111111111 مظبوط يا استاذ مصطفى

والله أعلم،

و دى صوره العفشه الخلفيه للسيراتو K3 و ركز كويس قوى فى المساعدين هتلاقيهم متغيرين عن 2010 زى اللى راكبين عندى . و انا متاكد منها بس انت نزل الصوره و كبرها .

و دى صور مساعدين استوك 2010 سيراتو +سوست اسبور ايباخ

و كمان صداده السوسته الكوتش متغيره و ممكن دى يكون ليها تاثير مع التحميل او مطبات الهوا و الله اعلم .
فى الاخر .
انا عاوز اقول لحضرتك انى عامل مجهود السنين عشان اوصل للمعلومات دى .هههههه
و بكتبها مش عشان انافسك و لا حاجه .
انا بصراحه بكتبها عشان ترد على و اكتسب منك معلومات زياده .لانى عارف انك اكثر منى علما .ربنا يزيدك و نستفاد منك .
بصراحه انا عاوز اتعلم منك شوية حجات زياده .

و يا ريت ترد على المشاركتين اللى فى الموضوع ده .لانهم هيفرقوا معايا جدا جدا بصراحه .و هيحلوا مشكلة الكورى كله لو حطيت ايدى على اخر المشوار
انا حطيت ايدى على اول الخيط و عاوز منك تجبلى من الاخر و تفهمنى اكتر و اكتر و اكتر .
انا موضوع العفشه ده شاغل تفكيرى و بالى ليل و نهار بجد و نفسى اوصل لحل ليه بصراحه .

يا ريت تساعدنى و استفاد من علمك .

**moha4tec** · 17-10-2012 01:28 AM

Technically speaking...all springs have "progressive" rates. Progressive springs have rates that are not static (Constantly change.) Linear Springs have rates that are static (set values.)

Progressive = Less predictable, will handle differently in 2 different situations, mainly suitable for street application. Can respond very sensitively to small bumps, but can respond aggressively when pushed. (all depends on how much the springs are compressed.) Unpredictable body roll due to different spring rates at different areas....ex= Cornering: one side compresses into a stiffer spring rate, other side stays at the softer one, car tends to bounce up back to the softer rate.

Linear = Predictable, uniform handling in all situations, suitable for all applications. (Daily driving, tracking, etc. Responds to all bumps in the same way due to the coils being equally spaced. Predictable body roll, requires less counter steering....ex= Cornering: both sides of the car compress equally at the same spring rate; smoother cornering.

Preliminary Result: Progressive may be more comfortable for daily driving, but as soon as you start to hit bumps ends up becoming bouncy due to the increased spring rates forcing the springs to compress/decompress to equal heights. Linear results in good overrall usage, with smooth returns to equal heights...plus allow your shocks to work more efficiently because shocks are linear.

Some info found while researching: Eibach kits are designed with Linear front springs, and progressive rear springs. (Cause of bounce in the rear with eibachs.)
From pictures alone....Ark springs are also set up as linear front springs and progressive rear springs, spacing in the rear allows for more travel room between coils, resulting in less bounce and harder handling due to higher spring rates.(Eibachs are closely spaced resulting in coils bunching up more and less travel room between coils.)

Conclusion: Eibach and Ark springs are both linear fronts with progressive rears. Eibach will have a stiffer and bouncier ride on rougher roads, Ark will have a harder ride on rougher roads due to a higher spring rate, but smoother in the sense that you get more travel room between coils.

Sorry for the long post, just read a ton about springs when I was making my decisions...and thought it would be best if I shared. In the end it's whatever brand you choose, they're technically the same types. Just they handle a little bit differently than each other.
ده احسن تعليق شفته فى المنتدى الامريكى بيشرح الفرق بين السوستتين الاسبور للسيراتو
و الله اعلم

**Youssef.Awad** · 17-10-2012 11:10 PM

شكرا ع المعلومات .. لكن لى بعد النقاط:

1. انا فهمت من كلام ابو ليلى عن السيراتو 2013 انها الشكل الحالى وليس شكل الk3 الجديد .. مش كده؟
2. العفشة الامامية فى 99% من العربيات دلوقت بتكون ماكفرسون مستقل وبتفرق بس فى حجم ومكان وروابط المقصات مع عمود الاتزان وغيرها من الاجزاء .. يعنى اغلب الاختلاف بيكون فى التعليق الخلفى وكل شركة وخبرتها بقى
3. بالنسبة للترزيع والدبدبة فى المطبات فهو سمة فى اغلب عربيات كيا وانا معايا السبورتاج وملحوظة جدااا عندى واكتر حاجة بتضايقنى ولولا وجود اعمدة اتزان قدام وورا كان زمانها مراجيح مولد النبى فى الملفات !!!
4. موضوع مطبات الهواء ومرجحة الشنطة فى الالانترا والاكسنت واغلب الهيونداى وتلاقيها نزلت ع الارض من ورا لو حد راكب ع الكنبة وتقعد تحك طول ما انت ماشى فى مطبات المحروسة .. طبعا شىء مقرف وعالجوا العيب بعيب افدح منه !!!
5. للاسف من متابعتى لانتاج كيا فى الفترة الاخيرة وبعد ما اشتريت السبورتاج .. اكتشفت انها والحمد لله همها الاول والاخير هو تطوير الشكل والتصميمات لجذب الزبائن وزيادة المبيعات بغض النظر عن المضمون او التطوير الميكانيكى والتعديلات بتتم فى اضيق الحدود (مثال على ذلك ان اغلب مكونات السبورتاج الجيل الثالث هى هى نفس الجيل الثانى المشترك مع التوسون)!!!

**khaled_legend** · 18-10-2012 04:22 PM

خبر جميل جدا

**moha4tec** · 19-10-2012 02:41 AM

المشاركة الأصلية كتبت بواسطة Youssef.Awad

شكرا ع المعلومات .. لكن لى بعد النقاط:

1. انا فهمت من كلام ابو ليلى عن السيراتو 2013 انها الشكل الحالى وليس شكل الk3 الجديد .. مش كده؟
+11111111111
2. العفشة الامامية فى 99% من العربيات دلوقت بتكون ماكفرسون مستقل وبتفرق بس فى حجم ومكان وروابط المقصات مع عمود الاتزان وغيرها من الاجزاء .. يعنى اغلب الاختلاف بيكون فى التعليق الخلفى وكل شركة وخبرتها بقى
تقريبا الله اعلم

3. بالنسبة للترزيع والدبدبة فى المطبات فهو سمة فى اغلب عربيات كيا وانا معايا السبورتاج وملحوظة جدااا عندى واكتر حاجة بتضايقنى ولولا وجود اعمدة اتزان قدام وورا كان زمانها مراجيح مولد النبى فى الملفات !!!
و فى ماركات تانيه كمان منها البى ام (الدبدبه )

4. موضوع مطبات الهواء ومرجحة الشنطة فى الالانترا والاكسنت واغلب الهيونداى وتلاقيها نزلت ع الارض من ورا لو حد راكب ع الكنبة وتقعد تحك طول ما انت ماشى فى مطبات المحروسة .. طبعا شىء مقرف وعالجوا العيب بعيب افدح منه !!!
+1111111111
ماشى اوكى بس اظن ان المناقشه بتاعتى عشان نوصل لحل للموضوع ده و اظن خلاص انى قربت خالص باذن الله
هو بس الدقه فى اختيار المساعدين و السوست .ربنا يسهل و تخمينى و بحثى يطلع صح باذن الله

5. للاسف من متابعتى لانتاج كيا فى الفترة الاخيرة وبعد ما اشتريت السبورتاج .. اكتشفت انها والحمد لله همها الاول والاخير هو تطوير الشكل والتصميمات لجذب الزبائن وزيادة المبيعات
+111111
بغض النظر عن المضمون او التطوير الميكانيكى والتعديلات بتتم فى اضيق الحدود (مثال على ذلك ان اغلب مكونات السبورتاج الجيل الثالث هى هى نفس الجيل الثانى المشترك مع التوسون)!!!

لا مش متفق معاك
عندك مثلا غيرو الفتاس بتاع السيراتو و بقى 6 سرعات .
و السيراتو الجديده غيرو الموتور كمان و خلوه gdi 140 hp و فى عربيات نازله تيربو زى البرو سيد.و فى نظام امان و حمايه من السرقه و التتبع نازل فى كل الكيا الجديد عن طريق الستالايت .و عدلو المساعدين فى ال k3 و غيرها .
ممكن كلامك فى الماضى مظبوط بس الموديلات الجديده فيها شويه تعديلات كويسه مش بطاله .
و لكن طبعا منتظرين الافضل .
طيب و هو عفشة السبورتاج نوعها اه امامى و خلفى .و هل هى مش عجبات و مش ثابته و كده .و الا اه نوع التعديل اللى حضرتك عوزه فى عربيه suv و كبيره و عاليه على الارض .
طيب ما عند حضرتك الجيب شروكى الجديده 2012 فيها عيب صناعه انها فى غرزه تمنيات الكوتش بيفرقع و بتتقلب .و جربو 5 عربيات غير بعض و كلهم الكوتشات فرقعت و اتقلبوا .يعنى عربيه بالتمن الرهيب ده و الكوتشات تفرقع و تتقلب .ليه بقى ؟؟؟؟

LiveLeak.com - Jeep Grand Cherokee Moose Test FAIL! (comments)

Jeep Grand Cherokee moose test -- the full story - YouTube

**moha4tec** · 19-10-2012 02:49 AM

و الكليب ده اامن عربيه فى العالم هههههههههههه
خيال
World s Safest Car - YouTube

-

الموضوع: مفاجاة من العيار الثقيل عفشة السيراتو 2013 اتغيرت

LinkBack

أدوات الموضوع

عرض

-

-

-

-

-

-

-

المواضيع المتشابهه

مفاجئة من العيار الثقيل Evolution chips

يا جدعان مفاجأة من العيار الثقيل اوي اوي

مقارنة من العيار الثقيل 760 vs S64 vs بانيميرا

مفاجأه من العيار الثقيل : بيجو 504 الجديدة !!

مفاجأه من العيار الثقيل - من مصدر موثوق منه

الكلمات الدلالية لهذا الموضوع

المفضلات

المفضلات

ضوابط المشاركة