هل تقبل التهكم و السخرية من سيارتك-استطلاع

**PRO-DRIVE** · 06-07-2008 11:25 PM

مفيش اي مشكله ان حد يتريق ولا يشتم

ممكن اتناقــش معاه و دا اللي حيحصل

بس اني حزعل عشان اتريق عليها ولا كدا ,, ابدا في الاخر انا مليش اسهم عندهم :)

غير كدا اغلب اصحابي من المنتدي هنا شركات عربياتهم انا مش بحبها و بتريق عليها كتير

**cobraa2008** · 06-07-2008 11:26 PM

بصراحة حاتبقى حسب
واحد صاحبك بيتريق وما عندهوش عربية وده تديلوا على نفخه واقعد اتريق انت عليه وعلى العربية اللي هيا موش معاه
واحد بيتريق على العربية بس تريقة ونقد بناء وهو معاه احسن ولاكن فيها عيوب لا نقعد ونستمع لبعض وكلنا نستفييييييييييد

**Ahmed Anwer** · 07-07-2008 12:20 AM

المشاركة الأصلية كتبت بواسطة Chicco

الجد بقي... النقد في حدود الأدب و الذوق مقبول طبعا و على راسي من فوق كمان

ما هوا ده السؤال ،،

الأدب والذوق معاك يا دكتور أو مع أي شخص

ده امر مفروغ منه ،، و منصوص عليه في قواعد المنتدي و قبلها في قواعد الدين و قواعد الأخلاق

لكن الأدب و الذوق مع العربية بقه ؟؟؟

المشاركة الأصلية كتبت بواسطة Ahmed Samy

لأ لأ عند المكوة و حاسب :embarrassed2:
انت ماتعرفش انت بتشتم ايه

حظي السئ ،،

أنا مش قصدي خالص علي اللانسر ،،

فيه عربية تانية بيتقال عليها مكواة أو أحيانا كشك ،،

فهمتني غلط

مع الإعتذار لديه و ديه

المشاركة الأصلية كتبت بواسطة cobraa2008

بصراحة حاتبقى حسب
واحد صاحبك بيتريق وما عندهوش عربية وده تديلوا على نفخه واقعد اتريق انت عليه وعلى العربية اللي هيا موش معاه
واحد بيتريق على العربية بس تريقة ونقد بناء وهو معاه احسن ولاكن فيها عيوب لا نقعد ونستمع لبعض وكلنا نستفييييييييييد

أمممم ،،
اه ده اكتر رأي يا كوبرا باشا انا مختلف معاه ،،

يعني اللي معاه ( مش عارف بقه احسن عربية في العالم تكون ايه لو موجودة ) يتريق علي خلق الله كلهم و يبقي ده حقه ،،

و الغلبان ميفتحشي بقه

**som3aa** · 07-07-2008 12:32 AM

لو الكلام موضوعى و فعلا اللى بينتقد بيقول على حاجة حقيقية فى العربية يبقى طبعا مزعلش و لا اى حاجة دى قطعة حديد الواحد بيغيرها كل مدة بس برده دى بتعكس زوقه زى اللبس , انما كلام فارغ مرسل و لا حد يقول دى كورى و طالما كورى يبقى مش اوى و الكلام الفارغ دا لأ طبعا.
لو واحد مش عاجباه شكلا اهلا و سهلا , يعرف حد عنده العربية فيها عيب معين اهلا و سهلا انما فتى بقا و مقارنتها بعربيات تانية فى فئتها متجيش ربع الoptions اللى فيها و لا ربع قوتها علشان المانى يبقى دا لأ طبعا مسكتش

**hazem_khidr** · 07-07-2008 12:45 AM

انا عن نفسي اقبل النقد و عادي اصل لا اول ولا اخر عربيه حركبها يعني.
انما يتريق علي اساس ايه العربيه القديمه اللي انت راكبها دي
او يا راجل هو حد لسه بيركب المشنات دي لحد دلوقتي
او هيا دي عربيه انت تروح تحطها جنب الحيط
دا بيبقي الرد عليه باسلوب تاني خالص
ابسط حاجه بقوله انت راكب عربيات بقالك كام سنه علشان تيجي تتكلم معايا كده
و للعلم اي واحد راكب عربيات طول حياته عمره ما بيتريق علي عربيه
حد بالاسلوب التاني انما ممكن ينتقد حاجات معينه من العربيه .

و هختم كلامى انها مش بالعربية باللى قاعد على الدريكسيون

يا كيمو يا جاااااااااااااااااااااااا مد
ايه الحلاوه دي
كلمه في الجون

**ahmad--ezzat** · 07-07-2008 12:48 AM

اظن لو اى حد معاة مرسيدس او بى ام دابليو او اى عربية فخمة مش هيدخل يبص على الموضوع دة ههههههه

**M!NA** · 07-07-2008 12:52 AM

انا حبيت أكون صريح و اقول لا مقبلش عشان فعلا بحس بشعور زي الغيرة كدا.... من كتر ما انا مرتبط بعربيتي و بحبها... و كل ما بنعمل كيلوات اكتر علاقتي بيها بتزيد ...

أعتقد معظم الناس متقبلش التريقة على عربياتها لسبب بسيط جدا....
كل واجد فينا عارف هو تعب و شقي أد ايه عشان يجيب عربيته... و بيتعب و بيشقى أد ايه عشان صيانتها و كذلك لو اتخبطت...

فتخيل بأة انك بعد كل ده تيجي و تقوله ايه التحفة اللي انتا راكبها ديه....

انتا مش بتهين عربيته... بقدر ما بتهين شقاه و تعبه ليل مع نهار عشان يصرف عليها...

حتى لو من جواه هو مش مقتنع بيها أو حاسس انها مش العربية المثالية... بس نفسيته هتخليه يغمض عينيه عن العيوب و يعظم أوي المميزات مهما كانت العيوب كبيرة و المميزات صغيرة و بسيطة....

في النهاية دا رأي شخصي... يحتمل الصواب او الخطأ