الموضوع: هل تقبل التهكم و السخرية من سيارتك-استطلاع

لأ طبعا مقبلش
لو نقد بأسلوب محترم .... ماشى
انما لو بقلة أدب...هرصله عيوب عربيته من هنا لبكرة
مفيش عربية مفهاش عيوب...و انا عارق عيوب معظم العربيات
و هختم كلامى انها مش بالعربية باللى قاعد على الدريكسيون

طالما نقد موضوعي وسليم وتطليع القطط الفاطسة وخلاص يبقي اهلا وسهلا ,كل عربية لازم تلاقي فيها عيب حتي ولو كان صغير اوي ,اللي قطع غيارها عالية ,اللي سعر اعادة البيع بتاعها وحش ,اللي منتشره اوي !! ,لولا اختلاف الاذواق لبارت السلع

لو نقد فاضى مش موضوعى و الغرض منه الاستفزاز حايبقى الرد بتهكم و كلام اصفراوى سم بس من غير زعل برضه
و لو كان النقد موضوعى و بيقول على عيوب موجودة فى كل العربيات اللى من نفس الموديل او عيب جديد ظهر اقبل طبعا و بصدر رحب و اتناقش جدا
من الاخر مبدأ الزعل و التعصب ده مش عندى و الحمد لله،دى كلها حتة حديد ممكن فى ثانية تروح و ربنا يستر

هو عموما السخرية أو التهكم على حاجة خاصة بأي واحد بتضايق.. حاجة من اختياري و مقتنعة بيها، صعب أقبل طريقة حد بيسخر و يتهكم و يتريق عليها.. ماحدش قال لك اشتريها يا سيدي، بس برضه مش من حقك تقلل من قيمة اختياري للأشياء "اللي تخصني".

و يا ريت كل واحد يحط رايه المحايد و ميبالغشي في ادعاء تكبير دماغه

و تقبله للنقد و السخرية

اللي حيجيب سيرة أي عربية جبتها قبل كده أو كنت بفكر أجيبها أو معايا دلوقتي أو ناوي أجيبها بعدين أو احتمال أفكر فيها أو مش عجباني دلوقتي بس ممكن أغير رأيي فيها بعدين يبقى ذنبه على جنبه
أهو مش مكبر دماغي خالص يا صديقي :)
الجد بقي... النقد في حدود الأدب و الذوق مقبول طبعا و على راسي من فوق كمان