الموضوع: لاصحاب المحلات التجارية

السلام عليكم ورحمة الله وبركاته


حصل النهارده معايا موقف و اعتقد انه بيتكرر فى كل مكان و قدام كل محل فيكى يا مصر الا من رحم ربى


الا و هو محل فاتح على شارع و حاطط قدامه طوبة كبيرة او بلوك من بلوكات الرصيف

قمت نازل شايلها و راميها على جنب و ركنت العربية (الكلام ده تحت بيتى) يعنى المحل فى المنطقة عندى


طبعا انتوا عارفين بقا الى هيتقال منه و انت كده هتقفلى باب رزقى و الناس مش هتعرف تدخل المحل و هتوقفى ليه و حسبى الله و نعم الوكيل و مش من حقك و انا حر اعمل الى انا عاوزه فى المحل و قدام المحل بتاعى


قولتله هو انت اشتريت المحل و اشتريت الشارع معاه مكتوبلك ان الشارع ده ملكية خاصة ليك تعمل الى انت عاوزه فيه

و كلام الى انتوا فاهمينه ده

ده كان مع المحل الاول


المحل التىن واحد واخد ناصية و بعيد عن الشارع الجانبى الى انا بركن فيه معظم الوقت


برضه حاطط نفس الطوبة و وراها ب2 متر كده دبشتين علشان يحجز مكان لعربيته و هو مش موجود


النهارده قمت شايل الطوب ده رابيه بعيد و بعدها كان عندى مشوار نزلت لقيته بيركن عربيته فى مكان تانى فقالى انت ايه الى انت عامل ه ده و ليه و كده و بالمختصر مش عاوز حد غريب عن المنطقة يركن هنا و اما يمشى يحجز مكان له مع العلم ان الشارع بتاعى شارع حيوى جداا و لا يخلوا من الزحمة يومياا







السوال هنا بقا انت كصاحب محل هل اتضرت قبل كده ان فى عربية جت و وقفت قدام المحل بتاعتك

او انت حاطط حاجز او مانع طوب و خلافة قدم محلك التجارى

عاوز افهم منكم لو سمح ليه و ايه الى الفايدة الى هتعود عليك من حاجه زى كده و ايه الضرر اىل هيقع عليك من حاجه زى كده

هو حته ان العربيه تركن قدام محل
الحق يتقال هى فعلا بتضايق علشان مثلا لو هاينزل بضاعه او ناس داخله وناس خارجه
فمن باب المراعاه يعنى يفضل ما تركنش قدامه
انما لو فيه رصيف قدامه كبير يسمح للناس تمشى فيه لا يبقى هو مش من حقه ومالوش حاجه عندك
ده كمان يعتبر اشغال طريق عام وغلط عليه انه يحط طوب