-
مشكله في اونو 97
انا عندي اونو موديل 97 بس فيها مشكله بتظهر من فتره و هي ان العربيه و هي شغاله بعد شويه تفضل ترعش حتي و هي سخنه لغايه ما تفصل لوحدها و الموضوع ده بيحصل لما تكون علي السلانسيه بس و بيزيد اكتر لما اكون مشغل النور العالي او تكون مروحه التبريد شغاله ....
ياريت حد يفدني في الموضوع ده ؟؟؟
-
دي تبقى البوابه مش شايلة الكهربا
-
طيب ممكن بس من فضلك توضحلي اي بوابه اللي تقصدها و شكرا علي اهتمامك...
-
الموضوع ده يا باشا غالبا تظبيط كاربيراتير .. هوا مع بنزين روح لميكانيكي وهو يظبهالك
-
بص انا كان عندي نفس المشكله وقعدت ماشي بالعربيه كده بتبطل في السلانسيه 3 شهور وكل يومين اروح لميكانيكي شكل يظبطها وترجع تاني علي طول
المشكله في البيكات
روح علي طول لواحد بتاع كاربراتير
-
شكرا يا شباب علي اهتمامك و انا هاشوف موضوع بتاع الكاربراتير و احاول ان شاء الله بس انا بيتهيالي كلامكم غالبا هايكون صح لأن كمان لما ادور العريبه بتطلع من الشكمان دخان اسود و يارب تتظبط في الاخر و مره تانيه باشكر جدا كل اللي اهتم و رد عليا..
-
الف شكر يا مستر خليفه و مستر بي و كل اللي رد عليا لان فعلا المشكله كانت ان الاكس الخاص بالبوابه بتاعت الكاربراتير بايظه و بالتالي الباب مش بيقفل كويس و علاوه علي كده كان البيك مش كويس و و اتغير و الحمد لله و شكرا ...
Content Relevant URLs by
vBSEO 3.6.0 PL2