محتار ما بين هوندا سيتي 2012 و رينو فلوينس 2012

اهلا يا شباب اخباريعكم ايه
انا كنت عاوز اجيب كيا ريو سيدان خليجي 2013 شكلها عجبني جدااا و كماليتها عجباني و فيها كل اللي بتدور عليه
بس في واحد ابن حلال نصحني بالهوندا سيتي :) عشان ياباني و توكيل و قطع غيارها متوفره اكتر و ثابته علي الارض اكتر

ودلوقتي لقيت اني كده بقيت تقريبا في نفس الرينج بتاع الفلوينس

فانا دلوقفتي محتار ما بين الهوندا سيتي الفئه التانيه 143 الف و الفلونيس 142 الف فكنت عاوز اعرف اخبارهم ايه بالنسبه للنقط دي:

- خدمه ما بعد البيع..علما باني هدخل الريو في شركه ضمان اسمها تريبل ايه
- الثبات علي الارض
- سعر قطع الغيار
- التكييف وعلاقته بالسحب
- علوها بالارض عشان المطبات و كده
- مزايا و عيوب كل واحده
- مكان خدمه الصيانه في ابو رواش للاتنين؟

وجزاكم الله خيراااااااااااااااا مقدما :)

الفلوينس تكسب في كل حاجة ماعدا التكييف والأداء (فتيس وموتور)لصالح الهوندا

أصلا الفلوينس تتقارن بال civic مش city و ده طبعا دليل على سعر ال city المبالغ فيه ,دي حتى مش تقفيل ياباني

الفلوينس تكسب في الثبات فالإرتفاع عن الارض و فالتوكيل والوسع
و فسعر قطع الغيار و اعادة البيع كمان أظن

معرفش بقى كماليات الاتنين إيه بصراحة

بسم الله الرحمن الرحيم

أخى الكريم

أرى من وجهة نظرى الشخصيه أن الفلوانس أفضل فى كل شىء و بما لا يدع مجال للحيره أو التفكير الكثير

و أحب أن أصحح معلومه عند حضرتك بأن أفضل توكيل ومركز صيانه على الإطلاق للرينو بكل أنواعه و موديلاته هو رينو العبور لأنه فرع للشركه و ليس مركز صيانه معتمد و كذلك لأنه تم تجربته مع أكثر من شخص و مع أكثر من موديل من موديلات الرينو

لقد غابت شركة رينو عن مصر سنوات طويله و لكنها عادت بقوه

أحب أيضآ أن ألفت نظرك إلى نقطتين هامتين جدآ
1 - أن تبحث فى أسعار قطع الغيار (هذه النقطه أجهلها عن الهوندا تمامآ و إن كانت قطع غيار الفوانس باهظة الثمن و لكنها معمره)

2 - أيآ كان قرارك فإلزم التوكيل لأن أيآ من السيارتين بدون التوكيل ستنهار سريعآ و ستتكبد أنت خسائر ماليه فادحه(التوكيل بالنسبه للسيارتين هو أرخص حل للصيانه بخلاف الأنواع الأخرى)

و أخيرآ بالنسبه للفلوانس فهى سياره تجيد تمامآ حماية كل من بداخلها و الدفاع عنهم فى حالة الحوادث (حماك الله و دفع عنك السوء) و لكن إن قدر الله ذلك و كان فتصليحها يكلف ثروه و لذلك إن إشتريتها فإبتعد أثناء قيادتها عن صغار العقول و المعتوهين و لا يغيريك شدة قوة محركها الهائله فى أن تتنافس مع أحد على الطريق و ذلك حماية لأموالك

وفقك الله لأرشد أمرك

و السلام عليكم و رحمة الله و بركاته

اقتباس:

---

المشاركة الأصلية كتبت بواسطة scientist9508

آ
1 - أن تبحث فى أسعار قطع الغيار (هذه النقطه أجهلها عن الهوندا تمامآ و إن كانت قطع غيار الفوانس باهظة الثمن و لكنها معمره)

---

أنا متفق معاك في كل كلامك تقريبا ماعدا كام نقطة كده
ده الفلوينس قطع غيارها رخيصه لو بتقارن اسعار توكيلات للعربيات اللي في نفس سعرها
زي elantra أو shark أو cerato

اسعار fluence ممكن تلاقيها على موقع renault و موضح اسعار الصيانة كمان :)

اقتباس:

---

المشاركة الأصلية كتبت بواسطة scientist9508

لا يغيريك شدة قوة محركها الهائله فى أن تتنافس مع أحد على الطريق و ذلك حماية لأموالك

---

العربية موتورها عادي جدا , حضرتك ركبتها قبل كده ؟؟
أنا مش بشكك في كلامك بس ممكن تقولي بتقارنها بـإيه , يعني موتورها قوي بالنسبة لإيه

المانيوال كويس آه بس مش هائل والاوتو اقل من العادي كمان

زي ما قالوا الاخوة ..

طيب اسمحو لى لو غيرنا المقارنة لتصبح
بين هوندا سيفك والرينو فلوانس أى منهما تفضلون

أنا شخصيآ أفضل فلوانس