عاوز اعرف ايه الانواع الكويسة فى السوق حاليا
وايه الانواع المستوردة الكويسة برضه ولو رينج الاسعار كمان يبقى زى الفل
عرض للطباعة
عاوز اعرف ايه الانواع الكويسة فى السوق حاليا
وايه الانواع المستوردة الكويسة برضه ولو رينج الاسعار كمان يبقى زى الفل
توشيبا ممتازة
بصراحة انا بقيت متعقد من توشيبا
بقيت اشوف ان خاماتها معدتش زى زمان
ممكن يكون مواتيرها كويسة بس التقفيل وخامته تعبانة الى حد ما
الكلام دا من تجربتى مع تلاجتين لغاية دلوقتى
الغساله متجمعه في تايلاند مش في مصر
توشيبا ممتازة عن تجربة
lg رائعة بخاصية baby care لو فى أطفال صغار
هى فى حدود 5000 جنية
ال جى هى اروع غسالة ممكن تشتريها الان بدون نقاش وعن تجربة
عليك وع الايطالي اريستون ب 3500
دور على خدمة ما بعد البيع خصوصا في الغسالات الاوتوماتيك
والله عندي غسالة اوتوماتيك زانوسي مرمية بسبب توكيلها ولا بيفهموا وصرفت عليها اكتر من ثمنها وفي الاخر توشيبا بلا نقاش غسالة حلوة جدا وخدمة شاقة وتوكيل بيفهم في صيانتها
زانوسي ممتازه لسه جايب الجديده ٧ كيلو و فى ٨ بس كانت هتتاخر شويه
اخدو القديمه و غملت بالنقل والتركيب ٢٣٥٠
اسمع عن lg انها كويسة وبرامجها كتير
كنت عاوز اعرف اكتر عن خامتها واعتماديتها
هل هى بقالها فترة طويلة مع حضرتك ولا لسه جديدةوبتستعمل استعمال خفيف ولا شاق
بلاش أم نسرين لا الجماعة تفرض على حظر تجول من اولها :)
واخبار قطع غيارها ايه
كتوفرة ولا حدوخ عليها
هل ليها توكيل فى مصر وهل هو بيوفر حاجتها ولا لأ
ومتشكر ليكم جدا على مساعدتكم
lgبالسخان بسعر 3300 8 كيلو فتحة جانبية وبدون 2300 وبتحتاج وصلة مياة ساخنة وهى 12 كيلو فتحة علوية
الاريستون توكيل بي تك وقطعع غيارها موجودة
اما ال جي فمشكلته ان الغسالة من غير سيور ودى اعلى تكنولوجي حتى الان ان الغسالة تشتغل من غير سيور بس لو باظت هضطر انك تدفع تمن الغسالة من اول وجديد عشان الحلة لوحدها بتمن تلت تربع الغسالة
وعايز اقول ع حاجة عمر المخ الاسيوي ماهيوصل للمخ الاوروبي ف ابتكاراته ومتانته
الغسالة ال جى تعتبر نقلة حضارية فى تاريخ الغسالات على مستوى التاريخ الانسانى وعلاقته بالغسيل وتعتبر من افضل الغسالات فى العالم حاليا كتكنولوجى واعتماد بدون مبالغة ويمكنك متابعة هذا التقييم فى المواقع الاجنبية
انا عندى الموديل العالى فيها مجفف وغسالة ب 7000 جنيه ولما كنت بالف واشوف الانواع علشان اشترى شوفت الانواع اللى بتقول عليها الفرق بينها وبين ال جى زى الفرق بين سيارة بى ام وسيارة اكسنت مثلا
ثانيا الضمان عليها 10 سنين سعادتك
باشا انا مش قلت الغسالة وحشة انا قلت انها كتكنولوجي عالية اما بالنسبة للضمان فهيكون فيما يخص سوء التصنيع اما لو خطأ منك ساعتها هتدفع ولعلمك التكنولوجى العالية ليها تمنها ف التصليح يعنى مش هتجيب غسالة بسيور ف تصليحها زى غسالة بدون سيور ف تصليحها
انا قلت اريستون افضل عشان صناعة ايطالي ومعمرة اكتر من الكورى حتى لو تكنولوجى اقل وياباشا المطلوب من الغسالة الاتوماتك ايه انها تغسل وتكون هادية وتجفف اللبس ويتم تنشيره عشان لابد ان يتم تنشير الهدوم وده موجود ف الاريستون وبتمن 3500 مش 7000 ولو روحت كارفور هتلاقي الاتنين معروضين ابقى اسئل اي مندوب هناك مين اللي هيعمر والاسهل ف تصليحه
باشا نصيحة ليك حوار المجفف من غير تنشير للملابس غلط لابد من تنشير الهدوم عشان ياخد اشعة الشمس
ماهو انا سالت قبل الشراء وبعدين مندوبين ايه اللى فى كارفور بس دول غلابة حضرتك --حضرتك تابع الكلام المكتوب عنها على النت وقارن بينها وبين الغسالات الاخرى بطريقة علمية طبقا للامكانيات --اصلا حرام تقارن اريستون بيها دى new generation سعادتك وبتحافظ على الهدوم بطريقة لا تتخيلها --بالنسبة للمجفف ده احنا بنستعمله فى اضيق الحدود اساسا بس بالمناسبة دى فيها نظام تعقيم للهدوم اساسا ولا تقول اشعة شمس ولا اشعة جاما وبالذات مفيدة للناس اللى بيعانوا من حساسية جلدية من بعض انواع من mites او الفطريات و اللى بيكلم سعادتك طبيب استشارى باطنة--انا راييى ان دى ساعة شيطان واستعيذ بالله منه بس هتلاقى الدنيا مختلفة تماما--انا عندى جيران اشتروا ارستون دى بيندموا على اليوم اللى جابوها فيه
تقبل تحياتى
انا عندى خالو شفت توشيبا ال 10 كيلو جميله اوى اوى بصراحه
ال جى ممتازه جدا جدا جدا والمكان اللى ممكن تشوفها بكل موديلاتها تلاقيها فى القاهره للمبيعات
انا يوم ما جيت اشتريها كان ديسمبر 2011 ولفيت شارع عبد العزيز كله محل محل لم اجد غسالة واحدة لانه الطلب عليها رهيب والاستيراد كان واقف فى الفترة دى علشان نهاية السنة (النوع المزدوج بالمجفف) ولم اجدها الا فى القاهرة للمبيعات وطلبتها بالتليفون ودفعت بعد التوصيل للمنزل وكان زيادة يمكن 500 او 600 جنيه موش فاكر عن سعرها لسببين
اولا انها صناعة كوريا لان فيه موديلات تايلاند والكورى احسن طبعا
ثانيا انه مافيش اساسا فى مصر كلها الا عندهم
ومن وقتها ماشاء الله شغالة فحت وردم زى الفل
بس لازم تتصل بالضمان علشان ييجى المهندس يشغلها اول مرة ويعرفك كيفية التشغيل ويشيك على التوصيلات ويوقع بطاقة الضمان
نصيحة اياك تشترى اى نوع تانى كلها انواع تعبانة وموش بتحافظ على الملابس وانا عندى تجربة سيئة مع غسالة سامسونج فى السعودية
وممكن يكون المحافظة على الملابس اهم مميزاتها لان ثمن الملابس على المدى الطويل اغلى من الفلوس اللى هتوفرها لو اشتريت نوع تانى
ثانيا ده الجيل الجديد من الغسالات الذكية اللى بتحدد لنفسها كمية الماء والمسحوق االى هتستخدمها حسب كمية الملابس فبتوفر كمان فى الحاجات دى
نظافة الملابس بعد الغسيل شئ غير طبيعى واسال حد من جيرانك او معرفة وشوفها بنفسك قبل ماتشترى
بالتوفيق للاحسن ان شاء الله
حوار انها بتعقم ده جديد عليا ومادام حضرتك دكتور يعنى ادرى مني ف الامراض انا يدوب رجل قانون فمليش ف حوار الامراض
اتمنى من حضرتك انك تكتبلي نوع الغسالة دي وعايز اعرف عرضها وطولها عشان انا حاطت الغسالة ف المطبخ تحت الرخخامة ومحدد ليها مكان معين بمساحات معينة
الاسعار رخصت كتير عن زمان
النوع ده بالبخار للتعقيم بدون مجفف
http://cairosalesstores.com/en/washi...f1480tds6.html
وده النوع اللى انا اشتريته ارخص 2000 جنيه ماشاء الله
LG Washing Machine & Dryers 10kg: F1480RD5
بالفعل هناك الكثير من انواع الغسالات الكهربائية الرقمية الحديثة التي يمكنكم التعرف عليها من خلال الزعيمات الان
https://www.alzaemat.com/washing-machines/