عرض للطباعة
السلام عليكم و رحمة الله و بركاتة أعضاء المنتدى الكرام
عندى تليفزيون nec 21 model no. 21t543 (rx)mt - a
الفنى كان بيقوم بأصلاحه فحرق جزء من الشاسية بالمكواة الكهربائية فقطع صورة
لو سمحت لو حد يعرف فنى كويس يكون جربة يرسل لى رقم تليفونة
و يكون بيصلح بالأجهزة بالمنزل
و لكم جزيل الشكر
وعليكم السلام ورحمه الله
مافيش فني كويس للاسف
ان عن نفسي دلوقتي اي حاجه تخسر بارميها واشتري جديد احسن
لان عمر الحاجه ما بترجع زي الاول و فلوس التصليح كاني بارميها في الارض
وده مجرد رايي الشخصي وان شاء الله الاخوة الاعضاء يقدروا يفيدوك
تحياتي
01005158559
مهندس ممدوح
دكتور تليفزيون وفيديو وكاسيت
وادعيلى
اقتباس:
المشاركة الأصلية كتبت بواسطة amr5500
وجهة نظر تحترم أستاذ عمرو
بس هأعمل كدة محاولة لأصلاح
شاكر جدآ مرورك
اقتباس:
المشاركة الأصلية كتبت بواسطة amrelsha3er
جزاك الله خيرآ أستاذ عمرو
تم الأتصال بالمهندس ممدوح و تحديد موعد للكشف عن الجهاز
من الأسلوب فى المكالمة واضح أنة أنسان محترم
أشكرك جزيلآ
تحياتى
يا ريت تقولنا عملت إيه علشان عندى تلفزيون ناشيونال و كاسيت محتاجين صيانةاقتباس:
المشاركة الأصلية كتبت بواسطة night_whisper
اقتباس:
المشاركة الأصلية كتبت بواسطة ahmed_ramadan
حاضر
أن شاء الله لما المهندس يجى و يشوف الجهاز هقول عملت اية
إيه يا فندم مفيش جديد ولا إيه ؟؟
اقتباس:
المشاركة الأصلية كتبت بواسطة ahmed_ramadan
أهلآ بيك أستاذ أحمد
المهندس جاء الأسبوع الماضى يوم الأثنين
أخذ شاسية التليفزيون لأصلاحه و النهاردة بأذن الله المهندس جاى يركب الشاسية
ربنا يسهل و يكون أتصلح كويس
أول ما يشتغل بأذن الله هقول لحضرتك أية الأخبار
مع الأسف لم يتم أحترام موعد تسليم الشاسية و تليفون المهندس مقفول من الأمبارح و مش عارف أوصل لية :angry26:
اقتباس:
المشاركة الأصلية كتبت بواسطة night_whisper
علشان كده انا مش باحب اتعامل معاهم
مافيش اي احترام للمواعيد بيحرقوا دم الواحد
وياريت بعد كل ده بيصلحوا بضمير
انا زمان صلحت عند واحد كرهني في الدنيا
اتاكد من ان التلفزيون شغال كويس قبل ما تدفع الفلوس
مع الأسف واضح أن وجهة نظر حضرتك صحاقتباس:
المشاركة الأصلية كتبت بواسطة amr5500
المهندس أختفى و تليفونة مغلق حتى كتابة هذة السطور
:019f3b~14:
ربنا يسهل ويظهر قريب ان شاء اللهاقتباس:
المشاركة الأصلية كتبت بواسطة night_whisper
كل سنه وانت طيب
تحياتي
و حضرتك طيب أستاذ عمرواقتباس:
المشاركة الأصلية كتبت بواسطة amr5500
تم فتح تليفون المهندس اليوم و الأتصال بة
و قال أنة حصل لية حالة وفاة و بأذن الله سوف يتم تسليم الجهاز بعد العيد
أنا قولت برضه حصل ظرف و لا حاجة ...عموما كلها يومين و تستلمه إن شاء الله
قال أنة هيتصل بية و هيسلم التلفزيون رابع يوم العيد لا أتصل و تليفونة مغلق تانى و أختفى تانىاقتباس:
المشاركة الأصلية كتبت بواسطة ahmed_ramadan
بصراحة حاجة مستفزة جدآ
من الواضح ان كل الصنايعيه حظهم وحش قوى - كلهم يا حرام بتحصل عندهم حالات وفاه بالجمله وللأسف يا أما مقدروش يردوا على تليفوناتهم - يا أما بيقفلوهااقتباس:
المشاركة الأصلية كتبت بواسطة night_whisper
اقتباس:
المشاركة الأصلية كتبت بواسطة night_whisper
للاسف معظمهم كدابين ومعدومين الضمير ومابيفهموش في شغلهم واخدين الموضوع فهلوة
انا اتعقدت منهم علشان كده
(التوكيل هو الحل) معظم تجاربى مع الفنيين فاشلة ومعظمهم (ان لم يكن كلهم) اونطجية ومفيش احترام للمواعيد ولا امانة فى التصليح او محاسبة الزبون، ممكن حتة مكثف ولا سليكونة بجنيه يدفعك فيها 200 جنيه وقتى، ومفيش شهر والعيب يرجع زى ما كان، وحصل موقف مرة كنت بصلح تلفزيون والفنى معرفش يصلحه فحب يطلع منى باى مصلحة بيقولى انا ركبت لك مكثف مش عارف اسمه ايه وعايز 30 جنيه قولتله شيله قالى بالسلامة!
ده غير الجهاز يروحله مقفول بعشر مسامير يرجع لك بمسمارين ولو بصيت عليه من جوة تلاقى الشاسيه راكب على مسمار ولا اتنين ولسعات المكواة واللحام الغبى فى كل حتة كانه كان مرمى فى الشارع.... عشان كدة مش بثق فى اى فنى صيانة مهما كان اسمه وشهرته لان اللى مش فاهم هيخرب الجهاز واللى فاهم هيعورك جامد فى الحساب والجهاز عمره ما هيرجع زى الاول
حدث معى موقف و أنا راكب مترو الأنفاق فى نهاية الليل . و هو أن دار حديث بين إثنين فني إليكترونيات و كان كل منهم يتباهى بقدرته على إستكراد الزبون حتى لو كان صاحب الشان متخصص و فاهم .
تعلمت منها أن لا أثق فى صنايعى أبدا
السلام عليكم ورحمه اللهاقتباس:
المشاركة الأصلية كتبت بواسطة msobhy
كنت عايز اكتب هذا الرد من زمان - ياحرام الظروف بتاعتهم لا تحدث الا لما يكونا مرتبطين بشغل
المهندس فتح تليفونة اليوم الساعة الثامنة مساء
و أعتذر لأن عنده حاله وفاة و بعض الظروف الخاصه
و قال ان الجهاز أتصلح و جاهز للتسليم و أن بكرة بأذن الله هيجى الساعة الثامنة مساء لتسليم الجهاز
اول ما قريت الموضوع قلت لازم اشارك بجد لية؟؟
لان صيانة التلفزون دى مهنتى منذ 22 سنة وبالمناسبة انا مش داخل المهنة دى عافية
انا خريج معهد الكترونيات وبعد كدة كملت دورة صيانة تلفزيون وبدات مجالى العملى بعد كدة
وان اقوم بصيانة التلفزيون فى ورشتى فقط وليس فى المنازل وذلك بحكم مكان عملى لانى من الاقاليم
ولا اطيل عليكم احب ان افيدكم ان فى فئة من الذين يعملون فى هذة المهنة ليسوا على علم او دراية
فنيه عالية باصول المهنة يعنى منهم ناس متعرفش اصلا تقيس الترانزستور او اى عنصر فى شاسية التلفزيون ازاى بيبتدى يغير دى ودى ودة لغاية ما يوصل للعيب دة اذا وصلة اساسا
النتيجة اية شاسية التلفزيون بقى شوارع ومصااريف قطع غيار ع الزبون ومن هنا ممكن يكون حساب التلفزيون وص 150 او 200 جنية وهو لو اتشخص العطل صح من الاول ممكن مايوصلش 50
طيب نتلافى الموضوع دة ازاى و الكلام موجة للعميل مش للفنى
تسال عن فنى صيانة خبرة ومواعيدة مظبوط
اما بالنسبة للاجر ممكن تقولة اكشفلى على التلفزيون وشوفة يتكلف كام واجرتك كام
ومددققش كتير فى الفصال خليك فى حدود المعقول واشترط علية اذا عطل الجهاز نفس العطل هيصلحة على حسابة وهو لو واثق فى شغلة هتلاقية من غير تردد قللك ماشى
انا عن نفسى ماشى على كدة من زمن والحمدللة
ولما متوافقش على كلامة اديلة اجرة كشف الجهاز وقلة شكرا
اما اذا اتفقتوا خد منة ميعاد وتعال بعدية بيوم عشان ميكنش لية حجة قريبة مش عارف اية مثلا
اما العالم اللى بستكرد الناس وتعلىفى الاجرة دول بيتكشفوا بدرى وحالهم بيقف
وبالنسبة للاخ العضو صاحب المشاركة انا اللى فهمتة ان الفنى خد الشاسية يصلحة بع ما كان شخص اخر حاول فية يعن الشاسية اكيد فية شغل كتيير فاصبر علية شوية لان فية اعطال الواحد ممكن مقدرلها وقت ساعة مثلا ممكن تتاخر ومتنساش كمان انة اكيد عندة اجهزة تانية عطلانة لازم تتصلح
انا مش باعفية من التاخبر لكن بقوللك على اللى ممكن يكون حصل عشان تتطمن
بس هو كان لازم يوضحللك كدة بدل ما يقفل التليفون؟؟:B4_564:
انا حاسس انى طولت عليكم فى الرغى اسيبكم دلوقتى عشان اشوف التلفزيون العطلان قدامى
واى استفسار انا فى الخدمة:giveflowers:
الجهاز جاء اليوم و الحمد الله أشتغل
سبب التأخر : وفاة والد المهندس (رحمه الله و غفر له)
التقيم : الأصلاح جيد
المواعيد : غير ملتزم مع الأسف (الموعد كان الثامنة جاء 12 مساء)
التكلفة 225 جنية أعتقد غالى شوية
فى النهاية أشكر الأستاذ عمرو الشاعر
اسف على تاخرى ياباشا هو مشكلته فعلا فى مواعيده بس بصراحه فنى كمهنى كويس وبيفهماقتباس:
المشاركة الأصلية كتبت بواسطة night_whisper
وبيشتغل لوحده رغم سنه الكبير ممكن ده برضو عائق اكيد لان فعلا معاه كزا شغلانه مش بيبقى جهاز ولا 2 ولا5
عموما الحمد لله انه جالك بس مكنتش عاوزك تقلق انا اللى جايبهولك وانا كفيل باى ضرر ان شااء الله
لانه الرجل صديق العائله من زمن ومضمون
تحياتى ياباشا
شكرى و تقديرى و أحترامى للأنسان الخلوق الأستاذ عمرواقتباس:
المشاركة الأصلية كتبت بواسطة amrelsha3er
جزاك الله كل خير