المشاركة الأصلية كتبت بواسطة devilrider
(1).. تنصحونى ب ايه ليها و اعمل ايه عند الاستلام وابص على ايه
اولا.. أتأكد من وجود الكتالوج و كتيب الصيانة و الضمان و الولاعة و الكوريك و عدة تغيير الاطارات و طفاية السجائر
ثانيا.. أفحص البودي كويس و أتأكد أن مافيش خبطات و لا خرابيش و أفتح الشنطة و الكبوت و أتأكد أن مافيش فرق في اللون أو لحامات و كمان أفحص مسامير مفصلات الابواب و الشنطة و الكبوت و أتأكد من أن لونها نفس لون العربية
ثالثا.. حاول تبص بصة تحت العربية تشوف أي أثر لخبطات أو أحتكاكات (لو تقدر) و بالنظر كده حاول تتأكد أن المسافة بين الكاوتش الامامي يمين و الرفرف هيا نفس المسافة بين الكاوتش الامامي شمال و الرفرف (علشان لو العربية واخدة خبطة و لاحاجة و الشاسيه أو المقص متأثر)
معلش هيا حاجة غريبة بس وارد أنها تحصل أنا اصلي باعمل كده و موسوس في الحتة دي
ثالثا.. شغل العربية و أتأكد أن مافيش حاجة غير طبيعية و حاول تحرك الفتيس علي كل الاوضاع و أتأكد أن حركته طبيعية
طبعا أسألهم عن أي حاجة تحب تعرفها أو تخطر علي بالك ماتتكسفش
(2).. و احب اشكر استاذ سمير الشهاوى على مواضيعه على العربية
لا شكر علي واجب و حقيقي أنا أحترمت العربية دي جدا و بأحبها جدا و أرجو أني أكون عند حسن ظنك و تحت أمرك في اي حاجة تطلبها أو تحب تعرفها
(3).. و اهم سؤال انا عايز اركب حاجة تحمى العربية من السرقة و انتو طبعا عارفين توكيل هيونداى فى الحكاية ديه و الضمان و كده فا اعمل ايه و فى نفس الوقت مخرجش كهرباء العربية من الضمان لانى بشوف ناس عربياتها وكيل و مركبين حاجات و ايه الاماكن اللى اروحلها و كده و شكرا :)
موضوع الانذار هما مش بيرضوا يركبوه و لو ركبته هايطلع العربية من الضمان في الجزء الخاص بالكهرباء , بس أطمئن العربية فيها فعلا نظام حماية و أطلب من حد من المهندسين يشرحه لك و هو بيتلخص في أنك لو فتحت باب العربية بالمفتاح العادي من غير ماتضغط علي الريموت الانذار هايشتغل و العربية مش هاتدور