ايه رأيكو ف ماتور تيجرا 1600 سي سي لما اركبه علي فيكترا 2002
عرض للطباعة
ايه رأيكو ف ماتور تيجرا 1600 سي سي لما اركبه علي فيكترا 2002
اه هو موتور قوى بس مش هيعمل حاجه مع وزن الفيكترا
شوف موتور اقوى منه علشان يعرف يجر العربيه دى
لانه مصمم على التيجرا و التيجرا اخف من الفيكترا بكتير
^_^
يعني 1600 ايكو بتاع فيكترا احسن من 1600 ايكو بتاع تيجرا؟
طيب انا عربيتي ماتور كامه واحده وفيه رزعه يعني هيحتاج عمره
الاحسن اعمر ولا بفلوس العمره اجيب ماتور تيجرا هيكون احسن من الماتور الكامه الواحده؟
باشا شوف موتور فيكترا بس يكون 2 كامه لانى مش خبير اوبل اوى و مش متعمق فيها
فا مش هقدر اقولك موتور ايه اللى يركب عندك
بس انسى موضوع التيجرا ده نهااااااائى لان التيجرا وزنها 980 كيلو تقريبا
و الفيكترا وزنها 1280 كيلو تقريبا
شوفت فرق الوزن فا انسى الكلام ده نهااااائى و شوفلك مكنه 2 كامه بتاعه فيكترا
^_^
اشتري ١٦٠٠ ايكوتك بتاع الفيكترا بكنترولو مانيوال احسن لك او ٢٠٠٠ سي سي مانيوال ايكوتك
هو مش التيجرا و الفيكترا 1.6 الايكو تك الاتنين نفس الموتور و القوه
نفس الموتور
نفس الكود
نفس الحجم
نفس التكنولوجيا
فرق اسم العربية اللى نزل عليها
بل ان الصح
ان موتور الفيكترا ال 1600 هو بتاع التيجرا
يعني يا طناني باشا فعلا ان الفيكترا بتنزل بره بماتور تيجرا؟ ولو انا سقطت و ركبت ماتور تيجرا عادي مفيش فيه مشاكل؟
اى عربية 1600 نازله مصر خاصه الموافقه الأستيرادية بتاعت المعاقين بمواتير ايكوتك
هو اصلاً بتاع التيجرا
اصل الماتور عندي فيه رزعه وقدامه فتره كده وهيحتاج يعمر ف بفكر بتمن العمره اسقط ماتور وخلاص وهيكون ايكو بقي لأن اللي عندي مش ايكو وانته طبعا عارف فرق الماتور ده من ده حاجه تانيه خالص
ايه رأيك؟؟؟ اسقط ولا ايه
لو مش نفس اللى راكب عندك يبقى لأ
لو هو هو يبقى اتكل على الله
انا راكب عندي ماتور 1600 كامه واحده
واللي قدامي مواتير تيجرا 1600 او 2000
ايه رأيك؟
دور على موتورك عشان متعدلشى فى العربية
دور علي شورت بلوك لموتور زي موتورك يعني وش سلندر وبلوكه وانقل حاجتك كلها فيه لو عاوز توفر لو الكاشات مظبطه معاك هات موتور كامل زي بتاعك واعمل الموتور بتاعك قطع غيار
تحيه ليكو يارجاله وكويس انكو فتحتو موضوع المواتير عشان موتوري جاب زيت
------
انا الموتور بتاعي شكله عايز طقم شنبر والزيت بينقص وبيطلع دخنه بيضه والميه بتنقص وحاجه نيله
المهم ......فكرت في موضوع الشورت بلوك ده وبفكر في كام حاجه وعايز اختار انسب حاجه
اول حاجه عايز اقولها " انا عربيتي منطقه حره بورسعيد فيكترا ايه " يعني مينفعش اركب موتور اكبر من 1500 سي سي ....1600 ممكن يتشال
1- اجيب موتور لانوس كامل بتكييفه اسمع انه عندنا مش هيكمل 2800 جنيه لو كامل
2- اجيب شورت بلوك لنفس الموتور بتاعي 1400 سي سي ......بس موتور معقول علي جسم العربيه بس يعتبر ضعيف
3- بشوف ناس بتركب مواتير 2 كامه معرفش ده كام سي سي ......بس الأكيد انه اقل من 1600 يعني 1500 مثلا .....ده موتور ايه ده ؟؟؟
4- ساعات بشوف موتور كامه واحده 1500 سي سي بس شكله حديث كده وفول انجكشن
5 - الأخير اني اعمل عمره ......وانا مستحيل اعمل عمره لموتور الماني
ايه رأيكو ؟؟
لو هتعرف ترخص موتور اللانوس ومش هيبقي فيه مشكله هات موتور اللانوس ال1500 ال اتنين كامه ده بيطلع 100 حصان تقريبا
الماتورر الاتنين كامه يكسب فى كل الحالات استهلاك البنزين والسرعه القصوى والتسارع والعمر كمان
ومستر طنانى اداك المفيد
طيب انا اصلا عايز اغير الماتور بتاعي لأنه كامه واحده والعربيه تقيله اوي ف الكامه الواحده ده
ومواتير الفيكترا غاليه بتعدي وبتوصل ل 7000 جنيه احيانا
ومواتير التيجرا ارخص بكتير من مواتير الفيكترا يعني ماتور التيجرا ممكن اجيبه ب 3000
وف نفس الوقت بينفع يركب عندي
طب انا ايه اللي يخليني اصرف مصاريف عشان اظبط الماتور ومش هحس بفرق كبير ف الاداء لما ممكن اصرف نفس المصاريف واجيب ماتور استيراد تيجرا ويديني اداء احسن سواء سرعه او استهلاك بنزين
اصل الحوار ده واحد صاحبي عمله ف عربيه فيكترا 98 الماتور ولع منه وهو مسافر ف سقطلها ماتور تيجرا من دول وكان مبسوط بيه جدا بس هو تاني يوم الشكمان دخن ابيض كتير ولما راح لميكانيكي قاله كاوتشة الصبابات بس(سهله يعني)
وبعدين انا محتاج اعدل ايه لو هسقطلها ماتور تيجرا زي ده يعني؟
هو سقط الماتور عند شكري ف المنصوره و قفلها كهربا عند رمضان اللي ف اخر الشارع
ما انا مش عايز انزل ماتور كامه واحده واحط مكانه ماتور كامه واحده برده
ومش عايز اعمر الماتور ده عشان هصرف ومش هحس بفرق يذكر برده
انا لما الماتور ده يجيب اخره هسقط ماتور 1600 اتنين كامه يا اما فيكترا يا اما تيجرا
بس انا بسأل علي التيجرا وميال له اكتر لأنه ارخص من التاني ب 3000 جنيه ع الاقل
طيب انا برده عايز اعرف رأيكو ف مواتير الايكو بتاع التيجرا دي
شوف كل مواتير الايكوتيك فوق الممتازة كقوة واداء وتحمل
الترخيص مش ازمه
الأزمه فى التعديلات اللى هتم عشان تسقط الموتور ده
اللي مشجعني ان ف واحد صاحبي معاه فيكترا 98 مسقطلها ماتور تيجرا الاسبوع اللي فات وشغال زي الفل
ف بيتهيألي التعديل بسيط
و زي ما قلت لحضراتكم فرق السعر ما بين ده وده مش اقل من 3000 جنيه
1- لو هيترخص عادي توكل علي الله - بس معتقدش -
2- مش هتحس انك عملت حاجه غير شويه النضافه
3- 2 كامه 1400 سي سي هيديك الهورس باور بتاع 1600 كامه و احده حاجه و سبعين حصان
و هتجيبه بتكييفه و باوره و سلاطاته
4- شوفته علي اوبل و لا عالارض في الشونه؟
لو راكب في اوبل ده موتور astra "f" 1.4 mpi 4 رشاش
لو عالارض ممكن يكون موتور سيليو او لانوس
راي لو هتغير الموتور خليك فالتيجرا 1.4 او اللانوس 2 كامه لو ينفع يترخص
متور التيجرا عادي بيركب منغير تعديل غير الكنترول و نص الضفير الامامي
ويدول بيجو مع المتور انا كنت في الحرفين وكان عامل 3500 بلتركيب
وي الترخيص ملوش دعوة بالتيجرا اهم حاجة يكون اوبل بس
تسلم يا باشا وشكلها ان شاء الله هترسي علي كده
هو ماتور التيجرا 1800 و 2000 افضل وي هتحس انك راكب سيارة سباق
هو التيجرا 1600 ولا 1800 ؟؟؟
وموجود برده 2000 منه
بس ايه رأيك اركب ايه فيهم ان شاء الله لما اجي اغير؟
2000 لو انتا بتسافر كتير وي تحب الجري
1800 لو انت مبتسفرش كتير
1600 لو انت معظم مشريرك داخل المدن والزحمة علشان البنزين
تسلم يا باشا