مشكووووووووووووووور
عرض للطباعة
اولا اتنا عامل اعلان, ولا ذكرت فيه العربية موجودة فين ولا اساسا سايب نمرة تليفون, طب احنا نوصلك ازاى انا مش فاهم.
ثانيا السعر زيادة حبتين لسببين, اولا العربية ماشية كتير شوية عند سنة تصنيعها, يعنى مفترض المتوسط من 20 ل 25 الف بالكتير فى السنة, يعنى هيا مفروض يكون اخرها فى حدود 50,000 ك دلوقتى.
ثانيا بالسعر ده فيه اجيب سيراتو اعلى فئة بدون بصمة و عداد اقل فى حدود 40000 الى 50000 ك.
الناس الي بيتقول العداد ,,,, العداد ده اخر شيء الواحد بيبص عليه لما بيجي يشتري عربيه
ياما ناس لبست في عربيات كانت عامله 30 الف كيلو وطلع ملعوب فيها وطلع فيها عيوب واعطال ولا العداد ملعوب فيه
وممكن يكون الواحد ماشي بالعربيه قليل بس مطلع عنها ومش مهتم بالصيانه وبيحط 80 ولا 90
وواحد ماشي بيها كتير بس براحه ومحافظ عليها وعلى الصيانه بانتظام ومهتم وبيحط 92 ولا 95 دائما
المهم الكشف ويفضل في التوكيل وتشوف الهيستوري بتعها ولو ان سعات لما بتتخبط
بيصلحوها برا التوكيل
وبالتوفيق في البيع للأخت او الاخ صاحب الموضوع
أنا بعت عربيتى النترا 2010 من 3 شهور وكانت عاملة 33000 كيلو (كنت شاريها زيرو)
فتحة سقف - فوجات - جنط سبور فبريكة - حساس ركن - فرش جلد بيج ولون السيارة اسود.
العربية بوية فابريكة بالكامل حتى الاكصدامات وفيها رخصة سنة ب87000 .
باشا كل حاجة لازم يتبص عليها لأن كل حاجة و ليها ثمنها.
فابريقة بره بالكامل غير رشة اجزاء بسيطة غير رشة حزام غير رشة شنطة و كبوت غير رشة سقف.
مقارنة العداد بسنة انتاج العربية و معدل مشيها بيفرق يعنى لو المعدل اقل غير لما المعدل يزيد, و ده مايعبش فى العربية لكن بيفرق فى السعر, و طبعا العدادات اسهل حاجة يتلعب فيها, بس اليعمل كده منه لربنا باه و كمان بيبان على حالة العربية ده البيركب كتير.
فى الأخر الحالة العامة من الموتور و العافشة و حتى الكاوتشات ده بتحسب المصاريف العاوزاها العربية و تشوف السعر يتماشى معاك ولا هينزل من سعر العربية.
و اخيرا ده موضوع بيع فى العام و انا معبتش على العربية فى حاجة انا بتكلم ان السعر زايد شوية, و فى اخ بعدى اكد الكلام ده.
و أخيرا بعد كل ده و رغم شكوتى ان مش واضح العربية موجود فين ولا رقم التليفون, بردو لم تذكر هذه المعلومات.
يا باشا بدام عرضت سلعة للبيع, يبقى لازم سعة صدر و تستحمل الناس شوية, ممكن المش جاد ده لما يشوف العربية يسخن على اتمام عملية البيع, ممكن يكون هوا بيفكر فى حاجة و السعر يخليه يغير تفكيره, اليفرق معاك بس لو حد جه يبص على العربية و بدأ يطلع فيها اى مشاكل غير واقعية و بطريقة مستفزة هوا ده المن حقك تصده, لكن ياما عمليات بيع سيارات مكنتش هتم و نظرا لهدوء و ثقة البائع و تعاملة برفق مع المشترى (الممكن ميكونش فاهم او حد موصيه يقول كلام معين) و فى الأخر تلاقيه ارتحلك و تمم البيعة.
و اخيرا حضرتك عارض اعلان بيع سيارة بردو من غير متقول هى موجوده فى اى منطقة, طب ممكن تكون موجوده فى مكان بعيدة عنى او عن غيرى يبقى منحاولش نزعجك اصلن.
و اخيرا انا مش قادر استوعب لزمة الاعلان من غير وجود وسيلة للاتصال اساسا, بس يعنى ده "أ - ب" العاوز يبيع, و صدقنى حضرتك الكده مش جد فى عملية البيع اساسا, انا اعرف ناس البيخافوا من الازعاج بيجيبوا رقم جديد مخصوص لاعلان البيع.
مع العلم ان فى 2 من الأخوة هنا و هما العاوزين يشتروا لدرجة ان هما السابولك رقم تليفونهم, و الله اعلم حصل تواصل بالطبع ولا لأ.
عموما ربنا يوفقك فى الأول و الأخر.
و صحيح فقط للتوضيح, انا بصراحة مش مهتم حاليا بهذه السيارة, رغم انى احترمها و فعلن بدور على سيارة للشراء لأنى لسه بايع عربيتى من كام يوم, و لكن الالنترا لا تناسب طبيعة قيادتى مع احترامى الكامل لنعومة عفشتها و ركوبتها, لكن الفكرة انتا كنت داخل تستفسر عن السعر من الأول, و الخلانى مهتم ان ليا صديق لسه شارى واحدة مواصفات قريبة جدا من سيارتك فكان عندى نية المساعدة سواء ليك او لغيرك.