مشكلة الحرارة اللى بتطلع فى الكونصول .. فى السيراتو

السلام عليكم ...

الموضوع ده متضمن كذا نقطة عايز اتكلم عليهم ... انا المفروض انى هشترى سيرتو مانيوال .. بس لما ازمة كوريا تفك ..

العيوب اللى واحد من ملاك العربية قالها لى .. (معاه سيراتو 2011 سعودى )
1- اخلى بالى وانا بجرى عشان الثباب مع التورشن بيم ..
2- السخونية اللى بتطلع من نص الكونصول تحت فرامل اليد وده من الشكمان ... وساعات فى يوم حر بتكون كمان تحت رجليه ...

والمميزات ... كلنا عارفينها ...

ممكن حد يفيدنى .. ويقولى لعمل ايه .. لانى كنت ناوى اجيب النترا مانيوال بس الفر 20 الف بينهم .. مش قليل

-حضرتك المشكله دي ف اي عربيه هيونداي-كيا فيها موتور Gamma
-الموتور ده Exhaust mainfold ناحيه السواق و العزل وحش ف بيعمل كده قصدي على الحراره على الرجلين مشكله موجوده ف النترا اكسنت I 30
-لا يوجد حل للمشكله
-حاجه قرف لسه امبارح بليل و الجو ساقعه نازل من العربيه رجلي نارر من السخونيه لازم تشغل التكييف عشان تلغي السخونيه

السخونيه دى من الكونسول عادى و مش عاليه للدرجه بتحس ان الكونسول دافى لكن مفيش سخونية من عند الاقدام دى خالص محستهاش قبل كده

يعنى هى بتظهر عشان العزل الداخلى هو اللى مش كويس ... ولا لام الا Exhust قريب من جسم العربية

من المعروف عن السيراتو ان العزل الحراري بتاعها غير جيد

انا معايا سيراتو 2013 خليجى عمرى ماحسيت ان الكونصول دافى حتى ولا الدواسات معرفش بقا هل فى اختلاف بين 2013 و 2011 ولا لا

اقتباس:

---

المشاركة الأصلية كتبت بواسطة khaled_legand

من المعروف عن السيراتو ان العزل الحراري بتاعها غير جيد

---

عزل الصوت فيها اسوأ , بتكون دايره و سامع صوت ونه المحرك و حاسس انه داير !!

اقتباس:

---

المشاركة الأصلية كتبت بواسطة toty_305

-حضرتك المشكله دي ف اي عربيه هيونداي-كيا فيها موتور gamma
-الموتور ده exhaust mainfold ناحيه السواق و العزل وحش ف بيعمل كده قصدي على الحراره على الرجلين مشكله موجوده ف النترا اكسنت i 30
-لا يوجد حل للمشكله
-حاجه قرف لسه امبارح بليل و الجو ساقعه نازل من العربيه رجلي نارر من السخونيه لازم تشغل التكييف عشان تلغي السخونيه

---

مفيش حاجه ملهاش حل .
بيتحط عازل حرارى و كل حاجه بتبقى زى الفل .

اقتباس:

---

المشاركة الأصلية كتبت بواسطة temo85

عزل الصوت فيها اسوأ , بتكون دايره و سامع صوت ونه المحرك و حاسس انه داير !!

---

صوت الموتور هو اللى عالى .قبل ميعاد الصيانه .لكن اول ما بعمل صيانه لحد 2000 كم ما بسمعش صوت الموتور خالص و بيبقى ناعم جدا .و الموضوع دا متكرر

مشكلة سخونة الكونصول موجوده فى المكان اللى فيه ال usb والولاعة وحلها بوضع بادة بتعزل الحرارة
والكلام ده بيكون فى الصيف بس انما من ناحية الفتيس ناحية المسند محستش بيها قبل كده .
مفيش سخونية من ناحية الاراجل نهائى ومحدش اتكلم عليها قبل كده
المشكلة دى لا تعيب العربية وحلها سهل مش صعب دلوقتى بوضع عزل فى الجزء ده من اسفل

الله ينور يا استاذنا ابو ليلى

متقلقش انا باذن الله هعمل موضوع مخصوص عن تركيب عازل حرارى فى كونسل السيراتو
تابع انت معانا و انا باذن الله هظبطك .لو عاوز لبن العصفور هجيبهولك يا كبير
انت بس تامرنى
انتظر الموضوع بكرا او بعده بالكتير .
حسب النت
انا عن نفسى الموضوع جاهز
بس ناقص على النت