استفسار بخصوص الرخصة والنضارة الطبية

**woof** · 14-10-2012 02:06 AM

المشاركة الأصلية كتبت بواسطة matrix_it

انا لابس نضارة !! و مش مكتوب حاجة فى الرخصة

احمد ربنا انا ليا ناس اصحابي كده بردو وبحسدهم مش عارف الظابط جه عليا
كده مش نازله من زور باين مع اني منطقتش معاه اساسا وعطيني ختم كبير اوووووووووووووووووووووووو وووي واخد نص الصفحة من ورق الرخصة منسهوش

مكتوب فيه نضارة طبية

يابختك بقى انا مش بحسد انا بتحسر بس على نفسي
ههههههههههههههه

وشكرا لحضرتك

**woof** · 14-10-2012 02:15 AM

المشاركة الأصلية كتبت بواسطة أبو صلاح

غريبة موضوع النظارة في الرخص ده

يا عم انت بتجيب شهادة باطنة ونظر اي كلام ب 20 ج
ولا بتكشف ولا بتاع

ممكن تكون انت حبكتها شويتين وانت بتعمل الرخصة

والله انا جبت في الاول الشهادتين ومرحتش اساسا دول جم لحد عندي
ومكتوب فيهم ان كله مية مية ونظره حلو وبطنه حلوة وكده وهما اساسا مش شافوني

بس الله يسامحه الظابط بقى

وشكرا لاهتمام حضرتك

**Amr Axel** · 14-10-2012 02:27 AM

بص يا باشا موضوع النضارة ده فعلا صح و يا جماعة موضوع النضارة ده حقيقي
لو الرخصة بنضارة و حد وقفك و شافك مش لابسها فيها مشكلة ليك لأن ده يعني انك ممكن متكونش شايف و ممكن ده يردي لكارثة
عشان كده لو حضرتك بتلبس نضارة بتقدم الصور بنضارة و تتصور صورة الرخصة بدون نضارة و لو بتستخدمها دايما لأن فيه ناس ممكن تشوف بدون نضارة
و مفيش حاجة تثبت عملية الليزك هو ليه باللي قدمه في الرخصة
و عامة ممكن حد يعديها و ممكن واحد يغلس و هنا حقه و متقدرش تكلم معاه
اعتقد حلها تغيير الرخصة

**mbx4e** · 14-10-2012 05:01 PM

ياجماعه بالنسبه للي لابس نضاره وبيعمل رخصه جديد
الصور بتاعته تبقى بالنظاره وخلفيه بيضاء + التقرير او شهاده كشف النظر بيكتب فيها انه لابس نظاره
بيتصور في الرخصه بالنظاره وبيكتب في الرخصه نظاره طبيه عادي جدا
بالنسبه للمخالفات لو هو مش لابسها ما عنديش خلفيه
بالنسبه للي عايز يجدد وعامل لايزك اعتقد انه مافيش مشاكل يجدد حتى قبل نهاية الفتره بس هايخد معاه التقارير الجديده ويعمل كشف او شهاده طبيه تثبت الموضوع دا انت كدا هاتروح تدفع لهم فلوس مش هايقولوا لا كانك بتعمل بدل فاقد ياما تنفض خالص وتحط نظاره عيره كدا في الطابلوه تلبسها وقت الكمين او اللجنه وتجدد لما تنتهي
وممكن تعمل مهنية تالته احسن لو انت محتاجها بماا انك عدى عليك اكتر من 3 سنين بالخاصه

**woof** · 15-10-2012 01:21 AM

المشاركة الأصلية كتبت بواسطة axel

بص يا باشا موضوع النضارة ده فعلا صح و يا جماعة موضوع النضارة ده حقيقي
لو الرخصة بنضارة و حد وقفك و شافك مش لابسها فيها مشكلة ليك لأن ده يعني انك ممكن متكونش شايف و ممكن ده يردي لكارثة
عشان كده لو حضرتك بتلبس نضارة بتقدم الصور بنضارة و تتصور صورة الرخصة بدون نضارة و لو بتستخدمها دايما لأن فيه ناس ممكن تشوف بدون نضارة
و مفيش حاجة تثبت عملية الليزك هو ليه باللي قدمه في الرخصة
و عامة ممكن حد يعديها و ممكن واحد يغلس و هنا حقه و متقدرش تكلم معاه
اعتقد حلها تغيير الرخصة

معاك حق والله بس يمكن علشان الموضوع ده مش ملفت للانتباه ناس كتير مش تعرفه بس في نفس الوقت ممكن حد يغلس ويعملها مشكلة يارب مقعش بس ولا في ايد واحد حلو ولا وحش اكون ماشي في حالي كده وخلاص محدش له دعوة بيا ههههههههههه

شكرا كتير لاهتمام حضرتك

**woof** · 15-10-2012 01:24 AM

المشاركة الأصلية كتبت بواسطة mohamed_mohsen

أنا برضه لابس نضاره و الرخصه مكتوب فيها نضاره طبيه

مينفعش نجيب كولكتر نمسح بيه الكلمة الرخمة دي من على الرخصة ونريح نفسنا

**woof** · 15-10-2012 01:31 AM

المشاركة الأصلية كتبت بواسطة mbx4e

ياجماعه بالنسبه للي لابس نضاره وبيعمل رخصه جديد
الصور بتاعته تبقى بالنظاره وخلفيه بيضاء + التقرير او شهاده كشف النظر بيكتب فيها انه لابس نظاره
بيتصور في الرخصه بالنظاره وبيكتب في الرخصه نظاره طبيه عادي جدا
بالنسبه للمخالفات لو هو مش لابسها ما عنديش خلفيه
بالنسبه للي عايز يجدد وعامل لايزك اعتقد انه مافيش مشاكل يجدد حتى قبل نهاية الفتره بس هايخد معاه التقارير الجديده ويعمل كشف او شهاده طبيه تثبت الموضوع دا انت كدا هاتروح تدفع لهم فلوس مش هايقولوا لا كانك بتعمل بدل فاقد ياما تنفض خالص وتحط نظاره عيره كدا في الطابلوه تلبسها وقت الكمين او اللجنه وتجدد لما تنتهي
وممكن تعمل مهنية تالته احسن لو انت محتاجها بماا انك عدى عليك اكتر من 3 سنين بالخاصه

انا فعلا عامل كده حاطط نظارة في التابلوه تحسبا لاي شئ
هي الفكرة انهم هياخدو فعلا فلوس بس اكيد هيدوخني السبع دوخات وهيبقى موال كبير
ده المرور عندنا مش اقولك لازم تفوت على 150 موظف علشان يقولك روح ل ده وده يقولك تروح ل ده وفي الاخر يقولك لا مش عندنا

بس معلش عاوز اعرف من حضرتك التجديد بيبقى ازاي وهدخل امتحان تاني ولا ايه

ومعلش مش فاهم حتة الرخصة المهنية التالتة دي ممكن توضحها اكتر