عرض للطباعة
رحت عند معرض العامليه المتحده اللي هو توكيل ديهاتسو
ناس محترمه جدا
قالي المسئول انهم موزع معتمد ل نيسان واسسبيرنزا وديهاتسو و عندهم استعداد يوفروا اي نوع تاني
التقسيط عندهم مباشر والتامين اسلامي في بيت التامين السعودي
سؤالي بئا قلتلهم انا عايز رسنو ستيب واي
قالي هنشوفها متوفره في معرض ايه ويشتروها هما وبعد كده يقسطوهالي بس بسعر اعلي من اللي هما هيشتروا بيه
ايه رايكم كده حلال ولا فيه شبهه
هو اعتقد ان ده الصح
المفروض عشان تبعد عن شبهة الربا انك بتروح لحد عنده البضاعة جاهزة للبيع ويبيعهالك بتمن اعلى لو هتدفع قسط
اما لو انت قولتله انا عايز حاجة ومكانتش عنده وراح اشتراهالك مخصوص فدة فيه شبهة ربا والله اعلم
ان شاء الله حلااااااال
زى الناس اللى بيقسطو الاجهزة الكهربائية
بيشتريها مثلا ب 100 جنيه
ويبعها قسط ب 150 جنيه
يعني هبيئا فيه شبهه لو العربيه هيجبهالي من معرض تاني غيره
طيب لو انا قلت اجيب من الحجات اللي هو موزع معتمد ليها اللي هي النيسان او الاسبرنزا او التريوس كده في شبهه ولا لا
طيب معلش اتاكد من فين بفتوي اكيده ان النظام ده حلال ولا حرام ساعدوني يا جماعه انا مش عايز ادخل في شبهة الربا
ده موقع دار الافتاء و حاول تتصل بيهم و تسأل علي اللي انت عاوزه
Dar al-Iftaa | دار الإفتاء المصرية
بص يامعلم : بس ياريت تركز في كل كلمة علشان الكلام دقيق جدا .....
دلوقتي حضرتك هتروح تشتري العربية منهم ...وهما هيشتروها من مكان تاني ...طيب افرض أنت رجعت في كلامك بعد ماهما اشتروا العربية ؟!!! لو المعاملة سليمة المفروض مايبقاش عليك حاجة ...لكن اللي بيحصل انهم بيمضوا معاك عقد الأول قبل ما يشتروا ...وده حرام .....بنص : لا تبع ماليس عندك .....لذلك قبل ماحضرتك تسأل حد ...لازم تعرف النقطة دي وتقول له ...ثانيا عقد البيع ....مهم جدا تصور العقد وتروح تسأل حد بالعقد لأن في ألفاظ بتكون موجود في العقد تقلب المعاملة من ربا لبيع والعكس .......
ممكن تكلم الشيخ علي السالوس على التليفون دا: 22717370
او ممكن تقابله في مسجد بلال في مدينة نصر..
الشيخ علي السالوس | طريق الإسلام
إن شاء اللــــــــــــــــــــــ ـــــه حلال لأن الربا هو فلوس بفلوس ..........انما ده بضاعة بفلوس(معاملة آجلة).
دع اسمه بيع الصفه انت بتوصف الحاجه لاى شخص مش شرط يكون بيبيعها وهو يشتريها ويقسطهالك حلال مفيش مشكله خالص إن شاء الله
انا كده احترت اكتر
حلال ولا حرام يعني
حلااااااااااااااااااااااا ااال
احييك لانك تتحرى الحلال
حتى لو المعاملة اللي هاتتم دي حلال..
عايز الفت نظرك ونظر الجميع لنقطة صغيرة ولكنها خطيرة ..
اي عقد تقسيط بيبقى فيه بند اسمه غرامة تأخير.. بمعنى انك لو تأخرت عن دفع القسط يتحسب عليك مبلغ زيادة وهذا هو الربا بعينه..
موقع الإسلام سؤال وجواب - اشتراط غرامة التأخير في البيع بالتقسيط
بالظبط ياباشا كلام سليماقتباس:
المشاركة الأصلية كتبت بواسطة timtim