أحبسوا أنفاسكم وأستعدوا ... هيونداي i30 ثلاثية الأبواب الجديدة قد وصلت

**Hosam_Optrawy** · 15-10-2012 05:05 PM

المشاركة الأصلية كتبت بواسطة hossam_elwani

طيب غريبه العربيه دى منافسه جدا حتى ولو الشكل القديم فى ظل ارتفاع الاسعار الغريب لموديلات احقر منها ... السؤال ياترى هل الشكل القديم متوفر فع فى مصر عند الطلب؟؟

وهل يتمتع بكامل المواصفات الاوروبيه زى ix20

عشان بقت شكل قديم , والناس بتخاف من قلة انتشارها مع انها تعتبر النترا هاتش باك , والهاتش باك ملوش سوق زى السيدان

ومواصفاتها مش زى ال ix20 خالص , على ما أذكر مفيش غير ABS وواحد ايرباج فقط ومش فى كل الفئات كمان موجود فى اخر فئتين فقط 132,500 و 139,500

حتى مفيش اى اوبشنز من اللى ممكن تغرى المشترى , ولا سمارت كى ولا فرش جلد ولا سنسور ولا كاميرا ولا مرايات ضم ولا ولا ....

كفايه ولا اقول كمان :)

بس كل دا ميمنعش ان ال i30 عربيه محترمه واول عربيه من هيونداى تاخد 5 نجوم فى ال EuroNCAP وليها مبيعات كويسه فى اوروبا طول السنين اللى فاتت , بس فى مصر بقى الدنيا بتختلف والبركه فى غبور والجمارك

**hossam_elwani** · 15-10-2012 05:42 PM

المشاركة الأصلية كتبت بواسطة hosam_optrawy

عشان بقت شكل قديم , والناس بتخاف من قلة انتشارها مع انها تعتبر النترا هاتش باك , والهاتش باك ملوش سوق زى السيدان

ومواصفاتها مش زى ال ix20 خالص , على ما أذكر مفيش غير abs وواحد ايرباج فقط ومش فى كل الفئات كمان موجود فى اخر فئتين فقط 132,500 و 139,500

حتى مفيش اى اوبشنز من اللى ممكن تغرى المشترى , ولا سمارت كى ولا فرش جلد ولا سنسور ولا كاميرا ولا مرايات ضم ولا ولا ....

كفايه ولا اقول كمان :)

بس كل دا ميمنعش ان ال i30 عربيه محترمه واول عربيه من هيونداى تاخد 5 نجوم فى ال euroncap وليها مبيعات كويسه فى اوروبا طول السنين اللى فاتت , بس فى مصر بقى الدنيا بتختلف والبركه فى غبور والجمارك

متشكر جدا على التوضيح وعلى سعة صدرك

**الع العمدة مدة** · 15-10-2012 05:58 PM

هو في عربية هيونداي تتصنع في المانيا حرام عليك ياراجل لا وايه تصنع بالكامل في المانيا ده لبس ها ههههههههه طيب خليها الجنوط تصنع في المانيا ارحم واقرب للعقل@ ودا برضه لبس هههههه
ده اساسا لو المانيا وافقت انها تتصنع فيها الهونضاي العاملين بالمصنع مش هيرضوا يشتغلو وهيعملو اضراب ههههههههه

**Samir Elshahawy** · 15-10-2012 07:54 PM

العنصرية هي أن تري الأخرين علي أنهم أقل منك شأنا حتي و أن أرتقوا , و بالرغم من أن الألمان شعب عنصري الا أنهم يقدرون منافسيهم و يحترمونهم و ليس أدل من ذلك علي أعترافهم بان هيونداي تقدمت و اصبحت تمثل خطرا حقيقيا علي منتجاتهم و ليس هذا فحسب و لكن شركة عريقة و كبيرة مثل بي ام دبليو تجري مفاوضات مع هيونداي لنتاج اول محرك مشترك بين الشركتين

و لسه فيه ناس بتستقل بهيونداي .... باقولهم : صحوا النووووووووم

**الع العمدة مدة** · 16-10-2012 03:34 PM

المشاركة الأصلية كتبت بواسطة ashturbo

تصنيع السيارة في التشيك لا يقلل من جودتها بأي حال من الأحوال هي دولة أتحاد أوروبي يخضع أنتاجها وتصنيعها لمعايير أوروبية صارمة تتساوى فيها ألمانيا مع التشيك مع ميزة أنخفاض العامل التشيكي عن العامل الألماني بكل تأكيد ... التشيك بتصنع عربيات أوروبي محترمة زي السكودا فهل ده يقلل من قيمة السكودا ؟

بالنسبة للأسلوب الساخر اللي بتتكلم بيه عن هيونداي بيفكرني بالمثل الشهير القائل :

القرعة (المصرية) تتباهى بشعر بت أختها (الألمانية) .

شايفني راكب عربية مصري مثلا ولا ايه؟

**الع العمدة مدة** · 16-10-2012 03:41 PM

المشاركة الأصلية كتبت بواسطة AshTurbo

تصنيع السيارة في التشيك لا يقلل من جودتها بأي حال من الأحوال هي دولة أتحاد أوروبي يخضع أنتاجها وتصنيعها لمعايير أوروبية صارمة تتساوى فيها ألمانيا مع التشيك مع ميزة أنخفاض العامل التشيكي عن العامل الألماني بكل تأكيد ... التشيك بتصنع عربيات أوروبي محترمة زي السكودا فهل ده يقلل من قيمة السكودا ؟

بالنسبة للأسلوب الساخر اللي بتتكلم بيه عن هيونداي بيفكرني بالمثل الشهير القائل :

القرعة (المصرية) تتباهى بشعر بت أختها (الألمانية) .

ونفس المثل يبقي فكر بيه نفسك لما تتباهي ان الهونضاي بتتصنع ف التشيك هتبقي عربية محترمة ههههه مهما عملو هتفضل كوري الي هي القرعة وبالنسبة ان التشيك بتتصنع فيها سكودا ودلوقتي البتاعة ديه اديك مثل وهو الاسد اسد ولو رقصت علي جثته كلاب والكلاب كلاب هههههههههههه افهما انتا بقي

**AshTurbo** · 16-10-2012 10:53 PM

المشاركة الأصلية كتبت بواسطة الع العمدة مدة

شايفني راكب عربية مصري مثلا ولا ايه؟

ماهي دي المشكلة أن مفيش أصلاً عربية مصري ومع أنك مصري بتسخر من بلد بتعمل عربيات قدامنا سنين كتير علشان نعمل زيها وعموماً الأمريكان بيركبوا كوري الألمان بيركبوا كوري والأوروبيين بيركبوا كوري زعلان علشان المصريين بيركبوا كوري ؟؟

الشركات الأوروبية بدأت تحارب هيونداي - كيا بشكل علني ياترى علشان بيعملوا عربيات وحشة ولا علشان بيعملوا عربيات محترمة ؟

عارف ... لو أنت أمريكاني وبتتسخر من هيونضاي زي ما بتقول ماشي هتفهم السخرية حقك ياسيدي ما بلدك بتعمل أحلى عربيات لكن أنت مصري عندك أيه تتباهى بيه قدام الكوري مش في العربيات بس في أي حاجة بس تكون غير الفكاكة والتريقة على كل حاجة علشان دول أحنا ملوك العالم فيها .

تقبل تحياتي .

**الع العمدة مدة** · 17-10-2012 01:28 PM

المشاركة الأصلية كتبت بواسطة AshTurbo

ماهي دي المشكلة أن مفيش أصلاً عربية مصري ومع أنك مصري بتسخر من بلد بتعمل عربيات قدامنا سنين كتير علشان نعمل زيها وعموماً الأمريكان بيركبوا كوري الألمان بيركبوا كوري والأوروبيين بيركبوا كوري زعلان علشان المصريين بيركبوا كوري ؟؟

الشركات الأوروبية بدأت تحارب هيونداي - كيا بشكل علني ياترى علشان بيعملوا عربيات وحشة ولا علشان بيعملوا عربيات محترمة ؟

عارف ... لو أنت أمريكاني وبتتسخر من هيونضاي زي ما بتقول ماشي هتفهم السخرية حقك ياسيدي ما بلدك بتعمل أحلى عربيات لكن أنت مصري عندك أيه تتباهى بيه قدام الكوري مش في العربيات بس في أي حاجة بس تكون غير الفكاكة والتريقة على كل حاجة علشان دول أحنا ملوك العالم فيها .

تقبل تحياتي .

انت كدا دخلت مقارنة دول مش عربيات وده ماليش فيه

**Samir Elshahawy** · 17-10-2012 08:50 PM

المشاركة الأصلية كتبت بواسطة الع العمدة مدة

ونفس المثل يبقي فكر بيه نفسك لما تتباهي ان الهونضاي بتتصنع ف التشيك هتبقي عربية محترمة ههههه مهما عملو هتفضل كوري الي هي القرعة

فعلا هيونداي مهما عملوا هاتفضل كوري .. دي الحقيقة الوحيدة الصح اللي أنت قولتها في كل كلامك

و علي فكرة ..
- التليفزيونات أصبحت .. كوري (سامسونج - أل جي)
- التليفونات أصبحت .. كوري (سامسونج و غيره)
- التكييفات أصبحت .. كوري (ال جي)
- حتي السفن صناعة كوري ( و من ترسانة هيونداي) و هيا اللي بتنقل العربيات و كل المنتجات الاوروبي ...

ماتنساش بقي تبقي تتخلص من أي حاجة من الحاجات دي لو عندك علشان كوري