يا أهل الخبرة والفكر والهندسة محتار بين التمبرا والانشيا ديدرا .... انا من الشرقية
معروض عليا تمبرا 96 معاقين والحظر بتاعها خلاص خلص بس متبهدلة شوية ومحتاجة شوية شغل ... ومش عارف اشتريها ولا اشوف لانشيا احسن ؟
ياريت تفيدونى ؟؟؟؟؟؟؟؟؟؟
يا أهل الخبرة والفكر والهندسة محتار بين التمبرا والانشيا ديدرا .... انا من الشرقية
معروض عليا تمبرا 96 معاقين والحظر بتاعها خلاص خلص بس متبهدلة شوية ومحتاجة شوية شغل ... ومش عارف اشتريها ولا اشوف لانشيا احسن ؟
ياريت تفيدونى ؟؟؟؟؟؟؟؟؟؟
في المستعمل داااائمااااا اختار الحالة ... لو مش كويسة ابعد عنها
بالتوفيق
طالما متبهدله ابعد عنها لان مفيش معاق بيبيع عربيه بعد فك الحظر الا لما يبقى فرم اللى خلفوها وبياخد الفلوس منك يروح يشترى واحد لسه بخيرها يفرمها برضه وهكذا
افهم من كدة ان اللانشيا احسن ؟ ولا ادور برضة على تمبرا بحالة كويسة ؟
هات الحاله الانضف حتى لو 128
دور علي تمبرا نضيفه
اافضل
الانشيا مش موجوده في الشارع اختفت
خليك في المضمون
لاقدر الله
احتجت رفرف باب كبوت فانوس
[QUOTE=drahmed80;3874576932]طيب اية احسن موديلات فى التمبرا ؟ وسعرها كام دلوقتى ؟[/QUOT
اكيدالموديلات الاخيره منها بشرط الحاله
الاسعار ماقرش افيدك
طيب ياريت الناس الجامدة تشارك معانا وتفيدنا ........ فين اهل الخبرة ملاك الفيات الجبارين ؟
اكيد هيكون الاختيار الامثل هو التمبرا بشرط الحاله الجيدة
ابعد عن لانشيا لان قطع غيارها الجديده مش موجوده و الاستيراد نادره و بأرقام فلكية لانها عربيه متباعتش كثير فى مصر (رغم انها من العربيات الممتازة جدا جدا و مواتير لانشيا كاداء برقبة 1000 موتور فيات رغم انهم نفس الشركة)
افضل موديلات التمبرا هو موديل بدايات التسعينات (1991 - 1993) اللى فيه عدادات ديجيتال
يليه موديل الـ gi اللى كان انجكشن فى موديلات 1998+
المهم هو الحاله الجيده
التمبرا مفيش منها تقفيل مصرى كثير لان شركة النصر كانت بتنتج الشاهين و الدوجان و الـ 128 فى الفترة دى ...
التمبرا بدأت من 1990 حتى 1999 فقط ..
الفكره ان بدايات التسعينيات كان التجميع ايطالى بالكامل (حتى 1994) و بعدين بقى تجميع بولندى او يوغوسلافى تقريباً مع تغيير الشكل و نزول الموديل الهاتشباك الكبير (1994-1997)
كان فيه على فكره تجميع ايطالى للتمبرا بعد 1994 بس بمواتير 1800 و 2000 و تربو و دى طبعا عمرها ما نزلت مصر ...
التمبرا فيه منها تقفيل مصرى كتير عادى والايطالى افضل بمراحل من المصرى مع شرط الحاله الكويسه طبعا
ولو عاوز تعرف التيمبرا اللى ادامك مصرى ولا ايطالى حتلاقى المصرى مكتوب على الازاز كله بتاعها دكتور جريش لكن الايطالى مكتوب عليها فيات :00020140:وال 1800 وال 2000 موجود منها بس استيراد ونادره شويه ومشكلتها فى قطع غيار الموتور طبعا كان فيه زميل لينا هنا كان دايخ على سير لمكنه 1800 ومش لاقيه
بص لو حالتها نضيفه اوى وانت مش بتستخسر فيها وبتركب قطع الغيار الاصليه حتسافر معاك كل يوم عادى ومش حتعمل معاك مشاكل ان شاء الله زيها زى اى عربيه حديثه بس بلاش تشتريها من واحد مش بيصرف عليها او مبهدلها عشان حتتعبك
وهى عمليه وواسعه وثابته جدا على الطريق ووزنها تقيل اكتر من طن مش خفيفه وفى الحوادث امان جدا عن العربيات الكورى لان صاجها ناشف وقوى يعنى عربيه معموله صح مش اى حاجه وخلاص عشان كده بقولك الايطالى افضل من المصرى بمراحل وحتلاقى الايطالى لحد سنه 96 تقريبا
وخد الموضوع ده اقرأه كويس حيفيدك اللى عمله استاز هشام كبير التمبراويه فى المنتدى وحتلاقى بداخله لينك فيه اسعار قطع الغيار كمان
http://www.nilemotors.net/Nile/257317-a.html
اه نسيت اقولك لو حتجيبها مكيفه اكشف على التكييف كويس لان اغلب اللى بيبيع بيقولك التكيف عاوز شحن بس هو لو كان عاوز شحن بس كان هو راح عمله ب 100 جنيه لكن فى الغالب بيبقى التكييف عاوز تلاجه او كمبروسر او الخ الخ وطبعا حيعمل مبلغ محترم عشان تصلحه فخد بالك كويس من موضوع التكييف ده عشان انا شفت بلاوى