المشاركة الأصلية كتبت بواسطة ahmed-adel
مع احترامي لاراء كل الناس
بس يا ريت تخدوا بالكم من الكلام اللي أنا معلمه ده و احكموا بعدها من الغلطان :)
ممكن أسأل حضرتك سؤال ؟؟
إزاي بصيتي في المراية و مشوفتيش إنه جاي ؟؟!!!!
و تاني حاجة من كلام حضرتك 'الراجل نط بالموتوسيكل قدام '
يعني حضرتك خبطآه من ورا لأن لو هو خابتك من قدام كان وقع قبل العربية مش بعدها
تالت حاجة ,حتى لو هو اللي خابط
المفروض إن دي حارته و حضرتك المفروض تستني لحد ما الحارة تفضى عشان تطلعي
مش زي ما حضرتك قلتي 'شايفنى مدية اشاره وطالعة مفروض يبص ويحاول يبعد عنى خصوصا الشارع مكنش زحمة والحركة شغاله مش الشارع'
هو اللي ليه الأولوية ,حضرتك اللي المفروض تستني :)
ليه حق طبعا يتعصب ,بس ملوش حق يمد ايده في العربية
و لو كان اتكلم بالذوق كان اخد حقه
بس حضرتك حُطي نفسك مكانه ,ده لسة طاير من على الموتسيكل :)
طبعا فكرة إنه يخبط دماغه في الحيط و مش هيعرف يعمل حاجة
هي عمرها ما كانت كده ,فيه ربنا اللي أحسن من أي حد
ممكن عربية حضرتك مثلا تتخبط وهي واقفة , وتصلحيها باكتر من الفلوس اللي كنتي هتديهاله مثلا
ده لو كان هو فعلا صاحب حق
أنا بصراحة شايف إن حضرتك اللي غلطانة مش هو