بسم الله الرحمن الرحيم
السلام عليكم ورحمة الله وبركاته
لو سمحتم يا جماعة انا ناوى ان شاء الله اشترى اوبل فكترا موديل 2000 او 2001 او 2002 او 2003
ممكن تقلولى اسعارهم فى السوق المصرى فى الوقت الحالى وكمان عاوز اعرف لما اخد معايا ميكانيكى وانا بشترى العربية هياخد كام او اية النظام الى هم شغالين بية فى موضوع الفلوس لانى اول مرة اشترى و اية السوق الى هلاقى فية اوبل كتير و افضل الاسواق فى مصر ولو تكرمتم تدلونى على ميكانيكى كويس بيفهم فى الاوبل من المنصورة لانى من المنصورة
تقبلو فائق احترامى
اهلاً بك اولاً اخي الفاضل اولاً موضوع الميكانيكى ده مش عملى العربيه لازم تروح توكيل او عند ميكانيكى اوبل يكشف على كل حاجه غير كده لا ينصح به العربيه دى فيها اي بى اس نظام فرامل وتكيف وعفشه مش سهله حاجات ميتكشفش عليها فى الشارع وسعر العربيه ال١٦٠٠ متنيوال فوق سنة ٢٠٠٠ السليم من ٥٠ الى ٥٥ تقريباً يعنى العربيات اللى كل حاجه شغاله تمام ومش محتاجه مصاريف والمنصوره فيها ميكانيكيه كتير محترمه بتفهم فى اوبل واكيد محدش منهم هيسيب ورشتو ويطلع معاك وكما وضحت الكشف محتاج اكتر من نظره فى الشارع والله المستعان
ممكن تنصحنى اعمل اية انا اول مرة اشترى
شكرا
فين يا جماعة الردود و الاراء بتاعت خبراء الاوبل انا اول مرة اشترى و محتاج توجيهاتكم جدا جدا علشان ماشتريش حاجة مش كويسة اكتر من 60 مشاهدة والاستاذ احمد شكرا لية جدا هو الى رد بس قولولى اعمل اية وتنصحونى ب اية لو سمحتم يا جماعة
وشكرا.
1. من سوق لأ
2. عربية بيتى و مفيهاش توكيلات و لو اول يد يبقى تمام
3. الميكانيكى و السمكرى يأمنوا على الأساسيات و لو تمام يبقى على التوكيل
4. ياريت تكون فبريكه بره و طبيعى و اكيد تبقى فابريكا جوه
5. كل كمالياتك شغاله و خاصه التكييف لو قالك ده عايز شحن قله اشحنه او تشيل 3000 جنيه على طول
6. تركب العربية و تشوف الصالون و حالته و الكاوتش و انواعه و زى بعض و لا مختلفين و فيهم مسح و لا لأ - الأرضية - السقف - كل ده بعينك و تقارنه باللى العربية مشيته و مناسب ليها و لا لأ
7. تسوق العربية و تجرب مشيها و نقلتها و فراملها و عفشتها
8. السعر النضيف استحاله يقل عن 50 و يوصل فى 2003 لغاية الستينات
انت عندك كام عضوية
شكرا ليك جدا على النصايح انا لما عملت خروج العضويىة الى عامل بيها ال موضوع دى كل لما اكتب الباس ميدخلش حاولت اان السيت يبعتلى الباس الجديد على الميل كل لما اخدة من على الميل و اكتية بردو ميفتحش فا عملت عضوية تانية علشان اعرف اتابع الموضوع
انا معايا يا باشا 55 الف يجيبو اية من الموديلات دى حاجة حالتها كويسة
و الميكانيكى و السمكرى نظامهم هى فى الماديات علشان ابقى عندى فكرة انت عارف الصنايعية لو شافو حد مش عارف بيعملو اية واية راى حضرتك فى العربيات الى فى اعلانات ليها على النت ممكن اشترى منها ولا لا وفى قدام حضراتكم عربية فى السعر دة موديل من الى فى الموضوع فوق الى هم 2000 او 2001 او 2002 و اعتقد ان 2003 مش هتيجى كويسة ب السعر دة لو فى حاجة حالتها كويسة قولولى و دلونى عليها بعد اذنكم
شكرا جدا على رد حضرتك
انا رديت على رسالتك وطنانى برضو جاب المفيد
شكرا ليكم جدا على الرد و النصائح.
انا هقدر افيدك ف اسماء الميكانيكيه ف المنصوره
ف شارع سوق الجمله عندك ميكانيكي اسمه شكري للماتور ف اول الشارع كده قدامه واحد بتاع فبر
و ف اخر الشارع كهربائي اسمه رمضان
وعندك ف الشارع اللي جمب توكيل منصور اللي ف عبدالسلام عارف فيه ف اخره رضا حامد ومحمد حامد ف العفشه
الف شكر يا شريف باشا
ولو فى قدامك فيكترا موديل 2000 او 2001 او 2002 او 2003 فى المنصورة او اى محافظة تانية يا ريت تبلغنى بس تكون مانيوال 1600 cc جميع الكماليات حالتها جيدة او ممتازة
وشكرا ليك جدا :)
يعني حضرتك عايز الفيكترا بي 2 يعني
انا معايا 2002
بس عموما انته ممكن تروح للصنايعيه دول ممكن هما يجيبولك عربيه حلوه وياخدو عمولتهم عادي
بس شكري ده كان عامل عربيه قبل كده وكان عايز فيها 92 ألف جنيه d:d:d:
هات انته بس الفيكترا وانا هعرفك تجيب قطع غيارها منين كمان وكل حاجه بسيطه ان شاء الله
92 الف :d:d:dd:d:d
انا ميزانيتى 55 الف يا باشا و استاذ احمد قال ان 55 يجيبو فوق ال 2000 وحالتها ممتاذة بس 1600 منيوال و كل كمالياتها
92 الف دى ازاااااااى ::d :d
وموضوع السماسرة و التجار دة ممكن يضيعونى فى السعر غير عمولتهم :d
وشكرا جدا لحضرتك على تعبك معايا بس هى تيجى انا مش لاقى حاجة جيدة خالص :)
لأ ده هو شكري ده بيستهبل
جايب عربيه جي ال اس وعاملها سي دي اكس وهو بما انه ميكانيكي ف بيوقع حاجة العربيه دي بمزاج يعني
هو الموديل اللي حضرتك عايزه ده يوم ما يشد ف شعره ال 1600 مش هيعدي 55 ألف يعني يوم ما تكون نضيفه اوي
والسماسره مش بياخدو من 250 جنيه وانته طالع لحد 500 (دول اللي اتعاملت معاه بيع او شراء)
وان شاء الله ياباشا تلاقي حاجه نضيفه
المهم انك لما تلاقي عربيه تاخدها وتروح تكشف عليها كمبيوتر قبل ما تشتري زيادة اطمئنان يعني لأن الاوبل مينفعش تكشف عليها ف الشارع بتزودتين يعني وكده
و زي ما قلتلك اشتري انته بس وانا هعرفك اماكن للناس بتوع قطع الغيار اللي تجيب من عندهم اللي انته عايزه وانا تحت امرك يا باشا
الإخو الأفاضل قاموا بالواجب وزياده.... في إضافه صغيره شكري الميكانيكي ممكن يجبلك واحده نضيفه بس أنت فهمه إنك جاد وأنك هتديه عمولته ... هو تقريبا عارف كل عربيات منطقة الدلتا.
الله يخليك يا شريف باشا مش عارف اقولك اية والله شكرا بجد
شكرا لردك يا دكتور محمد بس شريف باشا لسة قايل انة بيستهبل فا لو حضرتك اتعاملت معاة و خد عمولة منك يا ريت تقلى فى رنج كام علشان ميستهبلش معايا الف شكر يا جماعة و هل يا جماعة ال1600 cc مانيوال حلوة ولا مش قد كدة و هعرف اشد لو فى طريق فاضى ولا اية
وشكرا .
هو شكري غالي شويه ف مصنعيته وده لأنه يعتبر احسن واحد بيشتغل ف الاوبل ف المنصوره
لكن بالنسبه للعموله معرفش بصراحه ممكن توصل لكام بس هيا العموله معروفه من 250 ل 500 مش هتزيد عن كده ان شاء الله
وحتي لو جبت العربيه عن طريق غير شكري خدها اعملها كشف الكمبيوتر عنده وده طبعا قبل ما تشتريها زي ما قلت لحضرتك واما تشتريها بقي ابقي اعمل السيرفيس بتاعها عنده برده
بس هيا المشكله ف الناس بتوع قطع الغيار اللي جوه المنصوره دول بيبقو غالين اوي
مروحتها من غير القميص عند وليد حماد ب 350 جنيه (كتير جداااا) عند واحد تاني ع الطريق كده انا اعرفه وكنت اول مره اتعامل معاه جبت مروحة استرا ب 200 بقميصها واتعدلت لفيكترا ف ثواني
حساس ال اي بي اس جوه المنصوره بيعمله 600 و 800 لأنهم انواع
جبته انا من كام يوم من عند واحد غير اللي انا جايب منه المروحه وب 300 جنيه و احتمال اركبه بكره ان شاء الله
الف مبروك يا باشا انت لسة جايب العربية قريب ولا اية
بس دة فرق كبير فى الاسعار انا على كدة اخدها لحد من الى قلت عليهم دول يعملها سرفيس وخلاص حتى لو هسافر بس لازم السرفيس دة حتى لو صاحب العربية بيقلى ان كل حاجة تمام ؟
و ان شاء الله ربنا يباركلك فيها و يحفظهالك :)
واكيد بعد الكشف عليها لازم يتعملها السرفيس دة و كمان اليرفيس دة بيتغير فيها اية و لما يتعمل كلة هيبقى فى حدود كام
وشكرا :)
هو شكري ده ممكن يجيب أسترا ولا متخصص بس في فيكترا ؟اقتباس:
المشاركة الأصلية كتبت بواسطة dr.m_baz
اعتقد ايوة ممكن يجيب استرا واكيد الاعضاء عارفين اكتر منى و يقدرو يفيدوك
:)
بس يا جماعة هو مش شكرى ممكن يجيب عربية مش فابريكا و يعملها هوة ويقولى فابريكا و كدة وحتى ممكن يكون الى غيرة فيها قطع غيار مش كويسة و انا مش هاعرف ممكن يعمل كدة ولا اية يا ريت الرد عليا فى الاستفسار دة
شكرا
هو مش هيشتري من شكري شكري هيكون وسيط بس وياخد عموله
والعربيه لة صاحبها قعد يقولك فيها شعر احسنلك تعمل السيريفيس بتاعها وبيبقي طقم فلاتر زيت وبنزين وهوا
وبتشوف السيور والبوجيهات وممكن تغيرلها زيت المكنه وتحط بترومين 1500 كيلو وتنزله 1000 مثلا وتعمل كده كذا مره كغسيل لقلب المكنه من جوه يعني وبعد كده تبقي تغير الفلتر وتحط الزيت اللي انته عايزه واللي انا ماشي بيه شيل 5000 بسعمله 130 جنيه كده
وياباشا اشتري انته بس واي قطع ايار مقدور عليها وسهل اوي اعرفك علي الناس اللي قولت لحضرتك عليهم دول
وبتأسف بقي علي اخطاء الكتابه بس انا عشان فاتح من موبيل بقي :-d
شكري بيتعامل في كل موديلات الأوبل .... بس دايما بسمعه بيشتم في الأسترا ؟؟ مش عارف ليه.
بالنسبه لعمولته أنا معرفهاش أنا مش شاري عربيتي منه ... بس هيكون في معدل السوق.