السلام عليكم جميعا
تجربتى مع البى ام سيئه جدا
عندى واحدة موديل 2010
320i
اولا التوكيل زى الزفت مع انى كل صياناتى عندهم
اول المشاكل الكبيره كانت فى كمبروسور التكييف
حيث انه افش بعد ال100000 كم
و عملت معاهم الللى عشان ما ادفعش فلوس اصلاحه و دفعونى نصف التكاليف بالعافيه بعد ما راسلوا المانيا بذلك
بعديها بشهر افش تانى و الله و رحت ردجتلهم هناك

الان ظهرت مشكله اخرى فى الفتيس حيث انى اسمع صوت احتكاك عند السرعات البطيئه و تختفى عند السرعات العاليه
طبعا هما ما عرفوش ان المشكله فى الفتيس الا بعد محاولات عديده بعد ما غيرولى بلى و حاجات كتير وطبعا انا بادفع زى الشاطر
و بعد ما طلعوا عينى قالولى المشكله فى الفتيس عايز يتغير!!!!!!!!!!!!!!!!!!!!!!!!!
طب بكام يا عم
36000 جنيه
بتمن عربيه مستعمله!!!!!!!!!!!!!!!!!!!!!!!!!!!!!!!!!!!! !
و سألتهم طب ما ينفعش يتصلح قالوا لأ

دوخت على ورش كتيره بره و مش لاقى حد يعرف يصلحه

انا دلوقتى ندمان اشد الندم انى اشتريت بى ام و بالعن اللى شار عليا بكدة

لو حد يقدر يساعدنى لو عارف حد بيفهم فى اصلاح فتيس البى ام يبقى جازاه الله خير

شكرا