الموضوع: مشاكل ايرباج+مالتي في الايفو

المشاركة الأصلية كتبت بواسطة elpasha009

أنا معايا ايفو 2011 ومن كام يوم لمبة الايرباج منورة علطول وبتظهر رسالة airbag error كل لما أشغل العربية. بعدها علطول المالتي فنكشن بطل يشتغل هو كمان وبعدها بكام يوم الكلاكس حصلهم:)
دورت على المنتدى ولقيت الموضوع ده عن نفس المشكلة تقريبا:
http://www.nilemotors.net/nile/301960-a.html

بس كنت عاوز أتأكد هلى الحاجات ديه هتكون في الظمان ولا أريح نفسي وأدور على المشكلة ايه بالظبط؟

السؤال التاني ممكن ألاقي تيل الفرامل فين غير التوكيل؟؟

شكرا

هو ده حضرتك للأسف عيب في الجراند بونتو والإيفو .. هو عيب قايل الحقيقة .. انا غيرته مرتين بس كان جوه الضمان .. هو طبعا بالنسبة لحضرتك جوه الضمان وهو تغيير دراع إشارات .. المشكلة بتتحل .. لأنه كل ده مربوط ببعضه

أنا بفكر الحقيقة أبعت لفيات إيطاليا عشان الموضوع ده وأشوف رد فعلهم إيه .. انا معرفش برضه هل فيه منه استيراد ولا لأ ؟! لأن أنا خرجت بره الضمان

كان غى مشكلة فى الايفو شكوى من حدفة يمين وطقة فى الدريكسيون .....
هى دى مشكلة عامة ولا لاء؟ واية سببها ؟
اصل انا عايز اجيب العربية دى وخايف البس .

المشاركة الأصلية كتبت بواسطة mohamed1

كان غى مشكلة فى الايفو شكوى من حدفة يمين وطقة فى الدريكسيون .....
هى دى مشكلة عامة ولا لاء؟ واية سببها ؟
اصل انا عايز اجيب العربية دى وخايف البس .

لأ .. أظن حضرتك ديه عيوب فردية .. بس بعد فترة في صوت تتكتكة مش طقة .. وإنت بتلف الدركسيون عشان البطاحات بتبقى عاوزه تتغير كل فترة

المشاركة الأصلية كتبت بواسطة ammar

هو ده حضرتك للأسف عيب في الجراند بونتو والإيفو .. هو عيب قايل الحقيقة .. انا غيرته مرتين بس كان جوه الضمان .. هو طبعا بالنسبة لحضرتك جوه الضمان وهو تغيير دراع إشارات .. المشكلة بتتحل .. لأنه كل ده مربوط ببعضه

أنا بفكر الحقيقة أبعت لفيات إيطاليا عشان الموضوع ده وأشوف رد فعلهم إيه .. انا معرفش برضه هل فيه منه استيراد ولا لأ ؟! لأن أنا خرجت بره الضمان

وتغيرها سهل ولا بيرخموا في تغيرها ونظام أصلها مش موجودة ومش عارف ايه؟؟

المشاركة الأصلية كتبت بواسطة elpasha009

وتغيرها سهل ولا بيرخموا في تغيرها ونظام أصلها مش موجودة ومش عارف ايه؟؟

والله أنا مغيرتهاش ولا مرة الحقيقة .. بس أنا اتعودت على صوت التكتكة ده وانا بحود على الثابت بس .. فمغيرتهاش لحد دلوقتي (50 ألف تقريبا )

بس الحقيقة في المجمل العربية رائعة يعيبها بس شوية التكات البسيطة ديه

لو انت لسة فى الضمان يبقى يتغير على التوكيل ومفيش حاجه اسمها مش موجود.. لو مش موجود يطلبوه ويجيلك ولو اى حاجة مش عجباك اطلع للمهندس علاء.. راجل محترم وبيقابل كل العملاء وبيحل مشاكل كتير