عرض للطباعة
الحمد لله والشكر لله استلمت نيو صنى يوم الخميس اللى فات ورخصت فى مرور بين السريات أمبارح السبت ................... الشكر لك الشكر لأعضاء هذا المنتدى العظيم والقائمين عليه كلاً بأسمه عشان ما أنساش حد للمعلومات المفيده والكثيره والجميله والمتنوعة اللى أستفدت بيها وبناء عليه قررت شراء الصنى ...... وأرجو الإفادة من جميع الأعضاء والمنظمين عن أى نصيحه تنصحونى بيها أنا لسه معملتش أى حاجه فى العربيه يعنى لسه بكر
الف مبروك وربنا يباركلك فيها
ألف مبروك ربنا يباركلك فيها ويرزقك خيرها ويكفيك شرها
روح تصدق واعمل حاجة لله اللي أكرمك بعربية كويسة تغنيك عن سؤال اللئيم ...دي أول حاجة
تاني حاجة: روح ظبط ضغط الكاوتش (هاتلاقيه جاي على 40) ويستحسن تفضيه من الهوا وتملاه نايتروجين علشان تحافظ على العفشة وعلى ضهرك ... ماتحاولش تجري بيه قوي ولا تفرمل جامد لأنه مش كويس, ولو عندك قدرة مالية غيره ببريدجستون أو كونتيننتال زي ماباقي الأعضاء الكرام وضحوا
تالت حاجة: اهتم بالتموين بنزين 92 وماتسيبهوش يوصل لحد ما التانك يفضى
رابع حاجة: ان كان الفرش فاتح وانت من النوع اللي بيبهدل, روح اعمللها كسوة جلد وكتير من الأعضاء بيرجحوا معرض معين في مدينة نصر جربوه وبيشكروا فيه قوي
خامس حاجة: العربية سحبها في الأول بيكون مش قوي وبعد صيانة الألف بيزيد وبعد الخمستلاف بيتوحش, اصبر عليها وبإذن الله تلاقي نتيجة جميلة
سادس حاجة: تصميمها وأبعادها وموتورها مش معمول للجري والغرز وحركات الاستعراض, دي عربية سيدان للاستعمال المتزن, خد بالك منها تلحقك بعد عشرين سنة وتعمر معاك
اهتم بالصيانات الدورية وراعي تغيير الزيوت في مواعيدها (يرجح زيوت تخليقية 10000 كيلو , ناس بترجح شل هيليكس وناس بتقول كمان ان ليكوي مولي وفالفولاين أفضل بكتير وده الرأي الصائب), وماتخليش البواب يقضيها غسيل بالليفة العجيبة والخيشة والحتة الزفرة لأن دهانها مش من النوع قوي التحمل
سخنها دقيقة قبل ماتطلع بيها (من غير ماتزود بنزين قوي), وامشي بما يرضي الله وراعي ربنا في الطريق يرزقك فيها البركة وراحة البال
وألف مليون مبروك مرة تانية
كلام ما بعدة كلام فعلا ربنا يباركلك فيها وتتربى فى عزكاقتباس:
المشاركة الأصلية كتبت بواسطة the_air_devil
أضافة صغيرة بس حضرتك تروح جايب قفل دركسيون ولا 2 زى علشان لقدر الله السرقة
ألف مبروك وربنا يديك خيرها ويكفيك شرها ومتنساش تسجل نفسك فى رابطة ملاك الصنى الشكل الجديد عشان نتعرف على حضرتك كويس وأهلا بيك عضو فعال فى منتدانا الجميل
الف مبروك
الف الف مبروك العربية نيسان صني .. ربنا يديك خيرها علي طول و الف مبروك علينا عضو نيساني جديد :))
الف الف مبروك
نصيحة اوعى تضيف اى حاجة للعربية بسببها يتلعب فى الضفيرة خلليها زى ما طلعت من المصنع
كلام جميل و صاحبه اجملاقتباس:
المشاركة الأصلية كتبت بواسطة the_air_devil
تحية لعضو من القلائل اللى احببتهم دون ان اعرفهم
air devil هو المفروض ميزودش بنزين خالص وهي بتسخن نفسها اوتوماتيك لأن غلط جدا يزود بنزين وهي بتسخن لان الموتور بيتجلخ كده لان اغلب الزيت بيكون لسه تحت في كارتيرة الزيت هو ممكن بعد دقيقة يتحرك بيكون الزيت وصل للموتور والله اعلم والف مبرووك ")
اقتباس:
المشاركة الأصلية كتبت بواسطة mollaelolla
أحبك الذي أحببتني فيه , والله بجد الواحد مش عارف يقول إيه للناس اللي هنا, وربنا يديم المودة والمحبة والمعروف وإلى لقاء قريب بإذن الله :16:
اقتباس:
المشاركة الأصلية كتبت بواسطة windofchange
هو انا فعلاً مش بازود بنزين , يادوب لمسة للدواسة لأن كدة كدة التسخين الأوتوماتيك بيبقى فكرة عمله هو رفع عدد لفات المحرك , وده نفس اللي بيعمله البنزين, لكن الرفع بيكون بنسبة طفيفة (500 لفة زيادة فقط), علشان كدة باقول مايزودش بنزين قوي, لأن الفكرة السائدة في مصر ان أول مالعربية تدور لازم الشارع كله يعرف اني باسخن العربية :36_2_49[1]:
الف الف مبروك العربيه، ربنا يديك خيرها و يكفيك شرها
ألف ألف مبروك يا باشا..... وربنا يديك خيرها ويكفيك شرها
اقتباس:
المشاركة الأصلية كتبت بواسطة the_air_devil
:Ta_clap[1]::Ta_clap[1]::Ta_clap[1]:
اقتباس:
المشاركة الأصلية كتبت بواسطة columbo
الف الف مبروووووووك
ربنا يحفظك منها ويحفظهالك
ومبرروك عليك انك اصحبت من الصقوووررر
اما عن النصيجه فقد افاض الزملاء الاجلاء بها وكنت اتمنى ان اضيف شيئاً والحمد لله الاخوه الافاضل مابخلو بشى
تحياتى لهم ولحضرتك
الف مبروك العربيه
و عقبال مأستلم يارب
مبروك يا باشا وربنا يباركلك فيها
الله يبارك فيك يا باشا وادعيلى بقا ربنا يحفظها من العين لحسن العربيه اتخدشت امبارح وانا داخل الجراج :(
الله يبارك فيكم جميعاً وادعولى بقا ربنا يحفظها من العين لحسن العربيه اتخدشت امبارح وانا داخل الجراج :(:waaaht:
و10000 مليون شكر لكل أعضاء المنتدى الكرام اللى مبخلوش عليا بالرد والنصيحه وكمان اللى مردوش لأن كلهم ناس محترمه وأعزاء بس أكيد فى حاجه شغلتهم :36_1_37[1]:والله يبارك فيكم جميعها وبالنسبه للست نصائح الجميله من العضو الأجمل عاوز أقوله والله فعلا جم فى وقتهم 1000000000000 شكر وربنا يعزكم جميعا ويكرم كل اللى لسه ما استلمش ويستلم قريب جدا انا كان المفروض استلم فى أخر شهر 11 بس كل الشكر للأستاذ المحترم / حسن عبد الله من توكيل أوتو أيجبت المهندسين اللى قدر الله ان أحد العملاء يعتذر عن الإستلام وكان طلب نفس المواصفات الخاصة اللى انا كنت طلبها فقام مسلمنى بدل منه لأنى كنت اقرب واحد طلب نفس المواصفات وبرده احب أشكر كل القائمين على شركة أوتو ايجبت والتنظيم والإحترام اللى عندهم اللى مشفتوش فى توكيلات تانيه (بدون ذكر أسامى) وأخير أحب أشكر عربيتى النيسان العزيزة جدا الى قلبى وقلب أسرتى وخاصتاً ابنى مازن اللى بقى تقريبا بياكل ويشرب وينام فيها:babyroll: على تعبها معايا وتحملها ليا .............................................. أمضاء / صقر صغنون بأذن الله:inlove:
الله يبارك فيكم جميعاً وادعولى بقا ربنا يحفظها من العين لحسن العربيه اتخدشت امبارح وانا داخل الجراج :(
و10000 مليون شكر لكل أعضاء المنتدى الكرام اللى مبخلوش عليا بالرد والنصيحه وكمان اللى مردوش لأن كلهم ناس محترمه وأعزاء بس أكيد فى حاجه شغلتهم والله يبارك فيكم جميعها وبالنسبه للست نصائح الجميله من العضو الأجمل عاوز أقوله والله فعلا جم فى وقتهم 1000000000000 شكر وربنا يعزكم جميعا ويكرم كل اللى لسه ما استلمش ويستلم قريب جدا انا كان المفروض استلم فى أخر شهر 11 بس كل الشكر للأستاذ المحترم / حسن عبد الله من توكيل أوتو أيجبت المهندسين اللى قدر الله ان أحد العملاء يعتذر عن الإستلام وكان طلب نفس المواصفات الخاصة اللى انا كنت طلبها فقام مسلمنى بدل منه لأنى كنت اقرب واحد طلب نفس المواصفات وبرده احب أشكر كل القائمين على شركة أوتو ايجبت والتنظيم والإحترام اللى عندهم اللى مشفتوش فى توكيلات تانيه (بدون ذكر أسامى) وأخير أحب أشكر عربيتى النيسان العزيزة جدا الى قلبى وقلب أسرتى وخاصتاً ابنى مازن اللى بقى تقريبا بياكل ويشرب وينام فيها على تعبها معايا وتحملها ليا .............................................. أمضاء / صقر صغنون بأذن الله