المشاركة الأصلية كتبت بواسطة melkady86
السلام عليكم,
صباح الخير علي اجمل منتدي, انا اشتريت لوجان 2013 اوتوماتيك وعندي فيها كام سؤال:
1- لما بدي اشاره يمين او شمال السهمين اللي في التابلوه بينورا كأني مدي انتظار, دة طبيعي؟ اعتقد ان المفروض لما ادي اشاره شمال السهم الشمال بس اللي ينور والعكس في اليمين, صححولي لو انا غلطان
2- لما اكون ماشي علي سرعه قليله وادوس فرامل بسمع صوت تزييئ من عند مكان الفتيس دة ممكن يكون ايه؟
3-لما اجري بسرعه وانا قافل الشبابيك بسمع صوت كأن فيه هوا بيدخل من الشباك اليمين (كأنه مفتوح), حاولت اشوف مصدر الهوا او الصوت دة من ايه معرفتش
4- لما اجي ادوس فرامل بسمع صوت تكه في التابلوه, الصوت دة كنت متقبله في عربيتي القديمه, كل ما ادوس فرامل بسمع تكه بتاعه لمات الفرامل لما تنور انما هل ده طبيعي في عربيه جديده؟
افيدوني افادكم الله :)
واسف علي الاطاله