السلام عليكم
العربيه باسم والدى ( رحمه الله ) وعايز اجدد رخصه العربيه لان الرخصه انتهت بقالها كام شهر السؤال حاليا انا عايز اجدد باسم الورثه يعنى يتكتب فى الرخصه ورثه فلان الفلانى هل ممكن كدا بسهوله ولا فيها مشاكل ..... وهل لو حاليا بيعنا العربيه لحد فينا هل لازم ينقل ملكيه ويدفع حوالى 1200 جنيه نقل ملكيه ولا ايه الوضع حاليا
تنصحونى بايه ولو حد جرب الموضوع دا يقلى عمل ايه
انا لسة ماشي في القصة دي من شهر...نقلت ملكية عربة والد الله يرحمه لنفسي
الخطوات كالاتي:
هاتقرر الاول انت عايز تكتب العربية باسم مين...و يفضل بإسم واحد بس من الورثة و ليكن أسمك
هاتروح الشهر العقاري و معاك الورثة كلهم أو توكيلات منهم بالإضافة إلى إعلام الوراثة و تطلب نقل ملكية السيارة من الورثة ليك
خد بالك ان ممكن يحتاجوا شهادة بيانات من المرور لأن الرخصة منتهية...إتأكد الاول من مكتب الشهر العقاري
مصاريف نقل الملكية مش هاتدفعها كلها....هما بيحسبوا العربية انها 24 قيراط و بيشوفوا كل واحد من الورثة له كام قيراط و بيخصموا حقك من القيمة...
يعني...الورثة في حالتي كانوا أمي و أختي و انا... مصاريف نقل الملكية العادية كانت 1100 جنيه...حسبوهالي 510 جنيه لأن نصيبي في العربية موجود بداخلها...و كده انا دفعت نصيبهم فيها فقط ( ثمن الوالدة و تلت الأخت)
الكلام ده مش هايخد أكتر من ساعة زمن في الشهر العقاري لو ورقك كله موجود و كل حاجة سليمة
هاتطلع على المرور تطلع شهادة مخالفات و تفحص بعدين على شباك نقل الملكية و خلي معاك صور إعلام الوراثة و صور بطايق الورثة كلهم لأنهم بيحتاجوا يتطلعوا عليها...و هاتدفع الضريبة و الرسوم و التأمين و و و ...و في ظرف ساعتين تكون مخلص و اخد الرخصة
أتمنى أكون أفدتك... و لو فيه أي إستفسار أنا موجود
اقتباس:
المشاركة الأصلية كتبت بواسطة nadernabil
الف مليون شكر يا باشا وانا ذى حالتك بالظبط ( وانا وامى واختى ) بس المشكله ان الرخصه منتهيه بقالها شهور ..... ثانيا انا عايز انقل العربيه باسم اختى فعلا لانها من حقها بس فكرت انى اكتبها حاليا باسم ورثه فلان الفلانى وبعد كدا نعملها توكيل وبعد 3 سنوات تنقل هيا ملكيه
فى الحاله دى ايه الاجراء وهل ممكن اروح انا اخلص من غير ما يكونوا معايا او على الاقل يروحوا مره واحده لانى بكرا بفكر اروح اجيب شهاده المخالفات واشترى الورق وكدا
لو هي لسة قاصر هايبقى في مشكلة لأن القصة هاتخش في مجلس حسبي (و معنديش فكرة بصراحة إيه الإجراءاتاقتباس:
المشاركة الأصلية كتبت بواسطة احمد المصرى
عموماً انت مش هاتحتاجهم غير مرة واحدة بس في الشهر العقاري...و ممكن تخليهم يعملولك توكيلات و تخلص انت القصة كلها لوحدك
نصحتي ليك...روح مكتب الشهر العقاري التابع لمحل سكنك و إشرحلهم بالظبط على الموقف و وريهم كل الورق و هما هايفيدوك بالمطلوب إن شاء الله
انا اقدر افيدك في موضوع الرخصة المنتهية
هتروح هناك هيقولك مينفعش نعمل اي حاجه الا لما تجبلنا شهادة بيانات للعربية
وده بسبب ان الرخصة انتهت
بتروح من المرور بتطلب شهادة بيانات للشهر العقاري عشان تنقل ملكية
هيقولك هاتلي شهادة مخالفات وادفع ضريبة التجديد سواء سنة او 3 على حسب ما انت عايز
وبعد ما تعمل كده هيطلعلك شهادة بيانات موجهة للشهر العقاري
بس في حاجه بقى انت لازم تكون صاحب العربية عشان تقدر تطلع الشهادة دي
مش عارف بقى هل هتجيب معاك اعلام وراثة مثلا ولا ايه عشان تثبت انك لك علاقة بالعربية
المهم هتاخد الشهادة دي وتروح للشهر العقاري تكتب العقد وترجلعهم تاني بالعقد
عشان تكمل باقي اجراءات نقل المكلية
لو انت عايز الرخصة يتكتب فيها ورثة فلان الفلانى
حتروح الشهر العقارى انت و اختك و والدتك , حيعملولك هما الاتنين توكيل إدارة سيارة
تروح انت بعد كده المرور لوحدك و معاك التوكيلين دول , عشان تخلص اجراءات السيارة عن نفسك و بصفتك و كيل عن باقى الورثة , و حيحتاجوا طبعاً اعلان الوراثة
بس حتمشى فى الروتين العادى بتاع المرور لحد ما تاخد الرخصة بإسم ورثة فلان الفلانى
الف شكر يا رجاله بس شكلها كدا موال انا ان شاء الله هروح بكرا وربنا يسهل ان شاء الله