الباسات 1999-2000 متوفرة مستعمل و سعرها منخفض من وجهة نظري (55 - 60 الف)
هل فيها عيوب او مشاكل؟!! انا بفكر اجيبها
الباسات 1999-2000 متوفرة مستعمل و سعرها منخفض من وجهة نظري (55 - 60 الف)
هل فيها عيوب او مشاكل؟!! انا بفكر اجيبها
هو دة سعرها لا رخيصة ولا حاجة
هو بس قطع غيارها غالية حبتين لو هتجيبها جديدة اصلية
55-60 بس !!!!
طيب ده سعرها ايه بالظبط 1600 ولا 2000 اوتو ولا مانواال
العربية دى من اثبت العربيات الى الواحد جربها فى حياته
عربيه تحفه طبعا واللي بحبها اوي الشكل اللي هو 2003 اللي هو قبل الشكل الجديد بس مش منتشره خالص نادره اوي
علفكره السعر من 55-60 ده سعر عربيه متهانه بالنسبه للباسات انا عندي واحده عربيه ممتازه وثبات مش طبيعي وفرامل عجيبه وممكن تروح بيها اي حته في اي وقت علفكره انا فضلت ماشي بيها حوالي اسبوع بكوبلن واحد بس والتاني كان تقريبا منتهي ماشاء الله مش هتصدق العربيه بتعمل ايه طبيعيه جدا بس التسارع قل بسبب مشكلة الكوبلن بس بعد ما غيرته لااااااااااااااا احساس تاني خالص العربيه دي قطع غيارها ارخص من قطع غيار الانسر البومه وأتحدى اي حد يقول غير كده المشكله الوحيده وده انا شايفه ميزه ان العفشه الاماميه مقصاتها معقده شويه شكلها غريب جدا بس لو فهمت السبب في التعقيد ده هتعرف ان العربيه دي تستاهل كل جنيه بيتصرف عليها طقم المقصات الامامي بيدا سعر النضيف منه في مصر ب2000 جنيه ولو حبيت تجيب الاصلي بتاعها من أمريكا او المانيا هيكون سعره تقريبا 220 دولار وده الاصلي وسعره في مصر حوالي 5000 جنيه بس محدش بيجيبه هوه ده عيبها بس ممكن تجيبها طبعا استيراد بحوالي 1000 الي 1500 او صناعه تركي بحوالي 1800 جديده
الرينج الطبيعي بتاعها في السوق الي بتكون حالتها فيه جيده لممتازه من 68 الي 75 او 80 كمان وده حسب الحاله طبعا
وشكرا
سعرها واقع عشان عربيه محترمه هو دا سوق مصر فى السيارات ... و بالفعل اسعار قطع غيارها ارخص من البومه .... و بيقولو اسعار قطع غيارها غاليه عشان بيقارنو اسعار اللانوس و النوبيرا و الاكسنت و الكريستاله ... العربيه فعلا فراملها عجيبه عجيبه عجيبه عجيبه و مستوى الامان فيها عالى جدا بس حطلها جنط 16 /205/55 يبقى احلى و احلى
عفشتها غالية جدا
وقطع غيارها غالية بسبب انها عربيه فخمة
فمش ذنب العربيه دا ذنب السوق انها تبقى بتمن الكريستاله!!
عربيه محترمه بس لو اتوماتيك افحص الفتيس كويس
لازم متخصص ولا ممكن أكشف بنفسي؟اقتباس:
المشاركة الأصلية كتبت بواسطة gho_ah
العربيه دى من افضل السيارات فى سعرها المستعمل والعربيه دى من النوادر اللى واخده ٥ نجوم فى مواصفات السلامه وهى عربيه اثبن مما تتخيلو وفيها فرامل اسطوره بشفتهاش فى عربيات حتى موديل ٢٠١١ وهى فيها نفس طابلوه الاودى a4 واتعرض عليا واحده ٢٠٠٢ موتور ٢٠٠٠ سي سي ب٧٠ الف جنيه وتلعربيه كانت فعلاً سليمه وموتور اصلى استغربت جداً من تخلف السوق المصري ان الكل قال هو طه سعرها جبت واحد صاحبى يشتريها من غير تفكير وقطع غيارها متوفره جديد وتقطيع كتير جداً لأن قطع غيترها مشتركه مع عربيات كتير فولكس انا بعتبرها صفقه ناجحه فى المستعمل
بص هوا اغلى حاجه فيها الفتيس لما تجرب العربيه دى جرب الفتيس الاوتوماتيك لو سليم يبقى 90 فى الميه العربيه تمام اى حاجه تانيه سهله و يا ريت لو التكييف تمام عشان تترحم من فتى الصنايعيه انا ركبت عربيه يابانى مشهورة جدا بدون ذكر اسماء عشان بيتزعل منى موديل 2008 1600 مانيوال كلنا مسافرين مطروح و بنبدل العربيات فى الطريق الباسات ال 98 و اليابانى ... طبعا اليابانى نومه و تسارع جميل لحد ال 100 بعد كدة العربيه فى الضياع فى السحب رغم انها 1600 بردو الباسات بقى تقيله وراسيه اوى زيادة عن اللزوم و تقبله لحد ال 80 بعد كدة بتتحول الى وحش كاسر .... قوة تسارع رهيبه جدا توصلك لل 160 فى ثوانى لدرجه انك ممكن تخاف من قوة السحب بتاع العربيه و تتصور ان الفرامل مش ممكن توقفها .... ورغم ركوبى للعربيه دى 5 سنين وزهقت منها الا انى رفضت اكمل المشوار بالعربيه التانيه ال 2008 لانى حسيت انى نزلت من خيل ركبت معزة
مفيش بعد الباسات دي بس بشرط الحالة الجيدة جدا، وفعلا ممتازة في كل النواحي ولو لقيت قطعة غيار غالية تبقى معمرة جدا.