تقرير عن صيانة ال 40000 للبرسونا عند عصام صفا
رحت يوم الخميس اللي فات مركز عصام صفا لعمل صيانة ال 40000
كان معايا فلتر الهوا و البنزين و البوجيهات و فلتر الزيت كنت اشترتهم من مكة اللي في شارع دمشق ب 175 جنية
وصلت المركز الساعة 11 و نص تقريبا
وغيرت كل الحاجات دية بس جبت فلتر الزيت من عندهم علي حسب نصيحتهم
هما غيروا كل الحاجات دي مع المياة الحمرا و فلتر التكييف و تربيط العفشة و تنضيف البوابة ب 1136 جنية
استلمت العربية الساعة تقريبا 1 الظهر
و الحمد لله مفيش اي ملاحظات ما عدا انه لما العربية بتبقي باردة ال ار بي ام بتكون عند 10 و نص مش عشرة بس و دة ما كانش موجود قبل كدة و بعد ما تسخن بترجع تاني ل عشرة
بس كدة دي كانت ملاحاظاتي عن صيانة ال 40000
و اسف علي الاطالة