استطلاع الرأى بين هيوانداى اكسنت vs دايو لانوس

**momo20703** · 07-07-2008 05:11 AM

HYUNDAI ACCENT VS DAEWOO LANOS

عاوزين نعمل استطلاع بين العربيتين دول بالتحديد باعتبار انهم الاكثر شعبية فى مصر واصبح دلوقتى الاكثر بيعاً وشراءً فى السوق و تعتبر سيارات مثالية واقتصادية من حيث قطع الغيار والصيانة وخلافه

ونتخيل مع بعض العربيات دى كدا بعد 25 - 30 سنة هتكون عاملة ازاى ياترى لسة شغالة وبتستحمل زى البيجو 504 و ال 128 وال 125 وموديلات الثمانيناات من اليابانى ولا هنكون غيرنا فيها كل حاجة مرتين ثلاتة .....

**sab3aawy** · 07-07-2008 09:47 AM

المقارنة محسومة لصالح اللانوس

حجم أكبر، محرك اقوى(على اعتبار ان عدد الأكسنت القديمة ال 1500 قليل جدا)،شنطة وصالون اوسع، صاج افضل(نظرة واحدة لكبوت اى اكسنت مستعملة ستجعلك تدرك الفرق،محركات اللانوس معمرة جدا بالمقارنة بالأكسنت، اللانوس مزودة بالباور ستيرنج فى حين ان الأكسنت1300 غير مزودة بها ومش موجودة غير فى ال1500 فقط، اللانوس حقن الكترونى فى حين ان الاكسنت معظمها كاربراتير ،

يعنى بالمختصر لو قارننا اللانوس بالأكسنت 1300 فلا وجه للمقارنة، اما لو قارنناها بالأكسنت 1500 والتى يعتبر االموجود منها قليل فستتفوق اللانوس فى الحجم والصاج والعمر الإفتراضى للمحرك وصندوق التروس