استفسار بسيط عن سيارة قبل استلام

السلام عليكم

بكرة صاحبى هيستلم نيو صنى بعد ما اقنعته بها و الفضل لكم و هو كمان اقتنع و خليته يقعد فى ريو و اكسنت و قرر على صنى المهم بكرة هيروح يستلم عربيه اللى هيستلمها لأقيتها فيه بطاريه جافه و باب سواق قفلته كويسه و مفيش خدوش بس لما شغلت كونتكت لأقتها عامله 65 كيلو هل ده عادى و لا رقم عالى و ايه اللى بنستلمه مع عربيه غير استبن و كتالوج و مفتاحين و عده

شكرا

ده عادي طالما انت مش جايبها من السبع أو أوتو إيجبت ... المصنع في أكتوبر وطبيعي جداً تكون دي المسافة من هناك للمعرض

عادى أكيد ده المشوار من المصنع للمعرض اللى هتشتريها منه و المعرض بعت سواق يستلمها و ما جبهاش على ونش. المهم ان حضرتك تكشف عليها كويس و تتأكد ان مفيهاش خرابيش او اى اثار للدهان و على فكره فى معارض بتفصل عداد الكيلومتر لما بيسوقوا العربيه علشان يسلمهوها زيرو بس كده احسن و ألف مبروك مقدما

عادى جدا لو حسبت المسافة من المصنع للموزع ثم للمعرض يادوب 65 كم أهم حاجة شيل اللزق البلاستيك الأبيض من على السقف والكبوت والشنطة وراجع كويس عشان ممكن يكون فيه نقره او اللون مخالف مثلا وأيضا أريال السيارة والولاعة وضمان البطارية والكاسيت وضمان السيارة ومفتاح تشغيل التكيف وجربه 3 دقائق وشغل الكاسيت وخد معاك سى دى وجرب الكاسيت ومبروك مقدما

انا اتسلمت العربيه وهي عامله ٨٠ كم

اهم حاجه تبص على العربيه كويس

بجد يا جماعه انا اشكركم كلكم على ردود رائعه دى بجد طمنطونا متشكر جدا كتر خيركم و الله ما قصرتم

هو مفيش مشكلة ولغاية 80 كيلو كمان تمام
بس انا شوفت عربيات كانت عاملة 25 كيلو .. وعند اوتو ايجيبت الموزع المعتمد لنيسان يعنى مفروض ان المسافة من المصنع الى المهندسين ممكن تكون فى الرنج ده ومن المصنع الى مخزن اوتو فى ابورواش 15 او 16 كيلو
ولو حد استلم مثلا من اوتو كليوهات اكبر ممكن يكون العربية جايبنها من المهندسين الى مدينة نصر فاكيد ممكن تدخل فى 50 كيلو او 60 كيلو واحيانا بتخرج من مخزن اوتو ايجيبت فى ابورواش وتاخد طريق الدائرى بدل من زحمة البلد .. وعقبال ما يوصل مدينة نصر تكون وصلت الى 80 كيلو

ولو كان معرض خاص مش موزع معتمد .. ممكن يكون عقبال ما اخدها من موزع معتمد وراحتله على مخزن له وراكنها وبعدين جابها من المخزن للعميل على المعرض يكون بردوا فى رنج 60 الى 80 كيلو وممكن 90 كيلو .. لكن ازيد من كدا ولو عدت ال100 يبقا العربية دى اتلف بيها وراحت وجت وامرها مشكوك فيها

فمتقلقش

والف مبروك

اقتباس:

---

المشاركة الأصلية كتبت بواسطة ahmed.tv

هو مفيش مشكلة ولغاية 80 كيلو كمان تمام
بس انا شوفت عربيات كانت عاملة 25 كيلو .. وعند اوتو ايجيبت الموزع المعتمد لنيسان يعنى مفروض ان المسافة من المصنع الى المهندسين ممكن تكون فى الرنج ده ومن المصنع الى مخزن اوتو فى ابورواش 15 او 16 كيلو
ولو حد استلم مثلا من اوتو كليوهات اكبر ممكن يكون العربية جايبنها من المهندسين الى مدينة نصر فاكيد ممكن تدخل فى 50 كيلو او 60 كيلو واحيانا بتخرج من مخزن اوتو ايجيبت فى ابورواش وتاخد طريق الدائرى بدل من زحمة البلد .. وعقبال ما يوصل مدينة نصر تكون وصلت الى 80 كيلو

ولو كان معرض خاص مش موزع معتمد .. ممكن يكون عقبال ما اخدها من موزع معتمد وراحتله على مخزن له وراكنها وبعدين جابها من المخزن للعميل على المعرض يكون بردوا فى رنج 60 الى 80 كيلو وممكن 90 كيلو .. لكن ازيد من كدا ولو عدت ال100 يبقا العربية دى اتلف بيها وراحت وجت وامرها مشكوك فيها

فمتقلقش

والف مبروك

---

شكرا يا استاذ احمد على توضيح ده

تحت امرك واهلا بيك معانا وقول لصديقك مبروك مقدما
تحياتى

الف الف مبروك العربيه
و عقبال كل واحد علي لائحه الانتظار

انا اتسلمت العربيه وهي عامله 71 كم

اهم حاجه تبص على العربيه كويس
مبروك مقدما

الف مبروك الاستلام