عرض للطباعة
كنت بفكر في أسترا 2001 لاقيت أبيزا 2002 ؟؟؟؟؟
انا بصراحه كنت عاوز أسترا بس خايف من تكتيفة المكنه مع التكيف عشان هي 1200cc ,و مع ان الإيبيزا 1000 cc بس مش متكتفه و بتسحب عشان انتم عارفين غير الأسترا
ممكن حد ينصحني ... الفلوس واحده 45 ألف ثم لو زوتهم لحاد 50 اشوف أسترا 2003 مثلا ؟؟
الموضوع ده بجد مجنني انا بطبعي مش متردد بس بحب أعمل الي علي و الباقي على الله
شكرا و انا أسف على التطويل :7_6_5v[1]:
الاسترا مع التكييف ارحم من الابيزا
الابيزا 50 حصان تقريبا
والاسترا 67 او 75
بس التقل الي في الأسترا باين مع التكييف عشان تقلها( الوزن ) بس الابيزا مش باين عشان خفيفه شويه !!!!اقتباس:
المشاركة الأصلية كتبت بواسطة nab!l
العربيتين محترمين , شوف اللى تلاقيها منهم بحاله كويسه و هاتها . أهم حاجه الحاله
انت نفس تفكيرى تمام .. كربونه و الله العظيم .. بس انا كنت بأروح على طول عالعربيه و زى ما تيجى .. اولا الابيزا عربيه شقيه اصلا و خفيفه جدا (أذكر انى مشيت بيها على عجلتين فى ملف و كنت ماشى على 80 كيلو (علشان كده تحس انها سريعه ) لكن لما تجرى مثلا مع لانوس اللانوس هتمسحك لانها لما تجمع هتجيب 170 كيلو و الابيزا اخرها 150 او اقل .. 1000 سى سى .. (اللى كانت معايا موديل 94 و 1300 سى سى ) اخرها 145 كيلو . و الاسترا مع التكييف جابت معايا 170 كيلو و عندى فيديو لها كمان.. و من غيره ممكن توصل 180 كيلو بس تكون لوحدك و العربيه هتلاقيها بقت طايره .. اعتقد التكييف مش هيزعلك وسط البلد خالص و اعتماد الاسترا مع التكييف بيكون على الغيار الاول (فترة الاعتماد عليه اكبر) على العموم الاحسن حاله هى اللى تيجى .. انا روحت اشترى ابيزا موديل 2001 و كانت كويسه ووسط الكلام اخو صاحب العربيه قال لى ان اخوه مش قادر على مصاريف العربيه روحت خالع و خفت بصراحه لان مستواهم كان كويس !
هو حضرتك مفكرتش ليه تجيب اوبل فكتراb
اللى ترتاح ليها بس
هى دى اللى تجيبها
أهلا محمد , واضح اننا فكرنا واحد من ابيزا ل استرااقتباس:
المشاركة الأصلية كتبت بواسطة mexmarine
و انت معاك أسترا يبقى شكلي ح ركز على الأسترا و يظهر ان الحاله فعلا هي المهمة
أهلا وائل , الفيكترا b عشان تيجي ب 45 ألف مثلا حتكون موديل تسعينات و ممكن تكون حاليتها مش حلوه اوي اما الأسترا فممكن تكون 2001اقتباس:
المشاركة الأصلية كتبت بواسطة وائل البرنس
ثم أظن ان الفيكترا b و الأسترا واحد من حيث التعقيد و الصنايعيه يعني لو الفيكترا أبسط كنت ح دور عليها عشان متقرفنيش مع الصنايعيه زي م انت فاهم
أنت صح يا كبير الأوبل انا بس بحاول أعرفاقتباس:
المشاركة الأصلية كتبت بواسطة tananybasha