يا جماعة....مين أفضل من التانى.....ستوديو مصر ولا مطاعم سبكترا
ولو سبكترا أحسن.....ايه أحسن فرع؟
عرض للطباعة
يا جماعة....مين أفضل من التانى.....ستوديو مصر ولا مطاعم سبكترا
ولو سبكترا أحسن.....ايه أحسن فرع؟
عن نفسى بفضل سبكترا ... value for money
بالنسبه للفروع هو حضرتك فين فى القاهره؟
فرع المعادى ممتاز و فرع المهندسين (اللى جنب مصطفى محمود) و فرع مدينة نصر فى حسنين هيكل ...
ابعد عن الفروع اللى فى المولات جربت بتاع جنينه مول مكنتش مبسوط و حد اعرفه جرب بتاع سيتى ستارز و برضه كان عنده مشاكل
ألف شكر لسرعة الرد......فعلا رد بسرعة الصاروخ
هتقل عليك معلش.....سبكترا اللى فى المعادى.....على الكورنيش ولا فين فى المعادى؟؟؟
وايه الأكلات اللى سبكترا متميزين فيها؟؟؟
انا عارف ان الأكل أزواق....بس ساعات المطاعم بيبقوا متميزين فى حاجات...وبيعكوا فى حاجات تانية.....فا ايه رأيك؟
وألف شكر مرة تانية
اساسى Spectra جاااااااااااااااامد طبعا..وينفع للعائلات او الاصدقاء,,,
تحس حضرتك ستوديو مصر ده بقى دمه تقيل..
واحسن الفروع بتاع التجمع الخامس حلو اووى بس للاسف اغلب الوقت بيكون complete
وكمان فرع شيراتون اللى عند مدخل طريق المطار ..
اما بالنسبة للمنيو واحسن الاكلات زى ما حضرتك قولت دى بتكون اذواق وعشان كده اتفضل
ده لينك موقع سبكترا واختار وكمان اعرف الاسعار..
Spectra Restaurant & Cafe
سبكترا فرع منتزه الشجره اللي قدام فندق كونراد ده رائع و في اعدات علي النيل :)
فى المعادى اخر شارع بورسعيد من ناحية شريط القطر ... فى ضهر بنك bnp paribas
بالنسبه للاكل انا عن نفسى بحب الستيك بتاعه و دايما باخد steak lover
و الحلو متتنازلش عن cheese madness
بس لازم تكون اكيل لان الكميه كبيره .... ساعات لو مش جعان اوى بشير انا و مراتى واحد main dish و starter و حلو
و برضه ل chicken enchillada تحفه
بص عامة اكلهم حلو و بيرضى اغلب الاذواق
واحد كان قالي فعلاً أن ده أحلى فرع ليهم,, عيز أجرب أروحه بس معرفش مكانه فين بالظبط!!..
هو كأكل سبكترا أحسن من ستوديو مصر.. بس المشكلة أن كل فروع سبكترا اللي بروحها بتبقى كاملة العدد و لازم تنتظر دورك + الأكل بيتأخر حبة حلوين + المطعم بيبقى دوشة بجد من الموسيقى اللي بيشغلوها بصوت عالي عشان تغطي على صوت المطبخ..
في steak out ده المنيو بتاعته زي سبكترا بدرجة كبيرة و أهدى شوية..
Steak put ممتاز بس مختلف عن سبكترا كتير بس الاتنين فى الsteak لا يغلى عليهم