مطلوب نصيحة حول شراء سيارة برايد او اكسل وكيف يمكن الكشف عن السيارة؟؟!!

**waleed_89** · 14-10-2012 10:51 PM

السلام عليكم ورحمة الله وبركاته

انا جديد بالمنتدي ودي اول مشاركة ليه وكنت عاايز اخد رأيكم في نقطتين:

الأولي:عايز اشتري سيارة في حدود 30 - 35 ألف شفت البرايد والبرايد سيبا والناس بتشكر فيها اوي واقتصادية وشايف برده الأكسيل كويسه محتار ما بين الأثنين وعايز رأيكم أيهم أفضل البرايد او البرايد سيبا او الأكسيل وما هي سنة الصنع المناسبة والسعر المناسب.

ثانياً: انا ماليش خبرة في الكشف علي السيارة وما اعرفش ميكانيكيا او سمكري يعني من الأخر هشتري بنفسي ومش عارف ازي اضمن ان السيارة كويسة موتور وحديد وتكيف وكهرباء وكده وما يضحكش علي.

في النهاية أحب اقول لكم اني عندي عقدة من الذهاب للميكانيكي لأني كان معايه عربية كنت بقعد عن الميكانيكي اكتر ما بقعد في بتنا وبصرف كتيرررررررر علي العربية فبدور علي حاااااجه مش عايز اروح للميكانيكي غير كل شهرين تلاته وانا استخدامي شخصي وبحافظ علي العربية.

أشكركم مقدماً وارجو الأفادة ............

**waleed_89** · 15-10-2012 12:27 AM

قرأت هذا الموضوع الذي يدعو الي تطبيق هذه الأستمارة وأردت ان اقوم بتعديل مشاركتي:

المبلغ المتاح / 30 - 35 ألف
نوع العربية / مستعمل
خبرتك فى السواقة وسكك الصيانة / متوسط
شكل العربية / مش فارقة
الموديل / فوق ال 2000 - تسعينات - مش فارقة
إستخدام السيارة فى الاغلب / داخل المدينة
انتقالاتك بالعربية / فى الاغلب لوحدك
الكماليات المرجوة /المهم التكييف
إستهلاك البنزين / يفضل قليل
قطع الغيار / فى المعقول
اماكن الصيانة / يفضل توكيل - ممكن ميكانيكية
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلة
سعر إعادة البيع / مش عايز تخسر كتير
اهم حاجات بتدور فيها على العربية / قلة اعطال

ملاحظات اخرى / مستني الرد :d

**waleed_89** · 16-10-2012 11:05 PM

متابع --- حد يقول لي يا جماعة ايه اليه ينسبني ؟؟؟!!

**M.FOUAD** · 17-10-2012 12:25 AM

كلة بيصرف و كلة لازم يروح لميكانيكي انت و نصيبك بقى
الاكسيل احسن و رايي كمان حاول تجيب اكسنت موديل عالي تبقى اجدد نسبيا
دور على عربية من بيت و ابعد عن السوق و العربيات اللي فيها توكيلات و يفضل تكون العربية اول يد
و اتفق مع صاحبها ترفعها في بنزينة عندك بنزينة شل اول الهرم دول ناس محترمين هما يكشفولوك عليها