فيرنا 2010 هل سعرها يقلق ؟؟!! أفيدوني

السلام عليكم ورحمة الله وبركاته

ابحث عن سيارة مستعملة, وجدت سيارة فيارنا للبيع بجواري موديل 2010 عامله 8 ألف كيلو أوتومتك زيرو من بره وجوده وفرش وكاسيت كين وود وسماعات وانذار وزجاج كهرباء وتكيف وسنسور باركينج وسنتر كل حاااااجه والراجل بيكلم في 50 ألف حاسس اني السعر ده قليل عليها هل في حاجه وره الموضوع ارجو تقديم النصيحه لأني شكلها ما فيش في اي حاجه خالص والدنيا ماشيه تمام فهل هذا سعر السوق بالموصفات دي فعلاً؟؟ لأني شفت موديلات اقل وعاملها كيلوات اعلي كتير ومنيول وكده وسعرها نفس السعر او اعلي كمان.

أرجو الأفادة

لأ طبعا ده مش سعرها خالص , يا إما العربية فيها كارثه مستخبيه و ده غالبا , يا إما صاحبها مش عارف سوقها إيه و عايز يبيعها بسرعه

Thank you,

سعرها مش طبيعى خالص

قلبي بيقولي ان فيها حوااار بس طبعاً منغير مانضرب اخماس ف اسداس احسن حاجه ترفعها ف بنزينه وتفصص كل حته فيها وتخلي ميكانيكي يشوفها ويجري بيها كمان ومش هقولك بقى عالباقي

ممكن تكون فرصه كويسه رغم ان مش بحب الفيرنا بس لو بالسعر دا ومفهاش اي حاجه بجد تبقى فرصه حتى تجيبها تمشي بيها شويه وتبيعها تبقى انت الكسبان وربنا يوفقك

اكشف في التوكيل ب250 جنيه ، هتعرف الجن الازرق اللى فيها

اكيد ده مش سعرها
ده المفروض على الحاله دى تعدى ال 60 مستريح
اكيد فى حوار جامد فى العربيه يا اما الراجل اللى عايز يبيعها تايه مش من هنا

من فضلك إتأكد إن الرخصة اللي مع الراجل ده حقيقية وذلك بالسؤال عليها في المرور التابع ليه الرخصه
لأن جايز يكون العربية مسروقة ومضروب لها رخصة وورق

مش سعرها خاااااااالص
شيك عليها و على رخصتها

شكراً يااا جماعة علي الأفادة :)

بالضبط كدة زي ما الاخوة قالولك اكشف كويس و الاهم تشوف الورق صح

و خلي بالك فية رخص مضروبة ماتفرقهاش و بتطلع من المرور

تروح مع صاحبها المرور و تجيب شهادة بيانات بنفسك من عالشباك و ماتسيبوش هوة يروح يجيبها علشان فية امناء معدومي الضمير كتير الايام دي

ياجماعه محدش خد بالة انها اتو ماتيك يعني كلها مشاكل الاتوماتك في الفيرنا مليان مشاكل علي كلام كتير
ومش مرغوبة في السوق لا لانوس اتوماتيك ولا فيرنا اتوماتيك وسعرها كويس بس ميكونش الفتيس فيه مشكلة خالص